Yosua 6:5 - AHYERƐLƐ KRONGRON

⁵ Sɛ behu boaen mmɛen ne anu tendetende ko, ná sɛ ɛmɔte totorobɛndo ne nga pɛ a, ɔsɛ kyɛ mmenia ne amukoraati bɛbɔ ese serɛserɛ. Kuro ne anwo fasue kodwiri kogua gyirigorɔɔ, na ɛmɔ amukoraati bɛ́hɔ bɛ nyunu tee beewura kuro ne anu.”

Yosua 6:5 Iomraidhean Croise

Ɛksadɔso 19:19

Na mmerɛ bɔ totorobɛndo hulɛ ne noa yɛle se nen, Mose dwudwole, na Nyameɛ buale ye wɔ agralaa nu

Yesaya 25:12

Na wɔ fasue ndendenn pindinn nemɔ, okobu kogua, na okodwiri ye kogua ase kogua mvuture nu.

Yesaya 30:25

Na mmenia hunɛ kyẽa piri ne, bɔ abandenden mɔ kobubu kogua ne, asue mɔ ne asue ba mɔ bɛkɔtengyɛ wɔ bokaa tendenn biala ne pambaa tendenn biala so.

Yeremia 50:15

Ɛ́mɔtea nu bégua ye so bɛbra beyia. Wama ye sa so kyɛ ɔngɔhora koɛ ne aso toa, ye nyinasoɛ adwiri agua, babubu ye fasue nemɔ; ofikyɛ AWURADE wereɛtɔlɛ ne ɛne. Ɛ́mɔtɔ ye so wereɛ, bɔ wayɔ ne ala bie yeɛ ɛ́mɔfa beli ye ɔ.

Hebrifoɛ 11:30

Ɔnate gyidie so yeɛ Yeriko fasue ne, bɛpɛle ye nwo bɛbra beyiale ɛlɛsoo ne, odwiri guale ɔ.

Yosua 6:16

Ye pɛen nzoo ne aso, bɔ asɔfo nemɔ huli totorobɛndo nemɔ nen, Yosua sele mmenia ne kyɛ, “Ɛ́mɔbɔ ese, ofikyɛ AWURADE afa kuro ne wawura ɛmɔ sa.

Yosua 6:20

Yiti mmenia ne bɔle ese, na asɔfo nemɔ huli totorobɛndo nemɔ. Mmerɛ bɔ mmenia ne tele kyɛ bahu totorobɛndo nemɔ pɛ, bɛbɔle ese serɛserɛ, na fasue ne bu guale gyirigorɔɔ. Na mmenia ne amukoraa hɔle bɛ nyunu tee beewura kuro ne anu, na belili so ngonim.

Yosua 6:4

Ma asɔfo nzoo bɛfa boaen mmɛen totorobɛndo nzoo beli alaka ne nyunu moa. Na kyẽa bɔ ɔtɔ so nzoo nen, ɔsɛ kyɛ ɛmɔbɔ kuro ne anwo nzra bɛbra beyia pɛen nzoo, wɔ mmerɛ bɔ asɔfo nemɔ koso béhu totorobɛndo nemɔ ɔ.

Yosua 6:6

Yiti Nun awa Yosua frɛfrɛle asɔfo nemɔ, na osele bɛ kyɛ, “Ɛ́mɔsoa apam alaka ne, ná ɛ́mɔma asɔfo nzoo bétiratira boaen mmɛen totorobɛndo nzoo beli AWURADE alaka ne nyunu moa.”

Maenbulɛfoɛ 20:37

Yisraelfoɛ bɔ baatetɛ ne, bɛbɔle twi bɛhɔle Gibea. Na bele ngrandɛ behuhuni kuro berɛ ama amukoraati.

1 Samuel 17:20

Dawide dwɔsole alebahyene, ɔfale mmoaen nemɔ wurale ebie sa kyɛ ɔnea bɛ so, na ɔfale aleɛ ne sili nu hɔle, kyɛbɔ Yese hyɛle ye ne. Mmerɛ bɔ oodwuli asikyeleɛ ne anu ne, né Yisrael koɛhonɛfoɛ nemɔ bétu bɛ bo bekogyina koɛ noa, bɔ né bɛteatea nu bɛ́to koɛ dwein ɔ.

1 Samuel 17:52

Yeɛ Yisrael koɛhonɛfoɛ ne Yuda koɛhonɛfoɛ hyɛle ye bo bɛbɔle ese, na bɛfoane Filistifoɛ toonn bedwuli Gate ne Ekron pambim nemɔ. Filistifoɛ bɔ bepurapurale ne, bɛtotɔle atee so fili Saaraim toonn beedwuli Gate ne Ekron.

1 Samuel 4:5

Na mmerɛ bɔ AWURADE apam alaka ne dwuli asikyeleɛ ne anu ne, Yisrael amukoraa bɔle ese mane aseɛ wosole.