Yosua 5:5 - AHYERƐLƐ KRONGRON

⁵ Bɛ bɔ befili Misraim bɛwale ne, né bapɛ bɛ mukoraa bɛ bienzua; nakoso ye si ye bɔ befili Misraim bɛwale ne, bɛ bɔ bɛwole bɛ atunu amukoraa wɔ ɛserɛ ne aso de, né bennya bɛppɛle bɛ bienzua.

Yosua 5:5 Iomraidhean Croise

Mateo 12:7

Na sɛ ɛmɔte edwirɛ he abo, kyɛ, ‘Anwumvoinnwunɛ yeɛ mekuro ɔ, na nna afɔleɛbɔlɛ ɔ’ a, ahaa ɛmɔammua bɛ bɔ benni fɔ ne fɔ.

Romanfoɛ 2:26

Sɛ Amaenmaensoniɛ bɔ bɛppɛle ye bienzua ɔ odi mmeraa ne anu dwirɛ so a, aso bengobu ye kyɛ bapɛ ye bienzua anaa?

1 Korintofoɛ 7:19

Ofikyɛ bapɛ wɔ bienzua oo, bɛppɛle wɔ bienzua oo, onhia; na mmom Nyameɛ mmeraa ne aso lilɛ yeɛ ohia ɔ.

Galatiafoɛ 5:6

Ofikyɛ sɛ yɛne Kristo Yesu yɛ ko de a, bienzuapɛlɛ oo, nna bienzuapɛlɛ oo, ye nwo nhia, na mmom gyidie bɔ ɔnate ɔdɔ so yɔ adwuma yeɛ ohia ɔ.

Galatiafoɛ 6:15

Sɛ ebie pɛ ye bienzua oo, wambɛ ye bienzua oo, nu biala nwo nhia; kyɛ bɛkɔwo wɔ foforɛ yeɛ ohia ɔ.

Yosua 5:4

Nikyee ti bɔ ɔmaa Yosua pepɛle bɛ bienzua ɛhe: Mmienzua mukoraati bɔ befili Misraim bɛwale ne, bɔ né baso kyɛ bɛkɔ koɛ ne, bewuwuli atunu wɔ ɛserɛ ne aso, mmerɛ bɔ befili Misraim bɛwale ne asi ne.

Yosua 5:6

Afoɛ aburanna yeɛ Yisraelfoɛ tuli atee fale ɛserɛ ne aso ɔ, kɔpem kyɛ maen ne amukoraa ne bɛ koɛhonɛfoɛ amukoraa bɔ befi Misraim bɛwale ne bewuwuli ɔ, ofikyɛ bandie AWURADE dwirɛ. Na AWURADE tale ndaen hyirele bɛ kyɛ, ɔngɔma bengonwu aseɛ bɔ ɔtale ndaen hyirele bɛ nana mɔ kyɛ ɔkɔfa kɔma yɛ ne, aseɛ bɔ nyɔfonesue ne woɛ tengyɛ wɔ so ne.