Yosua 7:1 - AHYERƐLƐ KRONGRON

¹ Nakoso AWURADE mmeraa bɔ ɔfa nningyein bɔ watu wasie berɛ kyɛ bɛsɛkye ye ne anwo ne, Yisraelfoɛ buli so. Akan bɔ ɔse ole Karemi, bɔ ɔse ole Sabidi, bɔ ye koso ɔse ole Sera bɔ ofi Yuda abusua kure nu ne, ɔfale nningyein bɔ AWURADE atu asie berɛ kyɛ bɛsɛkye ye ne bie, yiti AWURADE fɛle Yisraelfoɛ so yaa piri paa.

Yosua 7:1 Iomraidhean Croise

Gyenesise 34:27

Yakob mma mmienzua nemɔ fitele awufoɛ nemɔ aso ne, bɛfene kuro ne anu nningyein, ofikyɛ Sɛkem agua b’eliɛma brasua ne anwo fiɛ.

2 Samuel 24:1

AWURADE ahone huli Yisrael so bieku paa, na ɔmane Dawide yɔle nikyee tiale bɛ. Osele ye kyɛ, “Kɔha Yisraelfoɛ ne Yudafoɛ.”

2 Ahemvo 5:24

Gehasi oodwuli bokaa ne aso ne, olele bɔtɔ nemɔ fili somvoɛ nemɔ berɛ ɔfa oosiele sua nu. Afei ɔmane bɛ ate maa bɛhɔle.

1 Aberɛso Dwirɛ 21:7

Nakoso Nyameɛ nye angye mmeniahalɛ ne anwo, yiti ɔhwene Yisrael so paa.

2 Aberɛso Dwirɛ 24:18

AWURADE bɔ ɔte bɛ nana mɔ Nyameɛ ne, ye awuro ne, bɛyakyili nu sɔnenɛ, na bɛsɔnene Asera dosii mɔ ne mmosoen mɔ. Na sɔ bɔne bɔ Yuda ne Yerusalem bɛyɔle ne ati, AWURADE fɛle bɛ so yaa piri.

Ɛsra 9:6

na nzele kyɛ, “O me Nyameɛ, ɔyɛ me nya paa, na mafɛre kyɛ ngɔpagya me nye ngɔnea wɔ ɔ. Ofikyɛ me Nyameɛ, y’amumuyɛɛ wasone pee, na yɛ mvomsoɛ wadwu nyameɛso.

YOB NWOMAA NE 35:8

Wɔ bɔne ne, mmenia bɔ bɛte kyɛ wɔ ala yeɛ ɔfa amaneɛ brɛ bɛ ɔ, yeɛ wɔ tengyɛlɛ ne koso, mmenia yeɛ benya so mvasoɛ ɔ.

Nworɛ Dwirɛhanɛniɛ 9:18

Nworɛ nwo hia tra akodeɛ, nakoso bɔnefoɛ komapɛ sɛkye paa pee.

Daniel 9:7

O AWURADE, wɔ yeɛ tenenee te wɔ deɛ; nakoso yɛ de, animguaseɛ yeɛ ɔte yɛ deɛ maa waadwu ɛnɛ ɔ: Yudafoɛ, Yerusalemfoɛ ne Yisraelfoɛ amukoraa bɔ bepingye wa ne bɛ bɔ bɛwɔ nziɛ nziɛ, wɔ aseɛ amukoraa bɔ atu bɛ aagua so ɔ, ɔnate nahorɛ bɔ banni bamma wɔ ne ati ɔ.

Lewitikɔso 10:6

Na Mose sele Aarɔn, ɔne Aarɔn mma mmienzua Eleasa ne Yitama kyɛ, “Nnɛmɔma ɛmɔ ti nwiaa fu gua ye nwo fusaa, yeɛ nnɛma ɛmɔsunzua ɛmɔ ndaadeɛ nu. Sɛ ɔba ye sɔ a, ɛmɔkowu, na AWURADE ɛyaafɛlɛ piri kɔwa maen ne amukoraa so. Nakoso ɛmɔ aliɛma mɔ, Yisrael awuro ama mukoraa de, bɛkɔhora bekosu bɛ bɔ AWURADE afa see wayera bɛ ne.

Yona 1:7

Yeɛ besisele bɛ nwo bɛ nwo kyɛ, “Ɛmɔbra maa yɛgua serewa, amaa ɔnate so yanwu sona horɛ bɔ ye ti yeɛ sɔ musue he wato yɛ ye.” Yiti beguale serewa, na serewa ne yele Yona.

Yosua 22:16

“AWURADE mmenia ne amukoraa nwa nyoo: Ɔwale ye sɛ, bɔ ɛmɔayɔ musue nikyee he batia Yisrael Nyameɛ, bɔ ɛnɛ ye de ɛmɔayakyi AWURADE si lilɛ ɔ; bɔ ɛnɛ ye de ɛmɔasi ɛmɔ bɔbɔ b’afɔleɛ bokyea bafa bayɛ AWURADE nwo lɔen ɔ?

Yosua 22:18

Afei de, ɛmɔayakyi AWURADE si lilɛ! Sɛ ɛmɔtwi bɛfa AWURADE dwirɛ so ɛnɛ a, ɛhema ɔkɔfɛ Yisrael mmenia mukoraa so yaa.

Yosua 22:20

Nningyein bɔ AWURADE tu siele berɛ kyɛ yɛsɛkye ye ne, aso Sera awa Akan wando ye nwo mmeraa ne? Aso ɔnate sɔ ati Nyameɛ amvɛ Yisraelfoɛ amukoraati so yaa? Ye amumuyɛɛ bɔ ɔyɔle ne, ye ngome yeɛ owuli ɔ?”