Yosua 6:21 - AHYERƐLƐ KRONGRON

²¹ Afei bɛfale ngrandɛ behuhuni kuro berɛ ama mukoraa bɔkɔɔ: mmienzua ne mmrasua, ngwadaa ne mbanyi, yeɛ behuhuni nandwie, mmoaen ne afunum amukoraa.

Yosua 6:21 Iomraidhean Croise

1 Ahemvo 20:42

Na ngɔmhyɛlɛniɛ ne sele Ahabo kyɛ, “AWURADE nwa, ‘Ɔnate kyɛ amaa biaa bɔ mahyɛ kyɛ behũ ye ne wahɔ ne ati, bɛkɔfa wɔ ngoa bekotua ye deɛ kerɛ, ná bafa wɔ mmenia basi ye deɛ mɔ gya nu.’ ”

Yeremia 48:18

“Wɔ, baa brasua bɔ ɛte Dibɔn ɔ, fi w’animnyam ne anu dwu bra, ná baatena aseɛ katerepee so! Ofikyɛ Moabo sɛkyefoɛ ne kɔwa wɔ so, na ɔkɔsɛkye w’anwoserɛ afealeɛ mɔ.

Deuteronomi 13:16

Koɛ nu nzesadeɛ bɔ ekonya ye kuro ne anu ne, boaboa ye mukoraati noa wɔ dwaaso, ná afei fa see yera kuro ne ɔne nu nzesadeɛ ne ma ɔyɛ afɔleɛ mumua yeralɛ ma AWURADE wɔ Nyameɛ. Na ɔkɔyɛ kurofoen, bɔ bɛngɔkyekye ye ko le ɔ.

Deuteronomi 2:34

Sɔ mmerɛ ne, yɛho yɛfale ye nguro nemɔ amukoraati, yɛbɔle nguro nemɔ amukoraati bɔkɔɔ, yɛhuhuni mmienzua ne mmrasua ne ngwadaa amukoraati, na yanyakyi bɛ nu ko po.

Deuteronomi 7:16

Na ekohũhũ mmenia bɔ AWURADE wɔ Nyameɛ kɔfa bɛ kowura wɔ sa ne amukoraati. Nnɛnwu bɛ anwumvoin, yeɛ nnɛso bɛ nyameɛ nemɔ, ofikyɛ ɛhe kɔyɛ wɔ so ngaen.

Yosua 10:28

Sɔ kyẽa ne ala, Yosua ho fale Makeda. Ɔfale ngrandɛ huhuni kuro berɛ ama ne berɛ hene; ohuhuni berɛ ama mukoraa bɔkɔɔ. Wanyakyi sona ko po. Na bɔ ɔfa yɔle Yeriko hene ne, sɔ ala yeɛ ɔfa yɔle Makeda hene ɔ.

Yosua 10:39

Olili kuro ne, nu hene, ɔne ye nwo nguro mɔ so ngonim. Bɛfale ngrandɛ behuhuni bɛ, na behuni kuro ne anu mmenia mukoraa bɔkɔɔ. Wanyakyi sona ko po. Na nikyee bɔ ɔfa yɔle Hebron, yeɛ Libina ne ye hene nen, sɔ ala yeɛ ɔfa yɔle Dɛbi ne ye hene ɔ.

Yosua 11:11

Bɛfale ngrandɛ behuhuni kuro berɛ ama mukoraati. Behuhuni bɛ bɔkɔɔ; banyakyi nikyee ko po bɔ nwomeɛ wɔ ye nu ɔ, na bɛfale see bɛtole Hasɔ nu.

Yosua 11:14

Koɛ nu nzesadeɛ mukoraa ne nyɛmmoa bɔ bɛwɔ sɔ nguro nemɔ anu ne, Yisraelfoɛ fale. Nakoso bɛfale ngrandɛ behuhuni nu mmenia mukoraati, kɔpem kyɛ behuhuni bɛ bɔkɔɔ ɔ, na banyakyi nikyee ko po bɔ nwomeɛ wɔ ye nu ɔ.

Yosua 8:2

Nikyee bɔ ɛfa yɔle Yeriko ne ye hene nen, sɔ ala yeɛ fa yɔ Aye ne ye hene ɔ. Koɛ nu nzesadeɛ ne nyɛmmoa bɔ bɛwɔ nu ne, bɛ ngome yeɛ ɔsɛ kyɛ ɛmɔfa ɔ. Ma mmenia bɛɛtɛ kuro ne wɔ ye si dɔ.”

Yosua 8:22

Yisrael koɛhonɛfoɛ fekue ko ne koso fili kuro ne anu fitele, na bɛwale Ayefoɛ so. Yiti Ayefoɛ hale Yisraelfoɛ afia, bɔ Yisrael koɛhonɛfoɛ nemɔ bie wɔ bue faen, ná ebiemɔ koso wɔ bue dɔ ɔ. Na Yisraelfoɛ huhuni bɛ, bɔ ko po wanga anaa wannwati ɔ.

Yosua 9:3

Nakoso mmerɛ bɔ Gibeonfoɛ tele nikyee bɔ Yosua afa ayɛ Yeriko ne Aye nen,

Nyekyire 18:21

Yeɛ abɔfo anwoserɛniɛ bie tamone nyɔboɛ bɔ ɔte kyɛ nyɔboɛ kandinga bɔ bɛfa beti aburoo, na ogyi tole ɛpo nu hane kyɛ, “Sɔaa yeɛ bɛbaafindi kuro piri Babilɔn bɛto wɔ anyeborolɛ so ɔ, na bengonwu ye ko.

1 Samuel 15:3

Yiti kɔ na kohũ Amalɛkefoɛ, ná sɛkye bɔ bele ye amu bɔkɔɔ. Nnɛma ebiala nya ye ti didi nu, na mmom ku mmienzua ne mmrasua, ngwadaa ne nnɔma, nandwie ne mmoaen, afupɔngɔ ne afunum.’ ”

1 Samuel 15:8

Ɔhyele Amalɛkefoɛ hene Agage anyekaenn so, nakoso mmenia ne amu de, ɔfale ngrandɛ huhuni bɛ bɔkɔɔ.