Yosua 6:23 - AHYERƐLƐ KRONGRON

²³ Yiti mmerandeɛ maentetɛlɛfoɛ ne hɔle berɛ, na bɛyele Rahabo befitele, ɔne ye baba, ye maame, oliɛma mɔ ne ye nwo ama mukoraati. Bɛyele ye abusuafoɛ mukoraati befitele, na bɛfale bɛ bɛhɔle Yisrael asikyeleɛ ne asi.

Yosua 6:23 Iomraidhean Croise

Gyenesise 12:2

Ngɔmaa ɛkɔyɛ maen pirikua, ngoyira wɔ, ná mama wɔ dumaa ahɔ anwuro, amaa ɔnate so ayɛ saleɛ.

Gyenesise 18:24

Yɛfa ye kyɛ mmenia aburannu bɔ bɛtengyɛ wɔ kuro ne anu. Yiti ahaa ɛngɔfa wɔ nye ngɔto mmenia aburannu bɔ bɛtengyɛ wɔ kuro ne anu ne, na ɛngɔyakyi ye sɛkyelɛ anaa?

Gyenesise 19:29

Yiti mmerɛ bɔ Nyameɛ sɛkyele nguro bɔ bɛwɔ aseɛ frɛtɛɛ ne aso nen, ɔkayele Abraham, na amaneɛ bɔ ɔtole nguro bɔ Lɔto tenane so nemɔ maa bɛbɔle ne, ɔyele Lɔto fili nu.

Numeri 31:19

Ɛ́mɔtena asikyeleɛ ne asi dɔ ɛlɛsoo. Ɛmɔ bɔ ɛmɔahu sona anaakyɛ ɛmɔ nu biala bɔ ye nwo aha fuin ne, odi kyɛ ɛmɔpete ɛmɔ nwo ɔne mmenia bɔ ɛmɔahye bɛ nnure nemɔ anwo ye ɛlɛsa ne aso ɔne ɛlɛsoo ne aso.

Asomafoɛ 10:28

Na osele bɛ kyɛ, “Ɛmɔ bɔbɔ ɛmɔse kyɛ otia mmeraa kyɛ Yudaniɛ ɔkɔfa ye nwo kɔbɔ Amaenmaensoniɛ anaakyɛ ɔkɔhɔ ye awuro kɔɔsra ye ɔ. Nakoso Nyameɛ aye ahyire me kyɛ onni kyɛ mebu sona biala kyɛ ɔbboka yɛ so, anaakyɛ ye nwo nde.

Asomafoɛ 27:24

na osele me kyɛ, ‘Pɔɔlo, nnɛsuro, na odi kyɛ ekogyina Kaesare nyunu. Na tie, ɔnate wɔ ti Nyameɛ ale bɛ bɔ bɛ ne wɔ tu atee ne amukoraa bɛ ngoa.’

1 Korintofoɛ 5:12

Aso ɔte m’adwuma kyɛ mebua bɛ bɔ bɛnne yɛ fekue ye anu koso ndɛen ɔ? Aso nna bɛ bɔ bɛboka ɛmɔ so yeɛ ɛmɔbua bɛ ndɛen ɔ?

Ɛfesofoɛ 2:12

Ɛ́mɔkaye kyɛ, sɔ mmerɛ ne, né ɛmɔ ne Kristo b’afia atete; né ɛmɔte amanvrafoɛ bɔ bɛnga ɛmɔ bɛmmoka Yisrael maen mmaa so ɔ; né ɛmɔte ɛwɔfoɛ wɔ apam bɔhyɛ ahoroɔ ne anwo, bɔ né ɛmɔlle anyelasoɛ biala, bɔ né ɛmɔlle Nyameɛ wɔ wiase ɔ.

Hebrifoɛ 11:31

Ɔnate gyidie so yeɛ bangu gyanderaniɛ Rahabo bammoka bɛ bɔ banne banni nemɔ aso ɔ, ofikyɛ olele bɛ bɔ bɛɛsrale maen ne anu besiele ne nyemene so.

Hebrifoɛ 11:7

Ɔnate gyidie so yeɛ Nowa le suronyi tiele kyẽa bie nningyein bɔ né bɛbaasi ne nwo kɔkɔbɔlɛ ɔ, na ɔbobɔle ɛlɛen alaka bɔ ɔne ye awuro ama bɛfale so benyane ngoa ɔ. Ɔnate ɛhe aso Nowa buale wiase foɛ, na ɔɔyɛle tenenee bɔ ɔnate gyidie so benya ye ne koliagyaa.

Yosua 2:13

kyɛ ɛmɔngohu me baba ne me maame, nniɛma mmienzua ne mmrasua, ɔne bɛ nwo ama nu biala, na mmom ɛmɔkɔmaa yɛkonya yɛ ti yɛkodidi nu.”

Yosua 2:16

Na osele bɛ kyɛ, “Ɛmɔhɔ mmokaa nemɔ anu dɔ, kyɛbɔ ɔkɔyɛ ná mmenia bɔ bɛpena ɛmɔ ne bengonwu ɛmɔ ɔ. Ɛmɔɔfea dɔ ɛlɛsa, kɔpem kyɛ mmenia bɔ bɛpena ɛmɔ ne kosa kɔhɔ ɔ. Na ye si ye ɛmɔkɔhora bɛkɔtoa ɛmɔ atee ne aso”

Yosua 2:18

Sɛ yɛbadwu aseɛ ye aso a, sana ɛfa nyamaa kɔkorɛ he sinze mboma bɔ edwurale yɛ fale nu ne anu, ná ɛboaboa wɔ baba, wɔ maame, eliɛma mɔ ne w’abusuafoɛ mukoraati noa wɔ w’awuro wa.

Maenbulɛfoɛ 1:25

Yiti biaa ne hyirele bɛ atee bɔ ɔkɔ kuro ne anu ɔ. Bele ngrandɛ behuhuni kuro ne anu ama, nakoso bɛyakyili biaa ne, ɔne ye abusuafoɛ amukoraa.