Yosua 6:1 - AHYERƐLƐ KRONGRON

¹ Ɔnate Yisraelfoɛ ti, né Yerikofoɛ bafa nikyee babrambram kuro berɛ pambim nemɔ asi batoto nu, bɔ ebiala ngora mvi nu mvite anaakyɛ onwura nu ɔ.

Yosua 6:1 Iomraidhean Croise

2 Samuel 10:5

Na Nana Dawide tele edwirɛ bɔ wasi nen, ɔsomane mmenia maa beeyiale bɛ bɛha behyirele bɛ kyɛ, “Ɛ́mɔtena Yeriko ma ɛmɔ kanza ne ofu koraka né ɛmɔasa bawa.” Ofikyɛ né Hanun agua bɛ nyunu ase paa.

2 Ahemvo 17:4

Nakoso Asiria hene nwuni kyɛ Hosea ɔpena yɛ lɔen, ofikyɛ né Hosea watu ɛbɔfoɛ mɔ maa bahɔ Misraim hene bɔ bafrɛ ye Soo berɛ, yeɛ afei afoɛnoa afoɛnoa toɔ bɔ otua ma Asiria hene ne koso, wamva wangɔ. Yiti Asiria hene hyele Hosea tole kuku nu.

2 Ahemvo 2:4

Elia sele Elisa kyɛ, “Elisa, mesrɛ wɔ tena wa ofikyɛ AWURADE asoma me Yeriko.” Nakoso Elisa buale kyɛ, “Kyɛ AWURADE te ase ye, ɔne kyɛ wɔ koso ɛte ase ye, mengɔte me nwo mengofi wɔ nwo.” Yiti besili nu bɛhɔle Yeriko.

Edwein 127:1

Sɛ AWURADE anzi sua ne a, suasilɛfoɛ nemɔ bɛfɛ ye nwo mbaen. Sɛ AWURADE wanwɛne kuro ne a, wɛmvoɛ ne osiri ye nwo pɛ mbaen.

Yosua 16:7

Afei ɛwɛen ne fi Yanoa torotoro kɔ Atarote ne Naara, odwu Yeriko, na ɔkɔpem Yɔɔdan noa.

Yosua 18:21

Benyamin abusua kure ne, ye mmusua mmusua ne, bɛ nguro nemɔ ɛhe: Yeriko, Bete Hogela, Emeke Kesise,

Yosua 2:1

Afei Nun awa Yosua somane maentetɛlɛfoɛ nyɔ kudɛɛ fili Sitim, na osele bɛ kyɛ, “Ɛmɔhɔ bɛɛsra aseɛ ne besie, nganga Yeriko.” Yiti besili nu bɛhɔle, na bɛɛlale braa gyanderaniɛ bie bɔ oli Rahabo awuro.

Yosua 2:24

Na besele Yosua kyɛ, “Amba, AWURADE afa aseɛ ne amukoraa wawura yɛ sa. Ɔnate yɛ ti ahunundetelɛ atɔ aseɛ ne aso ama mukoraati so dada.”

Yosua 2:7

Yiti Yeriko hene bɔfoɛ nemɔ pole bɛ so wɔ asue Yɔɔdan atee ne aso alaa beedwuli apɛleɛ nemɔ. Na Yeriko hene bɔfoɛ nemɔ hɔle pɛ, yeɛ kuro berɛ ama tole pambim ne anu ɔ.

Yosua 5:15

Na AWURADE lɔen so safohene ne buale Yosua kyɛ, “Puropuro wɔ gya nu mbaboa ne, ofikyɛ nekaa bɔ egyi ne te krongron.” Na Yosua yɔle sɔ.

Yosua 6:2

Na AWURADE sele Yosua kyɛ, “Tie, mafa Yeriko ne ye hene ne ye koɛhonɛfoɛ mɔ mawura wɔ sa.