Yosua 7:15 - AHYERƐLƐ KRONGRON

¹⁵ Na sona bɔ ngɔye ye kyɛ nningyein bɔ matu masie berɛ kyɛ bɛsɛkye ye ne bie wɔ ye berɛ nen, ɛ́mɔfa see bɛ́yera ye, ɔne ye nwo ama ne ye nikyee biala, ofikyɛ wabu AWURADE apam ne aso, na wabɔ nyanzoen bra wɔ Yisrael.”

Yosua 7:15 Iomraidhean Croise

Gyenesise 34:7

Yakob mma mmienzua nemɔ tele bɔ wasi ne, befili eburo dɔ bɛwale. Ɔyɛle bɛ yea, na bɛfɛle yaa paa ofikyɛ Sɛkem ali ngwaseasɛm wɔ Yisrael; wayɔ bɔ bɛnyɔ ɔ, kyɛ ɔne Yakob awa brasua ala ɔ.

2 Samuel 13:13

Me de, m’animguaseɛ ne, nisua yeɛ mefa mefa ɔ? Wɔ de, busuefoɛ mmenia bɔ bɛwɔ Yisrael ne, ɛkɔyɛ kyɛ bɛ nu ko. Yiti mesrɛ wɔ ala, fa to Nana nyunu, na ɔkɔfa me kɔma wɔ.”

Yosua 7:11

Yisrael ayɔ bɔne. M’apam bɔ nhyɛle bɛ kyɛ beli so ne, babu so. Basesa nningyein bɔ matu masie berɛ kyɛ bɛsɛkye ye ne bie; bawua, bapɛ ngondombo, na bafa baafea bɛ bɔbɔ bɛ nningyein nu.

Yosua 7:16

Yiti Yosua dwɔsole ngyerɛmɔ tutuutu, ɔmane Yisraelfoɛ wale AWURADE nyunu abusua kure abusua kure, na serewagualɛ ne yele Yuda abusua kure ne.

Maenbulɛfoɛ 20:10

Yisrael abusua kure amukoraa, yɛkɔye mmenia ɛyaa ko biala nu buru; mmenia apee ko biala nu ɛyaa ko, yeɛ mmenia apee buru biala nu apee ko. Sɔ mmenia ne yeɛ bɛkɔfa aleɛ bɛkɔbrɛ koɛhonɛfoɛ bɔ bɛkwaatɔ Benyaminfoɛ kuro Gibea so wereɛ ne ɔ, ɔnate nyanzoen bra amukoraa bɔ Gibeafoɛ babɔ ye wɔ Yisrael ne ati.”

Maenbulɛfoɛ 20:5

Gibea mbanyi wale me so, na bɛpɛle awuro ne anwo beyiale kɔngɔen ne. Ahaa bɛpena me beku me, na bɛtole me sómaa ne mmɔnaa toonn maa owuli ɔ.

Maenbulɛfoɛ 20:6

Yeɛ mvale me sómaa ne fuin mbepɛle nu ahuronzi ahuronzi maa bɛfa bɛhɔle Yisrael aseɛ so nekaa biala; ofikyɛ Gibeafoɛ babɔ musue ne nyanzoen bra wɔ Yisrael.

1 Samuel 26:21

Yeɛ Sɔɔlo sele kyɛ, “Mayɔ bɔne, mma Dawide, sa bra, na mengotu me nye ngosie wɔ so ko, ofikyɛ ɛnɛ ahyire kyɛ me ngoa nwo hia wɔ. Mali ngwaseasɛm, na mali edwirɛ tɛɛ piri paa.”