Yosua 5:1 - AHYERƐLƐ KRONGRON

¹ Amorifoɛ ahemvo amukoraati bɔ bɛwɔ asue Yɔɔdan si eyia atɔleɛ bue nu dɔ ne, bɛ ne Kanaanfoɛ ahemvo amukoraa bɔ bɛwɔ mboanoa ne, mmerɛ bɔ bɛtele kyɛ AWURADE ama Yɔɔdan nu nzue wawewe wama Yisraelfoɛ, kɔpem kyɛ bɛpɛle ye nen, ahunundetelɛ tɔle bɛ so, na ɔnate Yisraelfoɛ ti bɛ nwo ngaka nwatili.

Yosua 5:1 Iomraidhean Croise

Gyenesise 12:6

Abram pɛle nu wɔ aseɛ ne aso, na oodwuli More eluii bakaa bɔ ɔwɔ Sɛkem ne anwo. Sɔ mmerɛ ne, né Kanaanfoɛ wɔ aseɛ ne aso.

Gyenesise 48:22

Afei koso, aseɛ ko bɔ ɔla bokaa Sɛkem ndoroleɛ nu, bɔ mvale me ngrandɛ ne me agyaen ngo nnele mvili Amorifoɛ sa nu ne, mafa mama wɔ; mamva mamma eliɛma nemɔ.”

2 Samuel 21:2

Ye sɔ ne ati, Nana Dawide tole ye sa frɛle Gibeonfoɛ ɔne bɛ dwudwole. (Gibeonfoɛ de, né bɛtte Yisraelfoɛ ne bie, na mmom bɛte Amorifoɛ bɛ bosofoɛ. Ɔwɔ nu kyɛ Yisraelfoɛ tale ndaen kyɛ bengohu bɛ, nakoso Sɔɔlo bɔle mmɔden kyɛ okohu bɛ kɔmaa bɛ boso konua, ofikyɛ né Sɔɔlo ɔko ma Yisrael ne Yuda.)

1 Ahemvo 10:5

ye poen so aleɛ, kyɛbɔ ye mbanyi nemɔ besi bɛtenatena bɛpɛ ye nwo beyia, kyɛbɔ ye somvoɛ nemɔ besi bɛso ye, bɛ ndaadeɛ, ye nzaasulɛfoɛ, ye naen yeralɛ afɔleɛ bɔ ɔbɔle ye wɔ AWURADE awuro ne anu ne, ye nwo dwirili ye.

Ɛsra 9:1

Yɛyɔle ɛhemɔ amukoraa yɛyiele nen, Yisrael mbanyi wale me berɛ beesele kyɛ, “Yisraelfoɛ, bɔ asɔfo ne Lewifoɛ mɔ boka so ɔ, bande bɛ nwo bamvi mmenia bɔ bɛwɔ aseɛ nemɔ aso bɔ bɛ yɔleɛ te akyiwadeɛ ne anwo. Sɔ mmenia nemɔ ole: Kanaanfoɛ, Hitifoɛ, Perisifoɛ, Yebusifoɛ, Amonfoɛ, Moabofoɛ, Misraimfoɛ ne Amorifoɛ.

Edwein 135:11

Amorifoɛ hene Sihon, ne Basan hene Ogo, ne Kanaan ahennie amukoraa,

Ɛksadɔso 23:28

Ngɔsoma kotokuradu mɔ maa bekoli wɔ nyunu, na bɛkɔfoa Hiwifoɛ, Kanaanfoɛ ne Hitifoɛ bekofi wɔ nyunu.

Yesaya 41:5

Supɔ mɔ banwu bɔ mayɔ ɔ, na besuro, aseɛ noa dɔ paa nwo wosowoso ye, bapingye wa, bawa.

Hesekiel 16:3

ná kã kyɛ: Edwirɛ bɔ AWURADE Nyameɛ ɔkã kyire Yerusalem hɔ ɛhe: Wɔ si fi Kanaan aseɛ so, na berɛ koso yeɛ bɛwole wɔ ɔ. Né wɔ baba te Amoriniɛ, yeɛ wɔ maame te Hitiniɛ.

Hesekiel 21:7

Na sɛ bebisa wɔ kyɛ, ‘Nzu ati yeɛ egua anwongokoɔ e?’ a, bua kyɛ, ‘Edwirɛ bɔ ɔ́ba ne ati ɔ. Ɔba a, ahunundetelɛ kɔtɔ ebiala so, ebiala abasa nu kodwo, ebiala nwo ngaka kotu komini, na ebiala nangoroma nu kɔyɛ mmerɛ kyɛ nzue. Ɛ́mɔnea, ɔ́ba, na ɔkɔwa nu koso amba,’ ” AWURADE Nyameɛ noa dwirɛ ɛne.

Daniel 5:6

Yeɛ ɛhene ne nyunu tole, ye nwo dwirili ye, ye nwo yɛle ye hodwoo, na ye nangoroma kekã bɔle nu biribiribiri.

Amose 2:9

Nakoso Amoriniɛ bɔ ye tendenn te kyɛ sida bakaa ne, bɔ ye nwo yɛ se kyɛ eluii ne, nguni ye wɔ bɛ nyunu. Nzɛkyele ye mmakaammaa wɔ anwuro, yeɛ nzɛkyele ye ndii wɔ ye bo.

Numeri 13:29

Amalɛkefoɛ nemɔ bɛte ngwaen dɔ aseɛ ne aso; Hitifoɛ, Yebusifoɛ, ɔne Amorifoɛ nemɔ bɛte mmokaa aseɛ ne aso, yeɛ Kanaanfoɛ te mboanoa ne asue Yɔɔdan noa.”

Yosua 17:12

Nakoso Kanaanfoɛ bɔ bɛtete sɔ nguro nemɔ aso ne, Manasefoɛ bangora bandu bɛ bamvi berɛ, yiti Kanaanfoɛ hɔle so tenane sɔ aseɛ ne aso.

Yosua 17:18

na mmom mmokaa aseɛ ne kɔyɛ wɔ deɛ. Ɔwɔ nu kyɛ ɔte ɛhɔayeɛ de, nakoso kɔso fa, na ofi ye ti bɔ ɔkwaaha ye ti ne kɔyɛ wɔ deɛ. Kanaanfoɛ ne, ɔwɔ nu kyɛ bele buralɛ teaseɛnam, yeɛ afei bɛ nwo yɛ se de, nakoso ɛkɔhora kɔfoa bɛ kofi berɛ.”

Yosua 24:15

Na sɛ ɛmɔ kunu ndwo kyɛ ɛmɔkɔso AWURADE de a, nzaade ɛnɛ kyẽa ye ɛ́mɔhyire bɔ ɛmɔkɔso ye ɔ: sɛ mmosoen bɔ ɛmɔ nana mɔ sole bɛ wɔ asue ne asi dɔ ne ahɔ oo, anaakyɛ Amorifoɛ bɔ ɛmɔte b’aseɛ so ye bɛ mmosoen nemɔ ahɔ oo. Nakoso me ne m’awuro ama de, yɛ de yɛkɔso AWURADE.”

Yosua 3:16

nzue bɔ ɔtengyɛ fi ye sorɔ dɔ ne gyinane. Ye noa boale ko wɔ nziɛ nziɛ, wɔ Adam, kuro bɔ opingye Saretan ne. Na nzue bɔ ɔtengyɛ kogua Araba ɛpo, bɔ bɛfrɛ ye Ngyee Po ne anu ne, ye koso ɔpɛle koraa. Yiti mmenia ne pɛle nu Yeriko ndendeneɛ so.

Yosua 3:17

Mmerɛ bɔ né Yisraelfoɛ amukoraati bɛnate aseɛ wosee so bɛ́pɛ nu bɛ́kɔ nen, né asɔfo mɔ bɔ bɛsõ AWURADE apam alaka ne gyigyi aseɛ wosee so pindinn wɔ asue Yɔɔdan afia, kɔpem kyɛ maen ne amukoraati pɛle asue Yɔɔdan yiele ɔ.

Nyekyire 18:10

Na ye amaneɛnwunɛ ne bɔ besuro ne ati, bekogyinagyina dedeede bɛkɔhã kyɛ, “Yaakɔ oo, yaakɔ oo! Wɔ, kuro piri Babilɔn, kuro bɔ wɔ nwo yɛ se, dɔnhwere komapɛ nu yeɛ wɔ ndɛenbualɛ awa ye!”

Maenbulɛfoɛ 1:1

Yosua wue asi ne, Yisraelfoɛ bisale AWURADE kyɛ, “Yɛ nu abusua kure beni yeɛ oli moa ɔfa koɛ ɔɔteta Kanaanfoɛ ɔma yɛ ɔ?”

Maenbulɛfoɛ 11:23

Na afei, AWURADE Yisrael Nyameɛ ne lele aseɛ ne fili Amorifoɛ sa nu fa mane ye maen Yisrael. Aso ɛpena kyɛ ede aseɛ ne fi Yisraelfoɛ sa nu anaa?

Maenbulɛfoɛ 3:3

Maen nemɔ ole Filistifoɛ ahemvo nnu ne, Kanaanfoɛ amukoraa, Sidonfoɛ, ɔne Hiwifoɛ bɔ bɛte Lebanon bokaa ne aso ne, ofi Baal Hɛmɔn bokaa ne aso bɔ ɔkwaadwu Lebo Hamate ne.

Maenbulɛfoɛ 4:2

Yiti AWURADE fale bɛ wurale Kanaan hene Yabin bɔ né odi hene wɔ Hasɔ ne sa. Ye safohene ole Sisera bɔ né ɔte Harosete Hagoyim ne.

1 Samuel 25:37

Aleɛ hyene bɔ nzaa ne tetele Nabal nye so ne, ɔye hane edwirɛ ne amukoraa hyirele ye, na ye ahone bɔle ye palipali mane ye nwo yɛle ye hodwoo kyɛ wawu ne.