Yosua 7:16 - AHYERƐLƐ KRONGRON

¹⁶ Yiti Yosua dwɔsole ngyerɛmɔ tutuutu, ɔmane Yisraelfoɛ wale AWURADE nyunu abusua kure abusua kure, na serewagualɛ ne yele Yuda abusua kure ne.

Yosua 7:16 Iomraidhean Croise

Gyenesise 22:3

Yiti Abraham dwɔsole ngyerɛmɔ tutuutu, osiesiele ye afunum ne, na ɔfale ye somvoɛ nemɔ nu nyɔ, ɔne ɔwa Yisake bokale ye nwo so. Ɔpakyele eyein bɔ ɔkwaafa bɔ naen yeralɛ afɔleɛ ne, na osili nu hɔle nekaa bɔ Nyameɛ hyirele ye kyɛ ɔhɔ ne.

Edwein 119:60

Mema me nwo yɛ nyera, na menyɛ ngyɛkyerɛ kyɛ ngoli wɔ mmeraa dwirɛ so ɔ.

Nworɛ Dwirɛhanɛniɛ 9:10

Adwuma biala bɔ wɔ sa kɔsɔ nu kyɛ ɛyɔ ne, fa w’anwoserɛ yɔ, ofikyɛ ɛborɔ dɔ bɔ ɛbaahɔ ne, adwuma anaa adwene anaa nimdeɛ anaa nworɛ nne dɔ.

Yosua 3:1

Yosua ne Yisraelfoɛ amukoraati bedwɔsole ngyerɛmɔ tutututu, betuli bɛ bo befili Sitim, na beedwuli asue Yɔɔdan noa. Bɛkyekyele asikyeleɛ wɔ berɛ koraka yeɛ bɛpɛ asue ne ɔ.

Yosua 7:15

Na sona bɔ ngɔye ye kyɛ nningyein bɔ matu masie berɛ kyɛ bɛsɛkye ye ne bie wɔ ye berɛ nen, ɛ́mɔfa see bɛ́yera ye, ɔne ye nwo ama ne ye nikyee biala, ofikyɛ wabu AWURADE apam ne aso, na wabɔ nyanzoen bra wɔ Yisrael.”

Yosua 7:17

Ɔmane Yuda mmusua mmusua nemɔ pingyele berɛ, na serewagualɛ ne yele Serafoɛ abusua. Ɔmane Serafoɛ abusua ne anu ama pingyele berɛ bɛ sasofoɛ bɛ sasofoɛ, na serewagualɛ ne yele Sabidi sasofoɛ.

Maenbulɛfoɛ 20:19

Yeɛ Yisraelfoɛ dwɔsole ngyerɛmɔ bɛɛkyekyele asikyeleɛ bepingyele Gibea.