Yosua 6:27 - AHYERƐLƐ KRONGRON

²⁷ Yiti AWURADE gyinane Yosua si, na bɛtele ye nga wɔ aseɛ ne aso nekaa biala.

Yosua 6:27 Iomraidhean Croise

Gyenesise 39:21

Nakoso AWURADE gyinane Yosef si, na ɔlole ye; onwuni ye anwumvoin maa kuku nu neafoɛ ne hurole ye dwirɛ.

2 Samuel 7:9

Magyina wɔ si wɔ nekaa biala bɔ ɛhɔle ɔ, maprapra wɔ pɔfoɛ amukoraa mafi w’atee nu, na mapagya wɔ dumaa maa wayɛ kyɛ aseɛ ye aso atitirefoɛ bɛ dumaa.

1 Aberɛso Dwirɛ 14:17

Dawide lele dumaa wɔ maen nemɔ amukoraa so, na AWURADE mane ye nwo suronyi tɔle maen maen ne amukoraa so.

Ɛseta 9:4

Ɔwale ye sɔ, ofikyɛ Modekae nyane tumi wɔ ahemvie berɛ, ye dumaa trɛle hɔle manzini ne amukoraa nu, na ɔhɔle so nyane tumi.

Mateo 14:1

Sɔ mmerɛ ne anu, manzini hene Herode tele Yesu nga;

Mateo 18:20

Ofikyɛ nekaa biala bɔ mmenia nyɔ anaa nza koyia nu me dumaa nu nen, né nwɔ b’afia wɔ berɛ.”

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Mateo 4:24

Ye nwo dwirɛ trɛ hɔle Siria amukoraa, na bɛfale bɛ bɔ bɛnde apɔ amukoraa bɔ anwonyerɛ ne anwondutuo ahoroɔ ayɛ bɛ ɔ, bɛ bɔ sunzummɔne wɔ bɛ so ɔ, ɔne bɛ bɔ ɛpɛlɛ ne apreprɛ wɔ bɛ so ɔ bɛbrɛle ye, na ɔsale bɛ anwonyerɛ.

2 Korintofoɛ 13:14

Y’Awurade Yesu Kristo adom ne, Nyameɛ dɔ ne, ɔne Sunzum Krongron abiɛngoɛfalɛ ne ɔne ɛmɔ amukoraa bɛtena. Amen.

Deuteronomi 31:6

Ɛ́mɔgyina pindinn, ná ɛ́mɔma ɛmɔ ahone yɛ se. Nnɛma ɛmɔsuro, yeɛ nnɛmɔma bɛ nwo suronyi tɔ ɛmɔ so, ofikyɛ AWURADE wɔ Nyameɛ ne, ye yeɛ ɔne wɔ nate ɔ. Ongoli wɔ ngasi, yeɛ ɔngɔyakyi wɔ nu.”

2 Timoteo 4:17

Nakoso Awurade gyinane me si mane me anwoserɛ, kyɛbɔ ɔkɔyɛ bɔ ɔkɔfa me so kɔbɔ edwirɛ ne dawure bɔkɔɔ kɔma Amaenmaensofoɛ amukoraa bɛkɔte ɔ. Yiti ɔpepɛ lele me fili gyata noa nu.

2 Timoteo 4:22

Awurade [Yesu Kristo] ne wɔ sunzum bɛtena. Adom ɔ́yɛ ɛmɔ deɛ. Amen.

Yosua 1:5

Sona biala ngɔhora ngogyina wɔ nyunu, mmerɛ biala bɔ ɛte ase ɔ. Na kyɛbɔ ngyinane Mose si nen, sɔ ala yeɛ ngogyina wɔ si ɔ. Mengoli wɔ ngasi, yeɛ mengɔyakyi wɔ nu.

Yosua 1:9

Yiti méhyɛ wɔ kyɛ, gyina pindinn ná ma w’ahone yɛ se; nnɛsuro, yeɛ nnɛma wɔ kunu tete wɔ, ofikyɛ AWURADE wɔ Nyameɛ gyi wɔ si wɔ nekaa biala bɔ ɛkɔhɔ ɔ.”

Yosua 9:1

Ahemvo amukoraa bɔ bɛwɔ Yɔɔdan si dɔ mmokaa aseɛ so, yeɛ bɛ bɔ bɛwɔ aseɛ frɛtɛɛ so, bɔ bɛ mukoraa bɛwɔ Ɛpo Piri noa, bɔ ɔkwaadwu Lebanon ne, bɛtele sɔ dwirɛ ne: bɛ ole Hitifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ ahemvo mɔ.

Yosua 9:3

Nakoso mmerɛ bɔ Gibeonfoɛ tele nikyee bɔ Yosua afa ayɛ Yeriko ne Aye nen,

Yosua 9:9

Na bebuale ye kyɛ, “AWURADE wɔ Nyameɛ dumaa bɔ watrɛ wahɔ dede ne, ɔnate ye ti yeɛ wɔ ngoaa yafi maen dedeede bie aso yawa ɔ; ofikyɛ yate ye nwo dwirɛ, bɔ ɔyɔle ye wɔ Misraim amukoraa,

Maenbulɛfoɛ 1:19

Né AWURADE gyi Yuda si, na Yuda ho fale bokaa aseɛ ne. Nakoso wangora wandu aseɛ frɛtɛɛ ne aso ama wamvi berɛ, ofikyɛ né bele buralɛ teaseɛnam mɔ.

1 Samuel 18:14

Dawide nyane ngɔsoɛ wɔ bɔ ɔyɔle amukoraati nu, ofikyɛ AWURADE lili ye si.

1 Samuel 2:30

Yiti AWURADE Yisrael Nyameɛ nwa nyoo, ‘Nhyɛle bɔ kyɛ w’abusua ne wɔ nana abusua bekoli sɔfo bɛkɔso me daa.’ Nakoso kekesaala ye de, AWURADE nwa: ‘Mengɔma sɔ dwirɛ ne ngɔyɛ adwuma! Ofikyɛ bɛ bɔ bedi me ni ne, me koso ngoli bɛ ni, yeɛ bɛ bɔ betiatia me nyunu ne, me koso mengɔfa bɛ ngɔyɛ huu.