Yosua 4:9 - AHYERƐLƐ KRONGRON

⁹ (Afei Yosua koso fale nyɔboɛ buru ne nyɔ penapenane asue Yɔɔdan afia, nekaa bɔ asɔfo mɔ bɔ bɛsõ alaka ne gyinagyinane ne; na ɔbaadwu ɛnɛ ye, nyɔboɛ nemɔ tɛ wɔ berɛ).

Yosua 4:9 Iomraidhean Croise

Gyenesise 26:33

Na ɔfrɛle ye Hyiba. Yiti kuro ne dumaa li Beɛ Hyeba bapem ɛnɛ.

Gyenesise 28:18

Yiti Yakob dwɔsole ngyerɛmɔ tutututu, na ɔfale nyɔboɛ bɔ ɔfa suane ne, na ɔfa penane berɛ kyɛ ngayeɛ nyɔboɛ, na ohwiele ngoo guale so.

2 Samuel 4:3

(Sɔ mmerɛ ne, né Beerotefoɛ banwati bahɔ Gitaim, na ɔbaadwu ɛnɛ ye, bɛtɛ wɔ berɛ kyɛ ɛwɔfoɛ mɔ.)

1 Ahemvo 18:31

Elia sesale nyɔboɛ buru ne nyɔ, kyɛbɔ Yakob bɔ AWURADE hã hyirele ye kyɛ, ‘Bɛkɔfrɛ wɔ Yisrael’ ne, ye mma mmienzua mɔ mmusua kure ne, bɛ somaa te ɔ.

2 Aberɛso Dwirɛ 5:9

Ɔnate kyɛ mbuna nemɔ wowale ne ati, né sɛ ebie gyi sua ne akunu dɔ krongron nu krongron ne anyunu a, bɛ ti nemɔ fitefite maa onwu bɛ. Nakoso sɛ ebie gyi aluo de a, onnwu bɛ; na bɛtɛ wɔ berɛ maa waadwu ɛnɛ ye.

Ɛksadɔso 24:12

Na AWURADE sele Mose kyɛ, “Fo bra me nwo faen wɔ bokaa ye aso, ná kɔnwondɛ berɛ. Na ngɔfa nyɔboɛ taataa ne, ɔne mmeraa ne mmeraa dwirɛ bɔ mahyerɛ kyɛ bɛfa behyirehyire bɛ ne ngɔma wɔ.”

Ɛksadɔso 28:21

Ɔsɛ kyɛ nyɔboɛ nemɔ yɛ buru ne nyɔ. Yisrael mma mmienzua nemɔ, ko biala dumaa kogua ko aso. Maa beli adwii bekolikoli ko biala so kyɛbɔ nzɔanoɛ so kolikolilɛ te ɔ. Abusua buru ne nyɔ ne, ko biala dumaa kogua ko aso.

Mateo 27:8

Yiti bɛfrɛ sɔ aseɛ ne Mogya Aseɛ maa waadwu ɛnɛ.

Mateo 28:15

Yiti belele sikaa ne, na bɛyɔle kyɛbɔ bɛhã behyirele bɛ kyɛ bɛyɔ ne ala. Na sɔ dwirɛ ne atrɛ wɔ Yudafoɛ nu maa waadwu ɛnɛ.

Deuteronomi 34:6

Osiele ye wɔ bɔnza nu, wɔ Moabo aseɛ so, wɔ Bete Peɔ ndendeneɛ so; nakoso ɔbaadwu ɛnɛ ye, ebiala nze nekaa bɔ ye asieleɛ wɔ ɔ.

Yosua 24:26

Yosua hyerɛle sɔ dwirɛ ne wɔ Nyameɛ mmeraa nwomaa ne anu. Na ɔfale nyɔboɛ kandinga bie penane eluii bakaa bɔ ogyi AWURADE nekaa krongron berɛ ne abo.

Yosua 4:10

Asɔfo mɔ bɔ né bɛsõ alaka nen, begyinane Yɔɔdan afia toonn, kɔpem kyɛ edwirɛ bɔ AWURADE hyɛle Yosua kyɛ ɔha hyire mmenia nen, mmenia ne yɔle ye mukoraati yiele ɔ, kyɛbɔ Mose hyɛle kyɛ Yosua ɔyɔ ne amukoraa. Na mmenia ne hane bɛ nwo bɛpɛle asue ne.

Maenbulɛfoɛ 1:26

Biaa ne hɔle Hitifoɛ aseɛ so ɔɔkyekyele kuro. Ɔtole kuro ne dumaa Luse, na ɛnɛ ne ɛnɛ ye, sɔ yeɛ bɛfrɛ kuro ne ɔ.

1 Samuel 30:25

Na ofi sɔ kyẽa ne, Dawide fa yɛle ahyɛdeɛ ne nhyehyɛleɛ tole berɛ mane Yisrael, na ɔtɛwɔ berɛ maa waadwu ɛnɛ.

1 Samuel 7:12

Afei Samuel fale nyɔboɛ penane Misepa ne Sɛn b’afia, ɔfrɛle nyɔboɛ ne Ebenesa, na ɔhane kyɛ, “Ɛwa yeɛ AWURADE waboka yɛ waadwu ɔ.”