Yosua 6:26 - AHYERƐLƐ KRONGRON

²⁶ Sɔ mmerɛ ne, Yosua payele kyɛ, “Sona biala bɔ ɔkɔkyekye Yeriko kuro he bieku nen, AWURADE prápra musue ógua ye so; sɛ ɔ́to kuro ne fapem a, ɔkɔfa ye bamuɛbaa yeɛ ɔkɔpɛ so ɔ, yeɛ sɛ ótuatua ye pambim mɔ a, ɔkɔfa ye kasiɛ yeɛ ɔkɔpɛ so ɔ!”

Yosua 6:26 Iomraidhean Croise

1 Ahemvo 16:34

Ahabo mmerɛ so yeɛ Hiɛl bɔ ofi Betel ne osa kyekyele Yeriko ɔ. Na kyɛbɔ AWURADE dwirɛ bɔ ɔnate Nun awa Yosua so hane ne ɔte ne, Hiɛl ɔ́to kuro ne fapem ne, ye bamuɛbaa bɔ bɛfrɛ ye Abiram fili ye sa, yeɛ ótuatua ye pambim nemɔ ne, ye kasiɛ bɔ bɛfrɛ ye Segubo koso fili ye sa.

1 Ahemvo 22:16

Nakoso Nana Ahabo bisale Mikaya kyɛ, “Pɛen nyɛɛ yeɛ odi kyɛ memaa ɛta ndaen kyɛ AWURADE dumaa nu edwirɛ nahorɛ ngome yeɛ ɛkɔhã kohyire me ɔ?”

2 Ahemvo 2:4

Elia sele Elisa kyɛ, “Elisa, mesrɛ wɔ tena wa ofikyɛ AWURADE asoma me Yeriko.” Nakoso Elisa buale kyɛ, “Kyɛ AWURADE te ase ye, ɔne kyɛ wɔ koso ɛte ase ye, mengɔte me nwo mengofi wɔ nwo.” Yiti besili nu bɛhɔle Yeriko.

Malaki 1:4

Na sɛ Edom kã kyɛ, “Babɔ yɛ maen ne de, nakoso yɛkosa yɛkosi bɔ badwiri bagua ne” a, bɔ Asafo AWURADE ɔkã ole kyɛ, “Bekosi de, nakoso ngodwiri ngogua. Na mmenia kɔto bɛ dumaa kyɛ, “Amumuyɛɛfoɛ maen,” ne “Maen bɔ AWURADE afɛ bɛ so yaa afebɔɔ ɔ.”

Mateo 26:63

Nakoso Yesu yɛle dinn. Yeɛ ɔsɔfo panyi paa ne sele ye kyɛ, “Mefa Nyameɛ teasefoɛ ne meta ndaen megua wɔ so kyɛ, sɛ wɔ ole Kristo ne, Nyameɛ Awa ne a, kã kyire yɛ.”

Asomafoɛ 19:13

Yiti Yudafoɛ ngonyaayelɛfoɛ biemɔ bɔ bekyini betutu sunzummɔne yɛle kyɛ bɛ koso bɛkɔfa Awurade Yesu dumaa bɛkɔyɔ bie, na besele sunzummɔne nemɔ kyɛ, “Yɛhyɛ wɔ wɔ Yesu bɔ Pɔɔlo di ye nwo adanzeɛ ne dumaa nu kyɛ, fi ye nu fite!”

Yosua 16:7

Afei ɛwɛen ne fi Yanoa torotoro kɔ Atarote ne Naara, odwu Yeriko, na ɔkɔpem Yɔɔdan noa.