Yosua 7:13 - AHYERƐLƐ KRONGRON

¹³ Dwɔso! Te mmenia nemɔ nwo, ná ka kyɛ, ‘Ɛ́mɔte ɛmɔ nwo bésie bɛ́fa bɛ́nwondɛ ɛhema, ofikyɛ AWURADE Yisrael Nyameɛ ne nwa: O Yisrael, nningyein bɔ matu masie berɛ kyɛ bɛsɛkye ye ne, ebie wɔ wɔ berɛ. Na ɛngɔhora wɔ pɔfoɛ mɔ nyunu gyina, sana ɛmɔye nningyein bɔ matu masie berɛ kyɛ bɛsɛkye ye ne befi ɛmɔ nu.’

Yosua 7:13 Iomraidhean Croise

Gyenesise 34:27

Yakob mma mmienzua nemɔ fitele awufoɛ nemɔ aso ne, bɛfene kuro ne anu nningyein, ofikyɛ Sɛkem agua b’eliɛma brasua ne anwo fiɛ.

2 Aberɛso Dwirɛ 28:10

Afei de, ɛmɔayɛ ɛmɔ adwene kyɛ ɛmɔkɔfa Yudafoɛ ne Yerusalemfoɛ, mmienzua ne mmrasua bɛkɔyɛ nganga. Na ɛmɔ koso, aso ɛmɔyyɔle bɔne bettiale AWURADE ɛmɔ Nyameɛ?

Mateo 7:5

Nyaatwomniɛ! Di moa ye wɔ nye so mbuna ne koraka, na ɔkɔmaa ekonwu nikyee yé, na ahora aye baka sii bɔ ɔla eliɛma nye so ne.

Deuteronomi 13:6

“Na sɛ eliɛma bienzua, ɛse awa bienzua anaa eni awa bienzua, anaa ɛwa bienzua anaa brasua, anaa ɛye bɔ ɔla w’ahone nwo, anaa ebiɛngo bɔ ɛne ye bɛbɔ kyiremvua bɛtafe po lakalaka wɔ ahameɛ kyɛ, ‘Maa yɛɛso nyameɛ foforɛ biemɔ’ (bɔ wɔ anaa wɔ nana mɔ bɛnze bɛ),

Yosua 3:5

Afei Yosua sele mmenia ne kyɛ, “Ɛ́mɔpete ɛmɔ nwo, ofikyɛ ɛhema AWURADE kɔyɔ anwanwadeɛ wɔ ɛmɔ nu.”

Yosua 6:18

Nakoso ɛ́mɔnea ɛmɔ nwo yé wɔ nningyein bɔ AWURADE atu asie berɛ kyɛ ɛ́mɔsɛkye ye ne anwo, ná wamma ye kyɛ ɛmɔkɔfa sɔ nningyein bɔ odi kyɛ ɛmɔsɛkye ye ne bie, bɔ ɔkɔmaa Yisrael asikyeleɛ ne kɔyɛ nikyee bɔ odi kyɛ bɛsɛkye ye ɔ, bɔ ɔkɔfa amaneɛ kɔbrɛ ye ɔ.

Yosua 7:11

Yisrael ayɔ bɔne. M’apam bɔ nhyɛle bɛ kyɛ beli so ne, babu so. Basesa nningyein bɔ matu masie berɛ kyɛ bɛsɛkye ye ne bie; bawua, bapɛ ngondombo, na bafa baafea bɛ bɔbɔ bɛ nningyein nu.