Yosua 6:18 - AHYERƐLƐ KRONGRON

¹⁸ Nakoso ɛ́mɔnea ɛmɔ nwo yé wɔ nningyein bɔ AWURADE atu asie berɛ kyɛ ɛ́mɔsɛkye ye ne anwo, ná wamma ye kyɛ ɛmɔkɔfa sɔ nningyein bɔ odi kyɛ ɛmɔsɛkye ye ne bie, bɔ ɔkɔmaa Yisrael asikyeleɛ ne kɔyɛ nikyee bɔ odi kyɛ bɛsɛkye ye ɔ, bɔ ɔkɔfa amaneɛ kɔbrɛ ye ɔ.

Yosua 6:18 Iomraidhean Croise

2 Samuel 21:1

Mmerɛ bie, ɛhɔen piri bie wale toonn afoɛ nza wɔ Dawide aberɛ so. Dawide fa tole AWURADE nyunu, na AWURADE buale ye kyɛ, “Mogya nwo foɛlilɛ la Sɔɔlo ne ye awuro ama so, ɔnate kyɛ ohuhuni Gibeonfoɛ.”

Nworɛ Dwirɛhanɛniɛ 9:18

Nworɛ nwo hia tra akodeɛ, nakoso bɔnefoɛ komapɛ sɛkye paa pee.

Yona 1:12

Na obuale bɛ kyɛ, “Ɛ́mɔma me so, ɛ́mɔfindi me bɛto ɛpo ne anu, na ɛpo ne kɔla dinn kɔma ɛmɔ; ofikyɛ mese kyɛ ɔnate me ti yeɛ mvrama piri he otu fa ɛmɔ ti anwo ye.”

Romanfoɛ 12:9

Ɛ́mɔma ɛmɔ ɔdɔ ɔyɛ kaenn; ɛ́mɔhyi bɔne, ná ɛ́mɔtira bɔ ɔte paa ɔ nu serɛserɛ.

2 Korintofoɛ 6:17

Yiti Awurade nwa nyoo: “Ɛ́mɔfi bɛ nu befite, ná ɛmɔhwe ɛmɔ nwo béfi bɛ nwo; nnɛma ɛmɔfa ɛmɔ nwo bɛkã nikyee bɔ ye nwo nde ɔ, na ngole ɛmɔ.

Ɛfesofoɛ 5:11

Nnɛma ɛmɔyɔ awosii nnwumaa bɔ onzu mmaa ne bie, na mmom ɛ́mɔpa bɛ nwo tena!

Deuteronomi 13:17

Sɔ musue nningyein ne, nnɛfa bie sie, na ɔnate so AWURADE kɔye ye yaafɛlɛ piri ne kofi wɔ so. Okonwu wɔ anwumvoin, na ɔkɔlo wɔ maa ɛkɔta pee, kyɛbɔ ɔtale ndaen hyirele wɔ nana mɔ ne.

Deuteronomi 23:10

Sɛ bienzua bie wɔ wɔ nu bɔ ye nwo nde, ɔnate kyɛ ye nwo nzue wale kɔngɔen a, ye de ɔsɛ kyɛ ofite kɔ asikyeleɛ ne asi; nnɛmaa ɔba asikyeleɛ ne anu.

Deuteronomi 7:26

Nnɛfa akyiwadeɛ biala ba w’awuro, ná wɔ koso angakyi akyiwadeɛ kyɛ ye ala. Ɔsɛ kyɛ ɛmaa ɔyɛ wɔ tɛ ná ekyi ye bɔkɔɔ, ofikyɛ ɔte akyiwadeɛ.

Yakobo 1:27

Nyameɛsom bɔ ye nwo te bɔ efiɛ nne ye nwo wɔ Baba Nyameɛ nyunu ɛhe: kyɛ ɛkɔɔnea nyisiaa ne akunafoɛ wɔ b’amaneɛnwunɛ nu, ɔne kyɛ ɛkɔhwe wɔ nwo kofi wiase bra basabasa nu ɔ.

Yosua 7:1

Nakoso AWURADE mmeraa bɔ ɔfa nningyein bɔ watu wasie berɛ kyɛ bɛsɛkye ye ne anwo ne, Yisraelfoɛ buli so. Akan bɔ ɔse ole Karemi, bɔ ɔse ole Sabidi, bɔ ye koso ɔse ole Sera bɔ ofi Yuda abusua kure nu ne, ɔfale nningyein bɔ AWURADE atu asie berɛ kyɛ bɛsɛkye ye ne bie, yiti AWURADE fɛle Yisraelfoɛ so yaa piri paa.

Yosua 7:13

Dwɔso! Te mmenia nemɔ nwo, ná ka kyɛ, ‘Ɛ́mɔte ɛmɔ nwo bésie bɛ́fa bɛ́nwondɛ ɛhema, ofikyɛ AWURADE Yisrael Nyameɛ ne nwa: O Yisrael, nningyein bɔ matu masie berɛ kyɛ bɛsɛkye ye ne, ebie wɔ wɔ berɛ. Na ɛngɔhora wɔ pɔfoɛ mɔ nyunu gyina, sana ɛmɔye nningyein bɔ matu masie berɛ kyɛ bɛsɛkye ye ne befi ɛmɔ nu.’

Yosua 7:15

Na sona bɔ ngɔye ye kyɛ nningyein bɔ matu masie berɛ kyɛ bɛsɛkye ye ne bie wɔ ye berɛ nen, ɛ́mɔfa see bɛ́yera ye, ɔne ye nwo ama ne ye nikyee biala, ofikyɛ wabu AWURADE apam ne aso, na wabɔ nyanzoen bra wɔ Yisrael.”

Yosua 7:25

Na Yosua sele kyɛ, “Nzikyɛ amaneɛ yeɛ aahwe abrɛ yɛ ye? AWURADE kɔma amaneɛ kɔto wɔ ɛnɛ kyẽa ye.” Na Yisraelfoɛ amukoraati bɛborole ye nyɔboɛ behuni ye. Bɛfale see bɛyerale bɛ, na bɛsesale nyɔboɛ beguale bɛ so.

1 Yohane 5:21

Me ngwadaa mɔ, ɛmɔhwe ɛmɔ nwo béfi mmosoen nwo.

1 Samuel 15:9

Sɔɔlo ne koɛhonɛfoɛ nemɔ bangu Agage, mmoaen ne nandwie paa nemɔ, nandwie sayɛɛ nemɔ, ɔne mmoaen mmaa nemɔ, yeɛ banzɛkye nikyee biala bɔ ɔte paa ɔ. Banguro kyɛ bekohu bɛ ɔ. Nakoso nikyee biala bɔ bebuli ye kyɛ ɔtte mayee ná ye nwo olle mvasoɛ ne de, bɛsɛkyele ye bɔkɔɔ.