Yosua 6:6 - AHYERƐLƐ KRONGRON

⁶ Yiti Nun awa Yosua frɛfrɛle asɔfo nemɔ, na osele bɛ kyɛ, “Ɛ́mɔsoa apam alaka ne, ná ɛ́mɔma asɔfo nzoo bétiratira boaen mmɛen totorobɛndo nzoo beli AWURADE alaka ne nyunu moa.”

Yosua 6:6 Iomraidhean Croise

Ɛksadɔso 25:14

Fa mbuna nemɔ wurawura kɔtɔkaa nemɔ anu wɔ alaka ne ngyɛnu ne ye ngyɛnu, bɔ bɛkɔsosɔ nu bɛkɔsoa alaka ne ɔ.

Asomafoɛ 9:1

Sɔ mmerɛ ne, né adwene biala nne Sɔɔlo ti anu te kyɛ anwunanwuna ne kodiawu adwene bɔ ɔfa ko tia Awurade asuafoɛ nemɔ ɔ. Yiti ɔhɔle ɔsɔfo panyi paa ne berɛ

Yosua 24:11

Na ɛmɔpɛle asue Yɔɔdan bɛwale Yeriko nen, Yerikofoɛ ne ɛmɔ hone. Sɔ ala yeɛ Amorifoɛ, Perisifoɛ, Kanaanfoɛ, Hitifoɛ, Gɛgasifoɛ, Hiwifoɛ ne Yebusifoɛ bɛ ne ɛmɔ hone ɔ. Na mvale bɛ nwurale ɛmɔ sa.

Yosua 3:3

na bɛhyɛle mmeraa bɛmane mmenia ne kyɛ, “Sɛ ɛmɔnwu AWURADE ɛmɔ Nyameɛ apam alaka ne kyɛ Lewifoɛ bɔ bɛte asɔfo ne basoa a, ye de ɔsɛ kyɛ ɛmɔtu ɛmɔ bo befi asikyeleɛ ne anu. Ɛ́mɔli ye si,

Yosua 3:6

Na Yosua sele asɔfo nemɔ kyɛ, “Ɛ́mɔsoa apam alaka ne, ná ɛmɔse beli mmenia ne anyunu.” Yiti bɛsoale apam alaka ne, na belili mmenia ne nyunu moa.

Yosua 6:13

Asɔfo nzoo bɔ betiratira boaen mmɛen totorobɛndo nzoo, bɔ né beli AWURADE alaka ne nyunu moa ne, bɛtoale so bɛhɔle, na bɛhɔle so behuli totorobɛndo ne. Koɛhonɛfoɛ nemɔ lili bɛ nyunu moa, na koɛhonɛfoɛ bɔ beli nziɛ bɛbɔ bɛ nwo waen ne lili AWURADE alaka ne asi. Sɔ mmerɛ ne amukoraa, né totorobɛndohulɛ ne la so.

Yosua 6:5

Sɛ behu boaen mmɛen ne anu tendetende ko, ná sɛ ɛmɔte totorobɛndo ne nga pɛ a, ɔsɛ kyɛ mmenia ne amukoraati bɛbɔ ese serɛserɛ. Kuro ne anwo fasue kodwiri kogua gyirigorɔɔ, na ɛmɔ amukoraati bɛ́hɔ bɛ nyunu tee beewura kuro ne anu.”

Yosua 6:7

Afei osele mmenia ne kyɛ, “Ɛmɔhɔ ɛmɔ nyunu moa bɛɛbɔ kuro ne anwo nzra bɛbra beyia; ná ɛ́mɔma koɛhonɛfoɛ nemɔ bɛse beli AWURADE alaka ne nyunu moa.”

Yosua 6:8

Na kyɛbɔ Yosua ha hyirele mmenia nemɔ nen, asɔfo nzoo bɔ betiratira boaen mmɛen totorobɛndo nzoo wɔ AWURADE nyunu ne, bɛse belili moa, na bɛhɔle so behuli awɛen ne. Né AWURADE apam alaka ne li bɛ si.

1 Samuel 4:3

Na mmerɛ bɔ Yisrael koɛhonɛfoɛ nemɔ sa wale b’asikyeleɛ ne anu ne, bɛ mbanyi mɔ bisale kyɛ, “Nzu ati yeɛ AWURADE amaa ɛnɛ yali ngoguo wɔ Filistifoɛ nyunu ye? Ɛ́mɔma yɛɛfa AWURADE apam alaka ne yɛfi Silo yɛbra, ná ɔɔtena yɛ nu ole yɛ fi yɛ pɔfoɛ mɔ sa nu.”