Yosua 6:4 - AHYERƐLƐ KRONGRON

⁴ Ma asɔfo nzoo bɛfa boaen mmɛen totorobɛndo nzoo beli alaka ne nyunu moa. Na kyẽa bɔ ɔtɔ so nzoo nen, ɔsɛ kyɛ ɛmɔbɔ kuro ne anwo nzra bɛbra beyia pɛen nzoo, wɔ mmerɛ bɔ asɔfo nemɔ koso béhu totorobɛndo nemɔ ɔ.

Yosua 6:4 Iomraidhean Croise

Gyenesise 2:3

Yiti Nyameɛ yirale kyẽa bɔ ɔtɔ so nzoo ne, na ɔyɛle ye krongron, ofikyɛ ye adwuma bɔ ɔyɔle ye wɔ nningyein bɔlɛ nu ne, sɔ kyẽa ne yeɛ olele ye nwome ɔ.

1 Ahemvo 18:43

Osele ye somvoɛ ne kyɛ, “Kɔ ná kɔto wɔ nye nea ɛpo ne aso dɔ.” Ɔɔtole ye nye neane na ɔhane kyɛ, “Mennwu hwee.” Yeɛ Elia nwa, “Sa kɔ sɔ alaa pɛen nzoo.”

2 Ahemvo 5:10

Yeɛ Elisa somane sona maa ɔɔhã hyirele ye kyɛ, “Kɔ na kobia asue Yɔɔdan nu pɛen nzoo, na wɔ nwonaen kosa kɔyɛ kyɛ ye daa ne ala, na wɔ nwo kɔte.”

2 Ahemvo 5:14

Yiti osili nu hɔle asue Yɔɔdan nu ɔɔtɔle nu pɛen nzoo, kyɛbɔ Nyameɛ sona ne hane ne ala. Na ye nwonaen sa tɔle so kyɛ akwadaa kaaba deɛ, na ye nwo tele.

2 Aberɛso Dwirɛ 13:12

Ɛ́mɔtie, Nyameɛ yeɛ otua yɛ noa ɔ. Ye asɔfo nemɔ betiratira bɛ koɛ totorobɛndo bɔ behu bɛfrɛ mmenia maa yɛne ɛmɔ bako ɔ. O Yisraelfoɛ, nnɛma ɛmɔfa koɛ bɛtoa AWURADE, ɛmɔ nana mɔ Nyameɛ ne, ofikyɛ ɛmɔngɔhora bengoli ngonim.”

2 Aberɛso Dwirɛ 20:17

Koɛ he, nna ɛmɔ yeɛ odi kyɛ ɛmɔko ɔ. Ao Yuda ne Yerusalem, ɛ́mɔte begyina, ɛ́mɔyɛ konn, ná ɛmɔnea ngonim bɔ AWURADE koli kɔma ɛmɔ ɔ. Nnɛma ɛmɔsuro, yeɛ nnɛmɔma ɛmɔ kunu tete ɛmɔ. Ɛhema ɛ́mɔfa koɛ bɛɛtoa bɛ, na AWURADE kogyina ɛmɔ si.”

2 Aberɛso Dwirɛ 20:19

Na Lewifoɛ bɔ bɛ nana mɔ ole Kohate ne Kora ne, bedwɔsole bɛteane nu serɛserɛ bɛyele AWURADE Yisrael Nyameɛ ayɛ.

2 Aberɛso Dwirɛ 20:21

Na ɔne maen ne bɛhɔle agyina beyiele ne, ɔyele mmenia bɔ beli koɛhonɛfoɛ nemɔ anyunu bɛ́to dwein bɛ́ye AWURADE ayɛ wɔ animnyam krongron nu kyɛ, “Ɛ́mɔye AWURADE ayɛ, ofikyɛ ye ɔdɔ bɔ onni ngasi ne, ɔwɔ berɛ daa.”

YOB NWOMAA NE 42:8

Yiti ɛ́mɔfa nandwie nyii nzoo ne mmoaen nyii nzoo, ná ɛmɔhɔ me somvoɛ Yob berɛ bɛɛbɔ ɛmɔ ti naen yeralɛ afɔleɛ. Me somvoɛ Yob kɔbɔ mbaeɛ kɔma ɛmɔ, ofikyɛ ngotie ye mbaeɛ, na mengogyina ɛmɔ ngwaseasɛm ne aso me ne ɛmɔ ngoli. Ofikyɛ ɛmɔanga me nwo dwirɛ nahorɛ nu, kyɛbɔ me somvoɛ Yob de waha ye nahorɛ nu ne.”

Yesaya 27:13

Sɔ kyẽa ne, bekohu totorobɛndo pirikua ne, na bɛ bɔ beminini bɛhɔle Asiria aseɛ so, bɛ ne bɛ bɔ bɛsesale bɛ bɛhɔle Misraim aseɛ so ne, bɛkɔwa bɛkɔɔsɔne AWURADE wɔ bokaa krongron ne aso, wɔ Yerusalem.

Lewitikɔso 14:16

ná ɔ́fa ye sa mmɛseka famaa ne bɔ ngoo bɔ ɔwɔ ye sa bɛen nu ne anu, ná ɔfa ye sa mmɛseka pete ngoo ne bie pɛen nzoo, AWURADE nyunu.

Lewitikɔso 4:6

odi kyɛ ɔsɔfo ne ɔfa ye sa mmɛseka ɔbɔ mogya ne anu ná ɔfa bie pete pɛen nzoo, AWURADE nyunu, wɔ nekaa krongron mbɛmuɛ tena ne anyunu.

Sakaria 4:2

Na obisale me kyɛ, “Nzikyɛ yeɛ enwu ye e?” Yeɛ mmuale kyɛ, “Menwu kanea bakaa bɔ ye mukoraa te sikaa kɔkorɛ, bɔ bua gyi ye ti afia, bɔ ye nganea nzoo wɔ so, bɔ dodobɛen nzoo wɔ kanea biala bɔ ɔwɔ ye ti afia ne aso ɔ.

Sakaria 4:6

Na obuale me kyɛ, “AWURADE dwirɛ bɔ ɔkã kyire Serubabɛl ole kyɛ: Nna anwoserɛ ɔ, yeɛ nna tumi ɔ, na mmom me Sunzum ɔ. Asafo AWURADE noa dwirɛ ɛne.

Numeri 23:1

Yeɛ Balaam sele Balake kyɛ, “Si afɔleɛ bokyea nzoo wɔ wa ma me, ná ma me nandwie nyii nzoo ne mmoaen nyii nzoo.”

Yosua 6:13

Asɔfo nzoo bɔ betiratira boaen mmɛen totorobɛndo nzoo, bɔ né beli AWURADE alaka ne nyunu moa ne, bɛtoale so bɛhɔle, na bɛhɔle so behuli totorobɛndo ne. Koɛhonɛfoɛ nemɔ lili bɛ nyunu moa, na koɛhonɛfoɛ bɔ beli nziɛ bɛbɔ bɛ nwo waen ne lili AWURADE alaka ne asi. Sɔ mmerɛ ne amukoraa, né totorobɛndohulɛ ne la so.

Yosua 6:3

Ɛlɛho biala, ɔsɛ kyɛ ɛne Yisrael koɛhonɛfoɛ ne amukoraati bɛbɔ kuro ne anwo nzra bɛbra beyia komapɛ. Yɔ sɔ alaa elesia.

Yosua 6:5

Sɛ behu boaen mmɛen ne anu tendetende ko, ná sɛ ɛmɔte totorobɛndo ne nga pɛ a, ɔsɛ kyɛ mmenia ne amukoraati bɛbɔ ese serɛserɛ. Kuro ne anwo fasue kodwiri kogua gyirigorɔɔ, na ɛmɔ amukoraati bɛ́hɔ bɛ nyunu tee beewura kuro ne anu.”

Nyekyire 1:20

Na nzramaa nzoo bɔ enwuni bɛ wɔ me sa famaa nu, ɔne sikaa kɔkorɛ kanea bakaa nzoo ne, bɛ nwo mvealeɛ nu dwirɛ ɛhe: Nzramaa nzoo ne bɛte asɔre nzoo nemɔ b’abɔfo mɔ, yeɛ kanea bakaa nzoo bɔ enwuni bɛ ne bɛte asɔre nzoo ne.

Nyekyire 1:4

Yohane yeɛ mefa mebrɛ asɔre nzoo bɔ bɛwɔ Asia ne ɔ: Adom ne asomdwee bɔ ofi bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, ɔne bɔ ofi Sunzum nzoo bɔ bɛwɔ ye ahennie bia ne anyunu ne,

Nyekyire 10:3

Na ɔteane nu serɛserɛ kyɛ gyata bɔ ɔbobɔ nu ɔ. Na ɔteane nu nen, agralaa nzoo ne bobɔle nu kurudududu.

Nyekyire 15:1

Afei nwuni sɛngyerɛnneɛ foforɛ bie bɔ ɔte pirikua ná ɔyɛ nwanwa ɔ wɔ nyameɛso: Abɔfo nzoo bɔ betiratira ɛhawo nzoo bɔ ɔpɛ ye bo ɔ, bɔ yeɛ ɔpɛ Nyameɛ ahonehulɛ ne abo ɔ.

Nyekyire 15:7

Yeɛ abɔdeɛ ateasefoɛ nna nemɔ, bɛ nu ko mane abɔfo nzoo nemɔ sikaa kɔkorɛ kulie nzoo, bɔ Nyameɛ bɔ ɔte ase afebɔɔ ne, ye ahonehulɛ ayi bɛ tɛkyɛ ɔ.

Nyekyire 16:1

Afei ndele komviɛ piri bie bɔ ofi asɔneyɛɛ sua ne anu kyɛ odwudwo kyire abɔfo nzoo nemɔ kyɛ, “Ɛmɔhɔ beehwie bɔ ɔwɔ Nyameɛ ahonehulɛ kulie nzoo ne anu begua aseɛ so.”

Nyekyire 5:1

Na bɔ ɔte ahennie bia ne aso ne, ye sa famaa nu, nwuni nwomaa bie bɔ babobɔ ɔ, bɔ bahyerɛ ye nyunu ne ye si, bɔ bafa nzɔanoɛ nzoo basɔ ye noa ɔ.

Nyekyire 5:6

Na nneane, na yieee, ahennie bia ne ne abɔdeɛ ateasefoɛ nna ne ne mbanyi nemɔ b’afia berɛ, né Boaen Ba bie gyi berɛ bɔ osoma kyɛ bahũ ye ɔ. Ole mmɛen nzoo ne anyeɛ nzoo, bɔ bɛte Nyameɛ Sunzum nzoo bɔ wasoma bɛ wɔ aseɛ so amukoraa ɔ.

Nyekyire 8:2

Na nwuni abɔfo nzoo bɔ begyigyi Nyameɛ nyunu ne, na bɛmane bɛ totorobɛndo nzoo.

Nyekyire 8:6

Afei abɔfo nzoo bɔ betiratira totorobɛndo nzoo ne, bɛboaboale bɛ nwo kyɛ bɛbaahu.