Yosua 6:13 - AHYERƐLƐ KRONGRON

¹³ Asɔfo nzoo bɔ betiratira boaen mmɛen totorobɛndo nzoo, bɔ né beli AWURADE alaka ne nyunu moa ne, bɛtoale so bɛhɔle, na bɛhɔle so behuli totorobɛndo ne. Koɛhonɛfoɛ nemɔ lili bɛ nyunu moa, na koɛhonɛfoɛ bɔ beli nziɛ bɛbɔ bɛ nwo waen ne lili AWURADE alaka ne asi. Sɔ mmerɛ ne amukoraa, né totorobɛndohulɛ ne la so.

Yosua 6:13 Iomraidhean Croise

1 Aberɛso Dwirɛ 15:26

Na ɔnate kyɛ Nyameɛ bokale Lewifoɛ bɔ né bɛso AWURADE apam alaka ne ati, bɛfale nandwie nyii nzoo ne mmoaen nyii nzoo bɛbɔle afɔleɛ.

Numeri 10:25

Afei Dan asikyeleɛ ne anu ama, bɔ bɛ yeɛ bɛte koɛhonɛfoɛ bɔ beli nziɛ bɛbɔ ɛlɔen ne amukoraati bɛ nwo waen ne, bɛfale bɛ frangaa betuli bɛ bo kure kure. Né Amisadae awa Ahiesa yeɛ otua Dan ɛlɔen ne amukoraa bɛ noa ɔ.

Mateo 24:13

Nakoso bɔ okotindim koodwu ayieleɛ nen, ye yeɛ bekole ye ngoa ɔ.

Galatiafoɛ 6:9

Yiti nnɛmɔma yɛfɛ paayɛlɛ nwo; ofikyɛ sɛ yamba aba a, yɛkonya ye nwo saleɛ wɔ mmerɛ bɔ ɔsɛ ɔ nu.

Yosua 6:12

Ye alehyeleɛ nu ne, Yosua dwɔsole ngyerɛmɔ tutututu, na asɔfo nemɔ soale AWURADE alaka ne.

Yosua 6:14

Kyẽa bɔ ɔtɔ so nyɔ ne, bɛbɔle kuro ne anwo nzra bɛbra beyiale komapɛ, na besa bɛwale asikyeleɛ ne anu. Bɛyɔle sɔ alaa elesia.

Yosua 6:4

Ma asɔfo nzoo bɛfa boaen mmɛen totorobɛndo nzoo beli alaka ne nyunu moa. Na kyẽa bɔ ɔtɔ so nzoo nen, ɔsɛ kyɛ ɛmɔbɔ kuro ne anwo nzra bɛbra beyia pɛen nzoo, wɔ mmerɛ bɔ asɔfo nemɔ koso béhu totorobɛndo nemɔ ɔ.

Yosua 6:9

Koɛhonɛfoɛ nemɔ lili asɔfo mɔ bɔ né béhu totorobɛndo ne nyunu moa; na koɛhonɛfoɛ ne biemɔ lili alaka ne si, wɔ mmerɛ bɔ né totorobɛndohulɛ ne la so ɔ.