Yosua 6:15 - AHYERƐLƐ KRONGRON

¹⁵ Kyẽa bɔ ɔtɔ so nzoo ne, bɛpɛle aleɛ bedwɔsole, na bɛbɔle kuro ne anwo nzra bɛbra beyiale, kyɛbɔ bɛyɔle ye daa ne ala, sɔ alaa pɛen nzoo. Sɔ kyẽa ne angome de, bɛbɔle kuro ne anwo nzra bɛbra beyiale pɛen nzoo.

Yosua 6:15 Iomraidhean Croise

Edwein 119:147

Mepɛ aleɛ medwɔso mesu mepena mmokalɛ; mefa me wora mewura wɔ dwirɛ ne anu.

Mateo 28:1

Afofikyẽa ne pɛle nu, na dapɛn ne anu kyẽa bɔ oli moa ne, ye alebahyene, Maria Magdalene ne Maria ko ne bɛhɔle kyɛ bɛkwaanea asieleɛ ne.

Hebrifoɛ 11:30

Ɔnate gyidie so yeɛ Yeriko fasue ne, bɛpɛle ye nwo bɛbra beyiale ɛlɛsoo ne, odwiri guale ɔ.

Yosua 3:1

Yosua ne Yisraelfoɛ amukoraati bedwɔsole ngyerɛmɔ tutututu, betuli bɛ bo befili Sitim, na beedwuli asue Yɔɔdan noa. Bɛkyekyele asikyeleɛ wɔ berɛ koraka yeɛ bɛpɛ asue ne ɔ.

Yosua 6:14

Kyẽa bɔ ɔtɔ so nyɔ ne, bɛbɔle kuro ne anwo nzra bɛbra beyiale komapɛ, na besa bɛwale asikyeleɛ ne anu. Bɛyɔle sɔ alaa elesia.

Yosua 6:16

Ye pɛen nzoo ne aso, bɔ asɔfo nemɔ huli totorobɛndo nemɔ nen, Yosua sele mmenia ne kyɛ, “Ɛ́mɔbɔ ese, ofikyɛ AWURADE afa kuro ne wawura ɛmɔ sa.

2 Petro 1:19

Na yɛsa yɛle ngɔmhyɛlɛ dwirɛ bɔ ɔma y’adwene si pi paa tra sɔ ɔ. Na ɛhe yeɛ ohia paa kyɛ ɛmɔnea ye yé, kyɛ kanea bɔ ɔta awosii nu maa okoodwu kyɛ aleɛ kɔhye, ná ngyerɛmɔ nzramaa kɔta ɛmɔ ahone nu ɔ.