Yosua 6:3 - AHYERƐLƐ KRONGRON

³ Ɛlɛho biala, ɔsɛ kyɛ ɛne Yisrael koɛhonɛfoɛ ne amukoraati bɛbɔ kuro ne anwo nzra bɛbra beyia komapɛ. Yɔ sɔ alaa elesia.

Yosua 6:3 Iomraidhean Croise

2 Aberɛso Dwirɛ 4:3

Ye noa kaa ne abo, ɔfale kɔɔbere lili kɔndoa adwii guale ye nwo bra yiale. Kɔndoa bɔ ɔfa pɛle nzim ne anwo yiale ne, ko biala te agyirɛ buru. Ɔfale kɔɔbere lili kɔndoa adwii folii nyɔ guale nzim ne anwo.

Numeri 14:9

Mmom, nnɛma ɛmɔdwɔso betia AWURADE, yeɛ nnɛma ɛmɔsuro aseɛ ne aso ama, ofikyɛ bɛte yɛ sa nu ngwadaa koraa. AWURADE bɔ ɔbɔ bɛ nwo waen ne, waye ye sa wafi bɛ bo, nakoso yɛ de, AWURADE gyi yɛ si; nnɛma ɛmɔsuro bɛ.”

2 Korintofoɛ 4:7

Nakoso sɔ agyapadeɛ bɔ yanya ye ne wɔ ngukue nu, na ɛhe maa ɔda adi kyɛ sɔ tumi totohyia ne te Nyameɛ deɛ, na nna yɛ deɛ ɔ.

Yosua 6:11

Yiti AWURADE alaka ne fale kuro ne anwo bra yiale. Ɔfale ye nwo yiale komapɛ, na besa bɛwale asikyeleɛ ne anu bɛɛlale berɛ.

Yosua 6:14

Kyẽa bɔ ɔtɔ so nyɔ ne, bɛbɔle kuro ne anwo nzra bɛbra beyiale komapɛ, na besa bɛwale asikyeleɛ ne anu. Bɛyɔle sɔ alaa elesia.

Yosua 6:2

Na AWURADE sele Yosua kyɛ, “Tie, mafa Yeriko ne ye hene ne ye koɛhonɛfoɛ mɔ mawura wɔ sa.

Yosua 6:4

Ma asɔfo nzoo bɛfa boaen mmɛen totorobɛndo nzoo beli alaka ne nyunu moa. Na kyẽa bɔ ɔtɔ so nzoo nen, ɔsɛ kyɛ ɛmɔbɔ kuro ne anwo nzra bɛbra beyia pɛen nzoo, wɔ mmerɛ bɔ asɔfo nemɔ koso béhu totorobɛndo nemɔ ɔ.

Yosua 6:7

Afei osele mmenia ne kyɛ, “Ɛmɔhɔ ɛmɔ nyunu moa bɛɛbɔ kuro ne anwo nzra bɛbra beyia; ná ɛ́mɔma koɛhonɛfoɛ nemɔ bɛse beli AWURADE alaka ne nyunu moa.”