Yosua 6:19 - AHYERƐLƐ KRONGRON

¹⁹ Nakoso nikyee biala bɔ bafa ɛdwetɛ anaa sikaa kɔkorɛ anaa kɔɔbere anaa buralɛ bayɔ de, ɔte krongron ma AWURADE; odi kyɛ yɛfa yɛkoogua AWURADE nningyein sua ne anu.”

Yosua 6:19 Iomraidhean Croise

2 Samuel 8:11

Na Nana Dawide tuli sɔ nningyein nemɔ koso siele berɛ mane AWURADE sɔnenɛ, kyɛbɔ maen mɔ bɔ olili bɛ so ngonim ne, otuli b’ɛdwetɛ ne sikaa kɔkorɛ siele berɛ mane AWURADE sɔnenɛ ne.

1 Ahemvo 14:26

Ɔsesale AWURADE awuro berɛ nningyein amukoraa ɔne ahemvie berɛ nningyein amukoraa hɔle. Afei koso esikaa kɔkorɛ akokyɛm bɔ Solomon yɔle ne amukoraa, ɔsesa hɔle.

1 Ahemvo 7:51

Yiti Nana Solomon yɔle AWURADE awuro ne anwo adwuma amukoraati yiele. Na nningyein bɔ Solomon baba Dawide tu siele berɛ mane AWURADE ne: ɛdwetɛ, esikaa kɔkorɛ ɔne nningyein ahoroɔ nemɔ, Solomon fa hɔle AWURADE awuro oosiele nekaa bɔ besie nningyein ne.

2 Ahemvo 24:13

Nebukadenesa sesale AWURADE awuro agudeɛ amukoraa, ɔne ahemvie berɛ agudeɛ ne hɔle. Esikaa kɔkorɛ kulie amukoraa bɔ Yisrael hene Solomon maa bɛyɔle beguale AWURADE asɔneyɛɛ sua ne anu ne, ɔbobɔle bɛ. Ɛhe amukoraa sili kyɛbɔ AWURADE hane ne ala.

1 Aberɛso Dwirɛ 18:11

Ɛdwetɛ ne esikaa kɔkorɛ bɔ Nana Dawide sesa fili maen maen amukoraa so: Edom, Moabo, Amonfoɛ, Filistifoɛ ne Amalɛke berɛ ne, ɔfale sɔ nningyein nemɔ bokale so, na otu siele berɛ mane AWURADE sɔnenɛ.

1 Aberɛso Dwirɛ 26:20

Lewifoɛ nemɔ anu, Nyameɛ awuro berɛ nekaa bɔ besie nningyein, ɔne nekaa bɔ besie nningyein bɔ batu basie berɛ bama Nyameɛ ne, Ahiya yeɛ né ɔnea so ɔ.

1 Aberɛso Dwirɛ 26:26

Nana Dawide ne mbanyi bɔ bɛlela mmusua mmusua nemɔ noa, koɛhonɛfoɛ apee apee so safohene nemɔ, ɛyaa ɛyaa so safohene nemɔ, yeɛ safohene ngaa nemɔ, bɛ nningyein bɔ batu basie berɛ bama AWURADE ne nekaa bɔ besie sɔ nningyein nemɔ ne, sɔ Selomite ye, ɔne oliɛma mmienzua mɔ yeɛ né bɛnea so ɔ.

1 Aberɛso Dwirɛ 26:27

Koɛ nu nzesadeɛ bɔ benyane ne, betuli nu bie besiele berɛ kyɛ bɛfa besiesie AWURADE awuro ne.

1 Aberɛso Dwirɛ 26:28

Afei, nningyein amukoraa bɔ Samuel bɔ ɔse ase ne, Kise awa Sɔɔlo, Nɛɛ awa Abenɛ, Seruya awa Yoabo, batu basie berɛ bama AWURADE ne, bɛfale sɔ nningyein ne amukoraa bewurale Selomite ne oliɛma mmienzua mɔ sa.

1 Aberɛso Dwirɛ 28:12

Kyɛbɔ odi kyɛ besi ɛhemɔ amukoraa ne, Dawide fale ye nwo ngrataa mane Solomon: AWURADE awuro aluo berɛ, pumbu amukoraa bɔ bapɛ aluo berɛ nwo bayia ne, nekaa bɔ bɛfa Nyameɛ awuro nningyein besie ne, ɔne nekaa bɔ bɛfa nningyein bɔ batu basie berɛ bama Nyameɛ besie ne.

2 Aberɛso Dwirɛ 15:18

Ye baba aboadeɛ afɔleɛ ne ye bɔbɔ ye aboadeɛ afɔleɛ nemɔ, ɔfa wale Nyameɛ awuro. Afɔleɛ nemɔ te ɛdwetɛ, esikaa kɔkorɛ ne nningyein ahoroɔ.

2 Aberɛso Dwirɛ 31:12

Buru nu ngyɛmuɛ ko ne, ɔne nningyein bɔ batu basie berɛ bama AWURADE bɔ odi kyɛ ebiala fa ba ne, belili nahorɛ bɛfa bɛwale. Panyi bɔ né ɔnea so ole Lewiniɛ Konania. Sɛ ɔnne berɛ a, oliɛma Simei yeɛ ɔwɔ berɛ ɔ.

Nehemia 10:38

Na ɔsɔfo ne, bɔ ɔte Aarɔn bosoniɛ ne, sɛ Lewifoɛ nemɔ bede buru nu ngyɛmuɛ ko ne a, odi kyɛ ɔboka bɛ so. Na buru nu ngyɛmuɛ ko ne, odi kyɛ Lewifoɛ nemɔ bɛfa nu buru nu ngyɛmuɛ ko bɛba yɛ Nyameɛ awuro berɛ pumbu mɔ bɔ bɛfa nningyein besie nu nemɔ anu.

Yeremia 38:11

Yiti Ebede Meleke fale mmenia ne bokale ye nwo so, na ɔhɔle ahemvie berɛ nekaa bɔ bɛfa nningyein besie ne. Ɔɔfale ndangurɛ ne ndaadeɛ teterewaa, na ɔfale nyamaa dwurale sɔ nningyein ne ase mane Yeremia wɔ abura ne anu.

Lewitikɔso 19:24

Ye afoɛ bɔ ɔtɔ so nna ne aso, mmaa bɔ bekosu ne amukoraati kɔyɛ krongron, bɔ ɔte ayɛyelɛ afɔleɛ ma AWURADE ɔ.

Mika 4:13

Ao Sion awa brasua, dwɔso ná boro, ofikyɛ wɔ mmɛen ne, ngɔyɛ ye buralɛ, yeɛ ngɔyɛ wɔ gya mmaboa ne koso kɔɔbere, na ɛkɔfa kɔsɛkye maen pee pasapasa. Ngotu b’anwonyadeɛ ngosie berɛ ngɔma AWURADE, yeɛ ngotu b’agyapadeɛ ngosie berɛ ngɔma aseɛ amukoraa Mene ne.

Numeri 31:11

Nakoso koɛ nu nningyein amukoraa ɔne koɛ nu nzesadeɛ amukoraa de, kyɛ mmenia oo, kyɛ ngaka oo, bɛfa bɛhɔle.

Numeri 31:12

Afei mmenia bɔ bahye bɛ nnure ne, koɛ nu nzesadeɛ ne, ɔne koɛ nu nningyein ne, bɛfa bɛbrɛle Mose, ɔne ɔsɔfo Eleasa, ɔne Yisrael maen ne, wɔ asikyeleɛ bɔ ɔwɔ Moabo aseɛ frɛtɛɛ ne aso ne, wɔ asue Yɔɔdan bue nu dɔ bɔ opingye Yeriko ne.

Numeri 31:22

sikaa kɔkorɛ, ɛdwetɛ, kɔɔbere, buralɛ, kyɛnzee, sum,

Mateo 27:6

Yeɛ asɔfo mbanyi nemɔ sesale ɛdwetɛ ne, na bɛhane kyɛ, “Mmeraa mma ate kyɛ yɛkɔfa yɛkogua fotoɛ alaka ne anu ɔ, ofikyɛ ɔte mogya sikaa.”

Marko 12:41

Na Yesu ɔɔtenane fotoɛ alaka ne anyunu berɛ, bɔ né ɔnea kyɛbɔ mmenia wora ne bɛfa sikaa begua fotoɛ alaka ne anu ɔ. Na esikafoɛ pee bɛfale sikaa somaa beeguale nu.

Yosua 7:11

Yisrael ayɔ bɔne. M’apam bɔ nhyɛle bɛ kyɛ beli so ne, babu so. Basesa nningyein bɔ matu masie berɛ kyɛ bɛsɛkye ye ne bie; bawua, bapɛ ngondombo, na bafa baafea bɛ bɔbɔ bɛ nningyein nu.