Yosua 6:25 - AHYERƐLƐ KRONGRON

²⁵ Nakoso gyanderaniɛ Rahabo ne ye nwo ama mukoraa de, Yosua maa benyane bɛ ti bedidili nu. Na ye abusua ne atena Yisrael maa waadwu ɛnɛ ne ɛnɛ ye, ofikyɛ ɛbɔfoɛ mɔ bɔ Yosua somane bɛ maa bɛɛtetɛle Yeriko nen, ɔfale bɛ feale.

Yosua 6:25 Iomraidhean Croise

Mateo 1:5

Salmon ne Rahabo wole Boase. Boase ne Rutu wole Obɛde bɔ ɔwole

Asomafoɛ 2:21

Na ɔkɔwa kyɛ ebiala bɔ ɔkɔbɔ Awurade dumaa ne, okonya ngoa.’

Hebrifoɛ 11:31

Ɔnate gyidie so yeɛ bangu gyanderaniɛ Rahabo bammoka bɛ bɔ banne banni nemɔ aso ɔ, ofikyɛ olele bɛ bɔ bɛɛsrale maen ne anu besiele ne nyemene so.

Yakobo 2:25

Na sɔ ala koso, aso nna nnwumaa so yeɛ begyina bebuale adwamanbɔlɛniɛ Rahabo be ɔ, mmerɛ bɔ olele ɛbɔfoɛ nemɔ, ná ɔmaa bɛfale atee foforɛ so bɛhɔle ne?

Yosua 2:1

Afei Nun awa Yosua somane maentetɛlɛfoɛ nyɔ kudɛɛ fili Sitim, na osele bɛ kyɛ, “Ɛmɔhɔ bɛɛsra aseɛ ne besie, nganga Yeriko.” Yiti besili nu bɛhɔle, na bɛɛlale braa gyanderaniɛ bie bɔ oli Rahabo awuro.

Yosua 2:18

Sɛ yɛbadwu aseɛ ye aso a, sana ɛfa nyamaa kɔkorɛ he sinze mboma bɔ edwurale yɛ fale nu ne anu, ná ɛboaboa wɔ baba, wɔ maame, eliɛma mɔ ne w’abusuafoɛ mukoraati noa wɔ w’awuro wa.

Yosua 2:4

Nakoso né braa ne afa mmienzua nyɔ ne wafea. Na obuale kyɛ, “Ɔte amba, mmienzua biemɔ wale me wa, nakoso menze nekaa bɔ befi bɛwale ɔ.

Yosua 2:6

Né wamaa baafea sua ne abuu ne aso, na né wafa atendirehuo bɔ waboaboa ye noa wɔ abuu ne aso ne wakata bɛ so.

Yosua 4:9

(Afei Yosua koso fale nyɔboɛ buru ne nyɔ penapenane asue Yɔɔdan afia, nekaa bɔ asɔfo mɔ bɔ bɛsõ alaka ne gyinagyinane ne; na ɔbaadwu ɛnɛ ye, nyɔboɛ nemɔ tɛ wɔ berɛ).