Yosua 6:2 - AHYERƐLƐ KRONGRON

² Na AWURADE sele Yosua kyɛ, “Tie, mafa Yeriko ne ye hene ne ye koɛhonɛfoɛ mɔ mawura wɔ sa.

Yosua 6:2 Iomraidhean Croise

2 Samuel 5:19

Na Dawide bisale AWURADE kyɛ, “Mva koɛ ngɔndoa Filistifoɛ anaa? Ɛkɔfa bɛ kowura me sa anaa?” Yeɛ AWURADE buale Dawide kyɛ, “Kɔ, ngɔfa Filistifoɛ ngowura wɔ sa amba.”

Nehemia 9:24

Yiti bɛ boso ama nemɔ, bɛhɔle aseɛ ne aso bɛɛfale, na Kanaanfoɛ bɔ bɛ yeɛ né bɛte aseɛ ne aso mmenia ne, ɛfale bɛ wurale Yisraelfoɛ bo. Na ɛfale bɛ ne b’ahemvo ne aseɛ ne aso ama wurale Yisraelfoɛ sa kyɛ bɔ bekuro ne, bɛfa bɛyɔ bɛ.

Daniel 2:21

Ye yeɛ ɔsakyera mmerɛ ne ngyẽa nu ɔ, otu ahemvo mɔ bia so, yeɛ ɔfa ahemvo mɔ sie bia so; ɔma nworɛfoɛ benwu nworɛ, na ɔma bɛ bɔ b’adwene nu pi ɔ benya nimdeɛ;

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Daniel 4:17

Sɔ ahyɛdeɛ ne, awɛmvoɛ nemɔ bɛ noa dwirɛ ɛne, krongronfoɛ nemɔ b’agyina bɔ batu hɔ ɛne, amaa ɔnate so ateasefoɛ banwu kyɛ Anwuro Awuroniɛ ne yeɛ ole adasa ahennie so tumi ɔ, ɔfa ma sona biala bɔ okuro ɔ, na adasa nu anwobrɛaseɛfoɛ yeɛ ɔfa bɛ sie so ɔ.’

Daniel 4:35

na aseɛ sofoɛ amukoraa bɛtte huu wɔ ye nye so, bɔ okuro biala yeɛ ɔyɔ ye wɔ nyameɛso lɔen mɔ nu, ɔne aseɛ sofoɛ mɔ nu ɔ, na ebiala nne berɛ bɔ ɔkɔhora kogyina ye tumi noa, anaa okobisa ye kyɛ, ‘Nzikyɛ yeɛ ɛyɔ e?’

Daniel 5:18

Nana, Anwuro Anwuro Nyameɛ ne, ɔfale ahennie mane wɔ baba Nebukadenesa, ɔmaa ɔyɛle titire, na ɔmaa onyane anidie ne animnyam;

Deuteronomi 7:24

Ɔkɔfa bɛ hene mɔ kowura wɔ sa, na odi kyɛ ɛma bɛ dumaa mini fi aseɛ ye aso. Na sona biala ngɔhora wɔ nyunu gyina kɔpem kyɛ ekohũhũ bɛ ɔ.

Yosua 12:9

Ahemvo nemɔ ole: Yeriko hene, Aye bɔ opingye Betel ne hene;

Yosua 2:24

Na besele Yosua kyɛ, “Amba, AWURADE afa aseɛ ne amukoraa wawura yɛ sa. Ɔnate yɛ ti ahunundetelɛ atɔ aseɛ ne aso ama mukoraati so dada.”

Yosua 2:9

oosele bɛ kyɛ, “Mese kyɛ AWURADE afa aseɛ ye wama ɛmɔ; ɛmɔ nwo suronyi atɔ yɛ so, na ɔnate ɛmɔ ti ahunundetelɛ atɔ maen he anu ama mukoraati so.

Yosua 20:1

Afei AWURADE sele Yosua kyɛ,

Yosua 6:1

Ɔnate Yisraelfoɛ ti, né Yerikofoɛ bafa nikyee babrambram kuro berɛ pambim nemɔ asi batoto nu, bɔ ebiala ngora mvi nu mvite anaakyɛ onwura nu ɔ.

Yosua 6:3

Ɛlɛho biala, ɔsɛ kyɛ ɛne Yisrael koɛhonɛfoɛ ne amukoraati bɛbɔ kuro ne anwo nzra bɛbra beyia komapɛ. Yɔ sɔ alaa elesia.

Yosua 8:1

Afei AWURADE sele Yosua kyɛ, “Nnɛsuro, yeɛ nnɛma wɔ kunu tete wɔ. Fa koɛhonɛfoɛ ne amukoraati boka wɔ nwo so, na fo kɔ Aye. Tie, mafa Aye hene ne ye mmenia, ye kuro ne, ɔne ye aseɛ mawura wɔ sa.

Maenbulɛfoɛ 11:21

Yeɛ AWURADE Yisrael Nyameɛ fale Sihon ne ye mmenia amukoraa wurale Yisrael sa, na Yisraelfoɛ lili bɛ so ngonim. Yiti Amorifoɛ bɔ bɛ yeɛ né bɛte maen ne anu ne, Yisrael fale b’aseɛ amukoraa.

Maenbulɛfoɛ 11:24

Aso nna nikyee bɔ wɔ nyameɛ Kemose wafa wama wɔ ne yeɛ odi kyɛ ɛfa ɔ? Nikyee biala bɔ AWURADE yɛ Nyameɛ wali so ngonim wafa wama yɛ ne, aso nna yɛ yeɛ odi kyɛ yɛfa ɔ?