Yosua 5:14 - AHYERƐLƐ KRONGRON

¹⁴ Na obuale kyɛ, “Nna nu biala ɔ, na mmom nde AWURADE lɔen so safohene bɔ afei mawa ɔ.” Yosua fale ye nyunu butuli berɛ sɔnene ye, na obisale ye kyɛ, “Me mene, nzikyɛ dwirɛ yeɛ ele ye ma w’akoaa ɔ?”

Yosua 5:14 Iomraidhean Croise

Gyenesise 17:17

Afei Abraham fale ye nyunu butuli berɛ, na ɔserele, na ɔhane ye ye ti anu kyɛ, “Aso bienzua bɔ wali afoɛ ɛyaa kɔhora kɔwo baa? Sara bɔ wali afoɛ aburahona ye, aso ɔkɔhora kɔwo?”

Gyenesise 17:3

Afei Abram fale ye nyunu butuli berɛ, na Nyameɛ sele ye kyɛ,

2 Samuel 7:19

Nakoso AWURADE Nyameɛ, bɔ ayɔ ne po, ɔte wɔ nye so nikyee kaaba bie, ofikyɛ asa aha kyɛ ɛkɔma wɔ somvoɛ ne ye boso ama yɛkoli hene mmerɛ tendetende. Ao, AWURADE Nyameɛ, sɔ yeɛ ahyehyɛ ato berɛ ama adasa anaa?

2 Samuel 7:20

Nzikyɛ dwirɛ bieku koraa yeɛ nga ngyire wɔ ɔ? Ofikyɛ, AWURADE Nyameɛ, wɔ yeɛ ɛse wɔ somvoɛ ɔ.

Edwein 110:1

AWURADE sele me mene kyɛ, “Tena me sa famaa so kɔpem kyɛ ngɔfa wɔ pɔfoɛ mɔ ngɔyɛ wɔ gya bo ndiasoɛ ɔ.”

Edwein 24:10

Nwa yeɛ ɔte sɔ animnyam Hene ne ɔ? Asafo AWURADE ɔ, ye yeɛ ɔte animnyam Hene ne ɔ. Sela

Ɛksadɔso 4:10

Na Mose sele AWURADE kyɛ, “Mesrɛ wɔ, AWURADE. Ofi me tetetete bɔ ɔbaadwu ɛnɛ bɔ ɛne w’akoaa bedwudwo ye, nnde sona bɔ ye noa ate ɔ; me dwudwolɛ te nyaanyaa, na me temverema abutu.”

Ɛksadɔso 4:13

Nakoso Mose sele kyɛ, “Yieee! AWURADE, mesrɛ wɔ ala, soma sona foforɛ.”

Yesaya 55:4

Tie, mafa ye mayɛ adanzeɛ mama maen maen mɔ, ɔte maen maen mɔ bɛ safohene, ɔne bɔ ɔla bɛ noa ɔ.

Yesaya 6:8

Na ndele AWURADE komvi kyɛ obisa kyɛ, “Nwa yeɛ nzoma yeɛ ɔ, nwa yeɛ ɔkɔhɔ kɔma yɛ ɔ?” Na nzele kyɛ, “Me ɛhe, soma me.”

Hesekiel 3:23

Yiti ndwɔsole nzili nu ngɔle bɔnza ne anu, na yieee, né AWURADE animnyam ne gyi berɛ, bɔ ɔte kyɛ animnyam bɔ nwuni ye wɔ asue Kebare noa ne ala ɔ; na mvale me nyunu mmutuli ase.

Daniel 10:13

Nakoso Pɛsia ahennie nu katakyie ne, osili me ate eleburanyɔ ɛlɛho; yeɛ Mikayɛl bɔ ɔte abɔfo titire nemɔ anu ko ne, ɔɔbokale me, na nyakyili ye wɔ Pɛsia ahennie nu katakyie ne nwo berɛ.

Daniel 10:21

Nakoso ngɔla bɔ bahyerɛ ye wɔ nahorɛ nwomaa ne anu ali ngohyire wɔ: ebiala ngo bie mmoka me so ndia ɛhemɔ, sana Mikayɛl, ɛmɔ katakyie ne ngome.

Daniel 12:1

“Sɔ mmerɛ ne, Mikayɛl, bɔ ɔte abɔfo safohene bɔ ogyi wɔ maen mmaa nemɔ asi ne, okodwɔso. Amaneɛnwunɛ mmerɛ kɔwa, bɔ ofi mmerɛ bɔ maen wale bɔ ɔbaadwu sɔ mmerɛ ne ɔ, ebie ɔwwale le ɔ. Nakoso sɔ mmerɛ ne, bɛkɔpepɛ bekole wɔ maen ne, ebiala bɔ bekonwu kyɛ bahyerɛ ye dumaa wɔ nwomaa ne anu ɔ.

Daniel 8:11

Ɔmomane ye nwo so dwɔso tiale safohene bɔ ɔla ɛlɔen ne noa ne; ɔberale ye daa biala naen yeralɛ afɔleɛ bɔ bɛbɔ bɛma ye ne, na ofindini ye nekaa krongron ne guale ase.

Lewitikɔso 9:24

See fili AWURADE berɛ ɔɔyerale naen yeralɛ afɔleɛ ne, ɔne ɛloe bɔ ɔwɔ afɔleɛ bokyea ne aso ne. Mmerɛ bɔ mmenia ne amu benwuni ye ne, bɛteateane nu, na bɛfale bɛ nyunu bebutubutuli ase.

Numeri 16:22

Na Mose ne Aarɔn fale bɛ nyunu bebutubutuli ase, na besele kyɛ, “O Nyameɛ, anwoɔnaen amukoraa bɛ sunzum Nyameɛ, aso sona ko yɔ bɔne maa ɔnate so ɛfɛ maen ne amukoraa so yaa anaa?”

Numeri 16:45

“Ɛmɔhwe ɛmɔ nwo befi sɔ lɔen he anwo maa nua bɛ boso kekesaala ye.” Na Mose ne Aarɔn fale bɛ nyunu bebutubutuli ase.

Numeri 22:31

Yeɛ AWURADE bukyele Balaam nye, na onwuni kyɛ AWURADE abɔfo ne gyi atee ne anu, bɔ wahwe ye ngrandɛ ɔ. Balaam bɔle ye nu ase fale ye nyunu butuli ase.

Mateo 22:44

‘Awurade sele me Mene kyɛ: Tena me sa famaa so, kodwu kyɛ ngɔfa wɔ pɔfoɛ mɔ ngɔyɛ wɔ gya bo ndiasoɛ ɔ.’?

Mateo 8:2

Na yieee, kwataniɛ bie wale ooguale ndwerɛ wɔ ye nyunu berɛ, na osele kyɛ, “Awurade, sɛ ekuro a, ɛkɔhora kɔma me nwo kofi.”

Luka 1:43

Yieee, ɔwale ye sɛ bɔ m’Awurade ani ɔba bapasa me nwo ɔ?

Luka 20:42

Ɔnate kyɛ Dawide bɔbɔ kã ye wɔ Edwein Nwomaa ne anu kyɛ, ‘Awurade sele me Mene kyɛ, Tena me sa famaa so,

Luka 5:12

Na ɔwale kyɛ, né Yesu wɔ nguro nemɔ ko aso, na biaa bie bɔ kwata ayɛ ye nwo amukoraa ɔ ɔwale berɛ. Onwuni Yesu nen, ɔfale ye nyunu butuli aseɛnwo berɛ srɛle ye kyɛ, “Awurade, sɛ ekuro a, ɛkɔhora kɔma me nwo kofi.”

Yohane 20:28

Na Tɔmase buale ye kyɛ, “M’Awurade ne me Nyameɛ!”

Asomafoɛ 9:6

nakoso dwɔso ná kɔ kuro ne anu dɔ, na bɛkɔhã bɔ ɔsɛ kyɛ ɛyɔ ɔ bekohyire wɔ.”

Filipifoɛ 3:8

Amba, ɔnate m’Awurade Kristo Yesu nwo nimdeɛ mmorosoɛ ne ati, mebu nningyein amukoraa kyɛ bafi me sa. Ɔnate ye ti nningyein amukoraa afi me sa, nakoso mebu bɛ kyɛ fofoɛ so wura mbaen, amaa ɔnate so manya Kristo;

Hebrifoɛ 2:10

Ofikyɛ ye bɔ ɔbɔle nningyein mukoraa na nningyein mukoraa te ye deɛ ne, bɔ ɔnate Yesu so fa ye mma kɔ animnyam nu ne, né ɔfata kyɛ ɔma bɛ ngoalelɛ safohene Yesu ɔfa amaneɛnwunɛ nu odi mu.

Yosua 20:1

Afei AWURADE sele Yosua kyɛ,

Nyekyire 12:7

Na afei koɛ sili nyameɛso. Mikayɛl ne ye abɔfo mɔ bɛfale koɛ bɛtetale sasrabɔnzam ne; na sasrabɔnzam ne ne ye abɔfo mɔ bɛhone;