Yosua 5:6 - AHYERƐLƐ KRONGRON

⁶ Afoɛ aburanna yeɛ Yisraelfoɛ tuli atee fale ɛserɛ ne aso ɔ, kɔpem kyɛ maen ne amukoraa ne bɛ koɛhonɛfoɛ amukoraa bɔ befi Misraim bɛwale ne bewuwuli ɔ, ofikyɛ bandie AWURADE dwirɛ. Na AWURADE tale ndaen hyirele bɛ kyɛ, ɔngɔma bengonwu aseɛ bɔ ɔtale ndaen hyirele bɛ nana mɔ kyɛ ɔkɔfa kɔma yɛ ne, aseɛ bɔ nyɔfonesue ne woɛ tengyɛ wɔ so ne.

Yosua 5:6 Iomraidhean Croise

Edwein 107:4

Behyinihyinini aseɛ pralaa so wɔ atee bɔ ebiala mva so ɔ so, bɔ bannwu kuro biala bandena so ɔ.

Ɛksadɔso 3:17

Na mayɛ m’adwene kyɛ ngɔye ɛmɔ ngofi Misraim amaneɛnwunɛ nu, ná mafa ɛmɔ mahɔ Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ aseɛ ne aso, aseɛ bɔ nyɔfonesue ne woɛ tengyɛ wɔ so ne.

Ɛksadɔso 3:8

Na madwu mawa ase kyɛ mebaale bɛ mefi Misraimfoɛ sa nu, ná meye bɛ mefi sɔ aseɛ ne aso mekɔ aseɛ paa bɔ ɔtrɛ ɔ so, aseɛ bɔ nyɔfonesue ne woɛ tengyɛ wɔ so ne: Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ maen ne.

Yeremia 2:2

“Kɔ ná kɔbɔ ye dawure kyire Yerusalem kyɛ, AWURADE nwa nyoo: Mekaye wɔ ndaluwa nu anwofama ne, w’atɔmvorɛ mmerɛ nu ehurolɛ ne, mmerɛ bɔ elili me si wɔ ɛserɛ so, wɔ aseɛ bɔ né belluale so hwee ne aso ne.

Hesekiel 20:15

Nza ndale ndaen ngyirele bɛ wɔ ɛserɛ ne aso, kyɛ mengɔfa bɛ ngɔhɔ aseɛ bɔ mva mane bɛ ne aso, aseɛ bɔ nyɔfonesue ne woɛ tengyɛ wɔ so, aseɛ bɔ ɔyɛ nyemene tra aseɛ biala ne;

Hesekiel 20:6

Na sɔ kyẽa ne, ndale ndaen ngyirele bɛ kyɛ ngɔye bɛ ngofi Misraim aseɛ so ngɔfa bɛ ngɔhɔ aseɛ bɔ mapena mato berɛ mama bɛ ne aso, aseɛ bɔ nyɔfonesue ne woɛ tengyɛ wɔ so, aseɛ bɔ ɔyɛ nyemene tra aseɛ biala ne.

Yoel 3:18

“Na sɔ kyẽa ne, mmokaa nemɔ kɔpepe nzaa monɛ, nyɔfonesue kɔtengyɛ wɔ pambaa nemɔ aso, nzue kɔtengyɛ wɔ Yuda asue amukoraa nu, na asue ti kofite wɔ AWURADE awuro ne anu kɔɔloaloa Sitim bɔnza ne anu.

Numeri 14:23

bɛ nu biala ngonwu aseɛ bɔ ndale ye nwo ndaen kyɛ ngɔfa ngɔma bɛ nana mɔ ne. Bɛ bɔ bebuli me animtia ne, bɛ nu biala ngonwu aseɛ ne.

Numeri 26:63

Mmenia bɔ Mose ne ɔsɔfo Eleasa bɛhale bɛ nemɔ ɛne. Bɛhale Yisraelfoɛ wɔ Moabo aseɛ frɛtɛɛ ne aso, wɔ asue Yɔɔdan bue nu dɔ bɔ opingye Yeriko ne.

Deuteronomi 1:3

Kyẽa bɔ oli moa wɔ bosome buru ne ko ne anu, wɔ afoɛ aburanna ne anu ne, Mose hane edwirɛ amukoraa bɔ AWURADE ahyɛ ye kyɛ ɔha hyire Yisraelfoɛ mɔ ne hyirele bɛ.

Deuteronomi 2:14

Afoɛ aburasa ne mmɔtwɛ mumua yeɛ yɛfa yɛnatele toonn yɛfili Kadese Banea yɛɛpɛle Serede bɔnza ne ɔ; kɔpem kyɛ sɔ koɛhonɛfoɛ aworɛ ndoatoasoɛ ne amukoraati wuwuli fili asikyeleɛ ne anu ɔ, kyɛbɔ AWURADE tale bɛ nwo ndaen hane ne.

Deuteronomi 2:7

Ofikyɛ AWURADE wɔ Nyameɛ ayira wɔ wɔ wɔ sa noa adwuma mukoraati nu, na wanea wɔ so wɔ ɛserɛ piri ye aso natelɛ nu. Afoɛ aburanna ɛhe yeɛ AWURADE wɔ Nyameɛ agyina wɔ si bɔ anhia nikye fee ɔ.’

Deuteronomi 8:4

Afoɛ aburanna ye anu, wɔ tena bɔ ɛhera ɔ wandete, yeɛ wɔ gya bo koso wannwunwu.

Hebrifoɛ 3:11

Yiti nne ɛyaa ndale ndaen kyɛ, ‘Bengowura me nwomelelɛ ne anu bie le!’ ”

Yosua 1:6

Gyina pindinn ná ma w’ahone yɛ se; ofikyɛ aseɛ bɔ ndale ye nwo ndaen ngyirele mmenia hemɔ bɛ nana mɔ kyɛ ngɔfa ngɔma bɛ nen, wɔ yeɛ ekoli mmenia ne nyunu maa bɛkɔɔfa bɛkɔyɛ bɛ deɛ ɔ.

Yosua 24:7

Yisraelfoɛ sũ frɛle AWURADE, na ɔfale awosii kabii tole ɛmɔ ne Misraimfoɛ b’afia. Ɔmane ɛpo oobu fale bɛ so katale bɛ so; na ɛmɔ nye nwuni nikyee bɔ mva nyɔle Misraim ɔ. Na ɛhe asi ne, ɛmɔtenane ɛserɛ so bɛhyɛle.

Yosua 5:5

Bɛ bɔ befili Misraim bɛwale ne, né bapɛ bɛ mukoraa bɛ bienzua; nakoso ye si ye bɔ befili Misraim bɛwale ne, bɛ bɔ bɛwole bɛ atunu amukoraa wɔ ɛserɛ ne aso de, né bennya bɛppɛle bɛ bienzua.

Yosua 5:7

Yiti bɛ mma bɔ Nyameɛ maa beesili bɛ gya nu ne yeɛ Yosua pɛle bɛ bienzua ɔ. Né bennya bɛppɛle bɛ bienzua, ofikyɛ bambɛ bɛ bienzua wɔ atunu.