Yosua 7:12 - AHYERƐLƐ KRONGRON

¹² Ɔnate sɔ ne ati yeɛ Yisraelfoɛ bɛngora bɛ pɔfoɛ mɔ nyunu gyina ɔ; bɛnwati befi bɛ pɔfoɛ mɔ nyunu, ofikyɛ bayɛ mmenia bɔ matu bɛ masie berɛ kyɛ ɔsɛ kyɛ beku bɛ ɔ. Mengogyina ɛmɔ si ko, sana nningyein bɔ matu masie berɛ kyɛ behũ bɛ ná bɛsɛkye bɛ ne, ɛ́mɔye befi ɛmɔ nu.

Yosua 7:12 Iomraidhean Croise

Edwein 44:10

Amaa yanwati yafi yɛ pɔfoɛ ne nyunu, na yɛ pɔfoɛ mɔ bafe yɛ nningyein bafa.

Edwein 60:10

Ao Nyameɛ, aso ɛppole yɛ anaa? Ao Nyameɛ, aso ɛyyakyili yɛ koɛhonɛfoɛ bɛ si gyinalɛ anaa?

Anyandera 28:1

Bɔnefoɛ nwati wɔ aberɛ bɔ ebiala mvoa ye ɔ, na teneneeniɛ de, ye hue yɛ se te kyɛ gyata.

Yesaya 59:2

na mmom ɛmɔ amumuyɛɛ yeɛ watete ɛmɔ ne ɛmɔ Nyameɛ b’afia ɔ, na ɛmɔ bɔne ne amaa waye ye nye wato buro wafea ɛmɔ, bɔ ɔnate so ɔndɛ ɛmɔ so ɔ.

Yeremia 23:33

Sɛ sɔ maen ye, anaa ngɔmhyɛlɛniɛ ne, anaa ɔsɔfo bie bisa wɔ kyɛ, ‘AWURADE ye adesoa ne ole nzu?’ a, ye de kã kyire bɛ kyɛ, ‘Ɛmɔ yeɛ ɛmɔte adesoa ne ɔ, na ngogyi ɛmɔ ngɔto, AWURADE noa dwirɛ ɛne.’

Yeremia 6:8

Ao Yerusalem, fa ɛhe tu wɔ nwo foɛ, wanyɛ sɔ a, me kra kɔhwe ye nwo kofi wɔ nwo, na ngɔmaa ɛkɔkakyi kurofoen, aseɛ bɔ sona biala ɔtte so ɔ.

Hosea 9:12

Sɛ bɛtete mmaa po a, ngɔmaa bekoli abawuo bɔ baa ko po ngɔha ɔ; amba, sɛ meyakyi bɛ nu a, bɛ yaakɔ!

Habakuku 1:13

Wɔ nye te krongron paa bɔ yiti ɛngora nnea bɔne, ná ɛngora nnea amumuyɛɛ ɔ. Na nzu ati yeɛ ɛnea nnakannakafoɛ, bɔ ahã wɔ noa ato nu, wɔ mmerɛ bɔ bɔnefoɛ oku sona bɔ ɔtengyɛ tra bɔnefoɛ ne ɔ?

Numeri 14:39

Mose hane edwirɛ hemɔ hyirele Yisraelfoɛ amukoraa ne, besuni hahii.

Numeri 14:42

Nnɛma ɛmɔsi nu bɛkɔ, ofikyɛ AWURADE aye ye sa wafi ɛmɔ bo. Nnɛmɔma ɛmɔ nwo ate ma ɛmɔ pɔfoɛ mɔ kuku ɛmɔ.

Numeri 14:43

Ofikyɛ Amalɛkefoɛ ne Kanaanfoɛ kɔfa koɛ kɔtoa ɛmɔ wɔ dɔ, na ɛmɔkɔtotɔ ngrandɛ noa. Ɔnate kyɛ ɛmɔayɛ AWURADE nwo lɔen ne ati, AWURADE ngogyina ɛmɔ si.”

Numeri 14:45

Yeɛ Amalɛkefoɛ ne Kanaanfoɛ bɔ bɛte mmokaa aseɛ ne aso ne beeyiale bɛ ɔ. Belili Yisraelfoɛ so ngonim, na bɛfoane bɛ toonn beedwuli Hɔma.

Deuteronomi 7:26

Nnɛfa akyiwadeɛ biala ba w’awuro, ná wɔ koso angakyi akyiwadeɛ kyɛ ye ala. Ɔsɛ kyɛ ɛmaa ɔyɛ wɔ tɛ ná ekyi ye bɔkɔɔ, ofikyɛ ɔte akyiwadeɛ.

Yosua 6:18

Nakoso ɛ́mɔnea ɛmɔ nwo yé wɔ nningyein bɔ AWURADE atu asie berɛ kyɛ ɛ́mɔsɛkye ye ne anwo, ná wamma ye kyɛ ɛmɔkɔfa sɔ nningyein bɔ odi kyɛ ɛmɔsɛkye ye ne bie, bɔ ɔkɔmaa Yisrael asikyeleɛ ne kɔyɛ nikyee bɔ odi kyɛ bɛsɛkye ye ɔ, bɔ ɔkɔfa amaneɛ kɔbrɛ ye ɔ.

Maenbulɛfoɛ 16:20

Na afei Delila sele kyɛ, “Samson, Filistifoɛ nemɔ awa wɔ so oo!” Yeɛ Samson fili nnaa nu dwɔsole, na ɔyɛle ye adwene kyɛ, “Ngofite ná mawoso me nwo male me nwo kyɛbɔ meyɔ ye daa ne.” Nakoso né Samson nze kyɛ AWURADE aye ye sa ye bo ɔ.

Maenbulɛfoɛ 2:14

Yiti AWURADE fɛle Yisrael so yaa paa, na ɔfale bɛ wurale apaabɔlɛfoɛ sa maa bɛfene bɛ nningyein bɛfale. Bɛ pɔfoɛ mɔ bɔ bapɛ bɛ nwo bayia ne, ɔmaa beewurale bɛ bo bɔ bangora bɛ pɔfoɛ nemɔ nyunu gyina ko ɔ.

Maenbulɛfoɛ 2:4

AWURADE abɔfo ne hane edwirɛ he hyirele Yisraelfoɛ amukoraa yiele nen, besuni hahii.

1 Samuel 14:38

Yeɛ Sɔɔlo sele kyɛ, “Safohene mɔ amukoraa, ɛmɔbra wa. Ɛ́mɔma yɛ́pena atee bɔ bɔne he nate so wale ɛnɛ ɔ.