Yosua 7:19 - AHYERƐLƐ KRONGRON

¹⁹ Na Yosua sele Akan kyɛ, “Mma, fa animnyam ma AWURADE Yisrael Nyameɛ, ná ka nahorɛ wɔ ye nyunu. Nikyee bɔ ayɔ ne, ka kyire me kekesaala ye. Nnɛfa fea me.”

Yosua 7:19 Iomraidhean Croise

2 Ahemvo 20:15

Yesaya bisale kyɛ, “Nzikyɛ yeɛ beenwuni ye wɔ w’awuro wa ɔ?” Na Hesekia buale kyɛ, “Banwu nningyein bɔ ɔwɔ m’awuro wa amukoraa, na me sua mɔ bɔ mesie nningyein nu ne, nu nikyee biala nne berɛ bɔ mamva mangyire bɛ ɔ.”

2 Aberɛso Dwirɛ 30:22

Lewifoɛ bɔ bɛyɔle ɛsɔnenɛ adwuma ne yé ne, Hesekia hyɛle bɛ mukoraa nguraen paa. Yiti mmenia ne belili aluolue aleɛ ne ɛlɛsoo, na bɛbobɔle asomdwee afɔleɛ bɛlale AWURADE bɛ nana mɔ Nyameɛ ne ase.

Edwein 32:5

Afei ngane me bɔne ngyirele wɔ, na mangata m’amumuyɛɛ so. Ngane kyɛ, “Ngɔhã me mmeraatolɛ ngohyire AWURADE,” na ɛfale me bɔne nwo foɛlilɛ hyɛle me. Sela

Edwein 51:3

Ofikyɛ mede me mmeraatolɛ meto nu, na me bɔne la me nyunu daa.

Anyandera 28:13

Ebiala bɔ ɔkata ye mmeraatolɛ so ne, ongoyie ye yé, nakoso bɔ ɔkã, ná ɔyakyi ye yɔlɛ ne, bekonwu ye anwumvoin.

Yesaya 13:12

Ngɔma adasa mmaa bɛ nwo kɔyɛ se kɔtra kyɛbɔ sikaa kɔkorɛ paa ye nyanɛ nwo yɛ se ɔ, yeɛ kuro mmenia wora, bɛ nwo kɔyɛ se kɔtra kyɛbɔ Ofire sikaa kɔkorɛ ye nyanɛ nwo yɛ se ɔ.

Yeremia 13:16

Ɛ́mɔfa animnyam bɛ́ma AWURADE ɛmɔ Nyameɛ koraka né wama awosii awa, koraka né ɛmɔasoti mmokaa so wɔ awosii nu; na aberɛ bɔ ɛmɔpena kanea ne, ɔkɔmaa ɔkɔkakyi ewue wawoɛ, na ɔkɔmaa ɔkɔkakyi awosii kabii.

Daniel 9:4

Mmɔle mbaeɛ ngyirele AWURADE me Nyameɛ, na nne ndole nu ngane ye pefee kyɛ, “O AWURADE, Nyameɛ piri bɔ ye nwo yɛ suro, bɔ odi apam ne ɔdɔ bɔ onni ngasi ɔ so ma bɛ bɔ bekuro ye dwirɛ ɔne bɛ bɔ bedi ye mmeraa dwirɛ so ɔ;

Luka 17:18

Bannwu bɛ nu biala kyɛ wasa ye si wawa kyɛ ɔbaafa animnyam ma Nyameɛ ɔ, sana amanvraniɛ he ngome?”

Yohane 9:24

Yiti besa bɛfrɛle biaa bɔ mmerɛ bie né ɔte anyesiniwaaniɛ ne, na besele ye kyɛ, “Fa animnyam ma Nyameɛ! Yɛ de, yɛse kyɛ biaa he ɔte bɔnefoɛ.”

Romanfoɛ 10:10

Ɔnate kyɛ, sona fa ye ahone yeɛ ode di ɔkɔ tenenee nu ɔ; na ye noa yeɛ ɔfa kã ye pefee onya daa ngoa ɔ.

2 Timoteo 2:25

ná ɔfa anwobrɛaseɛ nu dwudwo kyire bɛ bɔ bɛne ye nyɛ adwene ɔ. Ofikyɛ ebiaa né Nyameɛ amaa basakyera b’adwene ná banwu nahorɛ ne,

Tito 2:2

Kyirekyire ngɔkoraa nemɔ ma bɛ nye la berɛ, bɛyɛ mmenia bɔ bɛfata anidie ɔ, benya anwohyɛsoɛ, begyina pindinn wɔ gyidie nu, ɔdɔ nu ne animia nu.

Yakobo 1:20

ofikyɛ sona yaafɛlɛ ɔnyɔ bɔ ɔtengyɛ wɔ Nyameɛ nye so ɔ.

Yosua 7:20

Na Akan buale Yosua kyɛ, “Ɔte nahorɛ, me yeɛ mayɔ bɔne matia AWURADE Yisrael Nyameɛ ɔ. Bɔ nyɔle ɛhe:

Nyekyire 16:9

Na ahuhuro kandinga mane mmenia nwo yerayerale bɛ, na bɛkekane musue dwirɛ betiale Nyameɛ bɔ ole sɔ ɛhawo nemɔ so tumi ne, na banzakyera b’adwene banhyɛ ye animnyam.

1 Samuel 14:43

Na Sɔɔlo sele Yonatan kyɛ, “Nikye horɛ bɔ ayɔ ne, ka kyire me.” Yeɛ Yonatan sele ye kyɛ, “Pɔmaa bɔ né otira me ne, mvale ye ti ne mɔle woɛ nu ndafele. Mepene so kyɛ beku me ɔ.”

1 Samuel 6:5

Yiti mbɔmbɔ ne mmurokuruwa mɔ bɔ bɛ́sɛkye ɛmɔ maen nen, ɔsɛ kyɛ ɛmɔyɛ bɛ sɛso, ná ɛmɔfa animnyam bɛma Yisrael Nyameɛ ne. Ebiaa amaneɛ piri paa bɔ wafa wato ɛmɔ ne ɛmɔ nyameɛ mɔ ɔne ɛmɔ aseɛ so ne, ɔkɔyakyi.