Yosua 6:24 - AHYERƐLƐ KRONGRON

²⁴ Bɛtole kuro ne anu ɔne nu nningyein amukoraati nu see bɛyerale ye. Nu nikyee biala bɔ bafa ɛdwetɛ anaa esikaa kɔkorɛ anaa kɔɔbere anaa buralɛ bayɔ de, bɛsesale beeguale AWURADE awuro nningyein sua ne anu.

Yosua 6:24 Iomraidhean Croise

2 Samuel 10:5

Na Nana Dawide tele edwirɛ bɔ wasi nen, ɔsomane mmenia maa beeyiale bɛ bɛha behyirele bɛ kyɛ, “Ɛ́mɔtena Yeriko ma ɛmɔ kanza ne ofu koraka né ɛmɔasa bawa.” Ofikyɛ né Hanun agua bɛ nyunu ase paa.

2 Ahemvo 25:9

Ɔyerale AWURADE awuro ne, ahemvie ne, yeɛ Yerusalem sua amukoraa. Ɔyerale sua biala bɔ odi mu ɔ.

1 Aberɛso Dwirɛ 18:11

Ɛdwetɛ ne esikaa kɔkorɛ bɔ Nana Dawide sesa fili maen maen amukoraa so: Edom, Moabo, Amonfoɛ, Filistifoɛ ne Amalɛke berɛ ne, ɔfale sɔ nningyein nemɔ bokale so, na otu siele berɛ mane AWURADE sɔnenɛ.

Numeri 31:10

Bɛyerale bɛ nguro bɔ né bɛtete so amukoraati, ɔne b’asikyeleɛ amukoraati.

Deuteronomi 13:16

Koɛ nu nzesadeɛ bɔ ekonya ye kuro ne anu ne, boaboa ye mukoraati noa wɔ dwaaso, ná afei fa see yera kuro ne ɔne nu nzesadeɛ ne ma ɔyɛ afɔleɛ mumua yeralɛ ma AWURADE wɔ Nyameɛ. Na ɔkɔyɛ kurofoen, bɔ bɛngɔkyekye ye ko le ɔ.

Deuteronomi 13:17

Sɔ musue nningyein ne, nnɛfa bie sie, na ɔnate so AWURADE kɔye ye yaafɛlɛ piri ne kofi wɔ so. Okonwu wɔ anwumvoin, na ɔkɔlo wɔ maa ɛkɔta pee, kyɛbɔ ɔtale ndaen hyirele wɔ nana mɔ ne.

Deuteronomi 20:16

Nakoso maen maen hemɔ bɛ nguro bɔ AWURADE wɔ Nyameɛ ɔ́fa ma wɔ maa ɔyɛ w’agyapadeɛ nen, nnɛma nu nikyee biala bɔ nwomeɛ wɔ ye nu onya ngoa.

Yosua 11:11

Bɛfale ngrandɛ behuhuni kuro berɛ ama mukoraati. Behuhuni bɛ bɔkɔɔ; banyakyi nikyee ko po bɔ nwomeɛ wɔ ye nu ɔ, na bɛfale see bɛtole Hasɔ nu.

Yosua 6:19

Nakoso nikyee biala bɔ bafa ɛdwetɛ anaa sikaa kɔkorɛ anaa kɔɔbere anaa buralɛ bayɔ de, ɔte krongron ma AWURADE; odi kyɛ yɛfa yɛkoogua AWURADE nningyein sua ne anu.”

Yosua 6:25

Nakoso gyanderaniɛ Rahabo ne ye nwo ama mukoraa de, Yosua maa benyane bɛ ti bedidili nu. Na ye abusua ne atena Yisrael maa waadwu ɛnɛ ne ɛnɛ ye, ofikyɛ ɛbɔfoɛ mɔ bɔ Yosua somane bɛ maa bɛɛtetɛle Yeriko nen, ɔfale bɛ feale.

Yosua 8:28

Yiti Yosua yerale Aye, na ɔkakyili ye kurofoen esire afebɔɔ maa waadwu ɛnɛ.

Nyekyire 17:16

Na mmɛen buru bɔ enwuni bɛ ne, bɛ ne kaka ne bɛkɔpɔ adwamanbɔlɛniɛ ne; bɛkɔyɛ ye pasapasa ná baye ye nwo bato so, bekoli ye naen, ná bafa see bayera ye.

Nyekyire 18:8

Yiti ye hawo ne, ɔkɔwa ye so ɛlɛhomapɛ: ewue ne aworabɔlɛ ne ɛhɔen, na bɛkɔfa see bɛkɔyera ye motoo, ofikyɛ Awurade Nyameɛ bɔ obua ye ndɛen ne, ɔte anwoserɛniɛ.”