Yosua 7:2 - AHYERƐLƐ KRONGRON

² Yosua somane mmienzua biemɔ maa befili Yeriko bɛhɔle Aye, bɔ opingye Bete Awen, wɔ Betel eyia afiteleɛ kyɛ, “Ɛ́mɔfo bɛhɔ bɛɛtetɛ aseɛ ne.” Na mmenia ne hɔle bɛɛtetɛle Aye besiele.

Yosua 7:2 Iomraidhean Croise

Gyenesise 12:8

Afei otu fili berɛ hɔle mmokaa aseɛ bɔ ɔwɔ Betel eyia afiteleɛ ne aso dɔ, na osili ye ɛtena sua wɔ berɛ; bɔ né Betel wɔ ye eyia atɔleɛ, yeɛ Aye koso wɔ ye eyia afiteleɛ. Osili afɔleɛ bokyea berɛ mane AWURADE, na ɔsɔnene AWURADE.

Gyenesise 28:19

Na ɔfrɛle berɛ Betel, nakoso daa ne de, né bɛfrɛ kuro ne Luse.

1 Ahemvo 12:29

Ogyinane ko wɔ Betel, yeɛ ogyinane ko koso wɔ Dan.

Nehemia 11:31

Benyaminfoɛ nemɔ koso bɛtenane nguro bɔ ofi Geba bɔ ɔkɔ nemɔ aso: Mikimase, Aiya, Betel ne ye nwo nguraa mɔ,

Anyandera 20:18

Egyina foɛtulɛ so ɛfa adwene a, odi mu, sɛ ɛbaahɔ koɛ a, gyina foɛtulɛ paa so.

Anyandera 24:6

ofikyɛ ɛyɔ nhyehyɛleɛ paa koraka né ahɔ koɛ, na ngonimlilɛ gyi foɛtulɛfoɛ pee so.

Yesaya 10:28

Wawa Ayate, waapɛ nu wɔ Migron, wayakyi ye nningyein wɔ Mikimase.

Yeremia 49:3

“Hesebon, bɔ awuye, ofikyɛ Aye abɔ! Raba mma mmrasua mɔ, ɛ́mɔsu. Ɛ́mɔfa ɛsɛen tena bɛhera, ɛ́mɔbɔ awuye ná ɛmɔli akɔneaba wɔ fasue nemɔ afia! Ofikyɛ bɛkɔhye bɛ hene ne nnure bɛkɔhɔ, bɔ ye asɔfo ne atitire mɔ bɛboka so ɔ.

Hosea 4:15

Wɔ, Yisrael, ɔwɔ nu kyɛ ɛbɔ gyandera de, nakoso Yuda de, onni kyɛ ɔyɔ sɔ bie. Nnɛma ɛmɔba Gilgal, nnɛma ɛmɔkɔ Bete Awen, yeɛ nnɛma ɛmɔta ndaen kyɛ, “Kyɛ AWURADE te ase ye.”

Mateo 10:16

“Ɛ́mɔtie! mésoma ɛmɔ kyɛ mmoaen maa ɛmɔkɔ mbataku nu. Yiti ɛ́mɔma ɛmɔ nye la berɛ kyɛ ewoo, ná ɛ́mɔbrɛ ɛmɔ nwo ase kyɛ mmubure.

Ɛfesofoɛ 5:15

Yiti ɛ́mɔnea ɛmɔ nwo yé wɔ atee bɔ ɛmɔnate so ɔ nwo; nnɛma ɛmɔyɛ kyɛ mmenia bɔ bɛnze nworɛ ɔ, na mmom kyɛ nworɛfoɛ.

Yosua 12:9

Ahemvo nemɔ ole: Yeriko hene, Aye bɔ opingye Betel ne hene;

Yosua 18:12

Bɛ sorɔ dɔ wɛen ne ɔhyɛ ye bo fi asue Yɔɔdan noa. Ɛwɛen ne kɔ Yeriko ndoroleɛ nu wɔ ye sorɔ dɔ. Ɔsẽ kɔfa mmokaa aseɛ ne aso kɔ eyia atɔleɛ bue nu dɔ, na ye noa kɔpem Bete Awen ɛserɛ so.

Yosua 2:1

Afei Nun awa Yosua somane maentetɛlɛfoɛ nyɔ kudɛɛ fili Sitim, na osele bɛ kyɛ, “Ɛmɔhɔ bɛɛsra aseɛ ne besie, nganga Yeriko.” Yiti besili nu bɛhɔle, na bɛɛlale braa gyanderaniɛ bie bɔ oli Rahabo awuro.

Yosua 7:3

Na besa bɛwale bɛɛbɔle ye amaneɛ kyɛ, “Onhia kyɛ mmenia ne amukoraati bɛkɔfo bɛkɔhɔ dɔ ɔ. Ma mmienzua kɔyɛ apee nyɔ anaa apee nza beetua Aye beli so ngonim. Berɛ ama bɛnzone, yiti nnɛma mmenia ne amukoraa bɛkɔ dɔ bɛkɔko.”

1 Samuel 13:5

Filistifoɛ boaboale bɛ nwo kyɛ bɛkwaafa koɛ bɛtoa Yisrael. Bɛfale teaseɛnam apee aburasa, pɔngɔhanɛfoɛ apee nzia, ɔne koɛhonɛfoɛ bɔ bɛ somaa te kyɛ mboanoa anweaa ɔ. Bɛɛkyekyele asikyeleɛ wɔ Mikimase, wɔ Bete Awen eyia afiteleɛ.

1 Samuel 14:23

Yiti AWURADE mane Yisrael lili ngonim sɔ kyẽa ne. Bɛhone toonn beedwuli Bete Awen si dɔ.

1 Samuel 30:27

Ɔmaa bɛɛfa bɛmane mbanyi mɔ bɔ bɛwɔ nguro hemɔ aso: Betel, Ramote bɔ ɔwɔ ngwaen dɔ aseɛ ne aso ne, Yatiri,