Yosua 7:21 - AHYERƐLƐ KRONGRON

²¹ Nwuni aguasoɛ nyemenenyemene bie bɔ bɛyɔle ye wɔ Sinari, ɛdwetɛ kilo nyɔ, ɔne sikaa kɔkorɛ bɔ nu nonɛ te kilo bue wɔ koɛ nu nzesadeɛ ne anu. Me nye yɛle bɛ nwo koakoa, na nzesale. Mafu mawura ase wɔ me tena sua ne anu, na ɛdwetɛ ne yeɛ ɔwɔ ye bo paa ɔ.”

Yosua 7:21 Iomraidhean Croise

Gyenesise 10:10

Ye ahennie ne bɔle ye bo wɔ Babɛl, Ɛreke ne Akade, na bɛ mukoraa bɛwɔ Sinari aseɛ so.

Gyenesise 3:6

Na braa ne nwuni kyɛ saa bedi bakaa ne mma a ɔyɛ yee, ɔyɛ nyemene, na ɔkora ma sona nwu nworɛ. Yiti ɔtele ye mma ne bie lili, ɔmane ohu ne koso bie, na ye koso olili.

Gyenesise 34:27

Yakob mma mmienzua nemɔ fitele awufoɛ nemɔ aso ne, bɛfene kuro ne anu nningyein, ofikyɛ Sɛkem agua b’eliɛma brasua ne anwo fiɛ.

Gyenesise 6:2

Nyameɛ mma nemɔ benwuni kyɛ mmenia mma mmrasua nemɔ bɛ nwo yɛ nyemene, yiti begyigyale bɛ nu biala bɔ bekuro ɔ.

2 Samuel 11:2

Na ɛlɛho bie nɔsoa, Dawide dwɔsole fili nnaa nu. Né ɔnatenate ahemvie berɛ anwuro nekaa bie bɔ basamo so ɔ. Ogyi nzamsoɛ ne aso ne, onwuni kyɛ braa bie obia. Né braa ne nwo yɛ nyemene paa.

2 Ahemvo 7:8

Kwatafoɛ nemɔ beedwuli asikyeleɛ ne anwo ne, beewurale ɛtena sua ko anu, na bedidili bɛnone, na bɛsesale ɛdwetɛ, esikaa kɔkorɛ ne ndaadeɛ, na befili berɛ bɛfa bɛɛfeale. Besa bɛwale, beewurale ɛtena sua ko bieku anu, na bɛsesale nu nningyein ne bie bɛfa bɛɛfeale.

YOB NWOMAA NE 31:1

“Me ne me nye yayɛ apam, nzu ati yeɛ brasua bɔ onnwuni biaa le ne, odi kyɛ menea ye wɔ ehurolɛ atee so ɔ.

Edwein 119:37

Nningyein bɔ mvasoɛ nne so ne, ye me nye fi bɛ nealɛ so, maa nya ngoa wɔ w’atee ne aso.

Ɛksadɔso 20:17

“Nnɛma wɔ nye yɛ eliɛngo awuro nwo koakoa. Nnɛma wɔ nye yɛ eliɛngo aye nwo koakoa, anaa ye akoaa, ye afaneɛ, ye nandwie, ye afunum, anaa nikyee biala bɔ eliɛngo deɛ ahɔ ɔ.”

Anyandera 1:19

Sɔ yeɛ oyie mmenia mukoraa bɔ bɛpena anwonya wɔ atee tɛɛ so ɔ, na anwonya tɛɛ ne ɔpɛ ye nwo okũkũ bɛ.

Anyandera 23:31

Nnɛma wɔ nye yɛ nzaa bɔ ye nye apakye ɔ nwo koakoa, bɔ ye nye pɛ ahure wɔ kwangoa nu, bɔ ogua wɔ komvi a ɔkɔ yɔɔ ne.

Anyandera 28:22

Sona bɔ ɔperepere ye nwo nya ye nwo ne, ɔte anyeboroborolɛniɛ, na ɔndwene kyɛ ehiaa kɔwa ye so ɔ.

Anyandera 4:23

Adwene bɔ ɛkɔfa ne, dwene ye nwo yé paa, ofikyɛ nu yeɛ ngoa ofi ba ɔ.

Yesaya 28:15

Ofikyɛ ɛmɔnwa, “Yɛne ewue ayɛ apam, yɛne ɛborɔ yayɛ nhyehyɛleɛ, sɛ mbire bɔ ye noa yɛ yea tra so ne ɔbaapɛ nu a, ongonya yɛ ngofi yɛ, ofikyɛ yafa kanda yayɛ yɛ afealeɛ, yeɛ yafa nnakannaka yabɔ yɛ nwo waen.”

Yesaya 29:15

Bɛ yaakɔ, bɛ bɔ bɛfa bɛ nhyehyɛleɛ bɛfea AWURADE fee ɔ, bɛ bɔ bɛyɔ bɛ yɔleɛ wɔ awosii nu, bɔ bɛkã kyɛ, “Nwa yeɛ onwu yɛ ɔ? Nwa yeɛ ɔse yɛ ɔ?”

Habakuku 2:9

“Sona bɔ ɔnate atee tɛɛ so ɔpena anwonyadeɛ ma ye awuro, kyɛ ɔfa nwo ye saen wɔ anwuro, kyɛbɔ musue biala ngɔto ye ne, ye yaakɔ!”

Luka 12:15

Na osele bɛ kyɛ, “Ɛ́mɔnea ɛmɔ nwo yé wɔ anyeboroborolɛ nwo; ofikyɛ nna agyapadeɛ somaa bɔ sona wanya ye ɔ yeɛ otira ye ngoa nyamaa nu ɔ.”

Luka 12:2

Nikyee biala nne berɛ bɔ so akata bɔ ye nwo ngɔla berɛ ɔ, anaa bɔ ɔwɔ mvealeɛ nu bɔ bengonwu ye ɔ.

Ɛfesofoɛ 5:3

Na adwamanbɔlɛ, bra fiɛ amukoraa anaa anyeboroborolɛ nwo dwirɛ po, ɔnzɛ kyɛ ofite ɛmɔ nu ɔ, kyɛbɔ ɔfata anwoteefoɛ ɔ.

Ɛfesofoɛ 5:5

Ofikyɛ ɛmɔse ye dada kyɛ, adwamanbɔlɛniɛ anaa bra fiɛ bɔlɛniɛ anaa anyeboroborolɛniɛ (bɔ ɔte bosoensolɛniɛ) biala nne berɛ bɔ ole agyapadeɛ wɔ Kristo ne Nyameɛ ahennie ne anu ɔ.

Deuteronomi 7:25

Amoen mɔ bɔ bafa bayɛ bɛ nyameɛ mɔ ne, ɛ́mɔfa see bɛ́yera bɛ. Nnɛma wɔ nye boro ɛdwetɛ anaa esikaa kɔkorɛ bɔ bafa baboro amoen nemɔ nwo ne, ná amva bie ma wanyɛ ngaen wangye wɔ, ofikyɛ ɔte AWURADE wɔ Nyameɛ akyiwadeɛ.

Kolosefoɛ 3:5

Yiti ɛ́mɔhu aseɛ so suban bɔ ɔwɔ ɛmɔ nu ne: adwamanbɔlɛ, brabɔlɛ fiɛ, ahohwibra, akɔnnɔ bɔne bɔ ɔhyɛ sona so, ɔne anyeboroborolɛ; ofikyɛ anyeboroborolɛ te bosoensolɛ.

Hebrifoɛ 13:5

Ɛ́mɔye sikanyeboro befi ɛmɔ brabɔlɛ nu, ná ɛ́mɔma ɛmɔ nye sɔ bɔ ɛmɔanya ɔ; ofikyɛ ye bɔbɔ wahã kyɛ, “Mengoli wɔ ngasi, yeɛ mengɔye me sa wɔ wɔ bo le.”

Yakobo 1:15

Na sɛ akɔnnɔ ne ɔnwonzɛ a, ɔwo bɔne; yeɛ sɛ bɔne koso onyi yie a, ɔwo ewue.

Yosua 7:20

Na Akan buale Yosua kyɛ, “Ɔte nahorɛ, me yeɛ mayɔ bɔne matia AWURADE Yisrael Nyameɛ ɔ. Bɔ nyɔle ɛhe:

Yosua 7:22

Yiti Yosua somane mmenia, betuli amirika bɛhɔle ɛtena sua ne anu, na amba, né wafa wafea ye tena sua ne anu, bɔ ɛdwetɛ ne wura ye bo paa ɔ.

2 Petro 2:15

Bayakyi nahorɛ atee ne berɛ bali makyebu, na baafa Beɔ awa Balaam atee so, ye bɔ ohurole kyɛ okonya mvasoɛ kofi amumuyɛɛyɔlɛ nu ɔ.