Yosua 4:7 - AHYERƐLƐ KRONGRON

⁷ ɛmɔhã behyire bɛ kyɛ, Yɔɔdan nu nzue pɛle wɔ AWURADE apam alaka ne nyunu. Mmerɛ bɔ né apam alaka ne ɔ́pɛ asue Yɔɔdan nen, Yɔɔdan nu nzue pɛle. Yiti sɔ nyɔboɛ hemɔ te ngayeɛ afebɔɔ ma Yisraelfoɛ.”

Yosua 4:7 Iomraidhean Croise

Edwein 111:4

Wamaa bɛkaye ye anwanwadeɛ nnwumaa nemɔ; AWURADE do mmenia, na ɔse anwumvoin.

Ɛksadɔso 12:14

Kyẽa sɔ ne kɔyɛ ngayeɛ kyẽa kɔma ɛmɔ, na ɛ́mɔli ye aluolue bɛma AWURADE; na odi kyɛ ɛmɔdi sɔ aluolue ne afebɔɔ wɔ ɛmɔ aworɛ ndoatoasoɛ mukoraa nu.

Ɛksadɔso 28:12

Fa nyɔboɛ nyɔ ne teta ɔsɔfo ataadeɛ ne bati so, ma ɔyɛ Yisrael mma mmienzua nemɔ ngayeɛ nyɔboɛ. Na Aarɔn kɔsoa bɛ dumaa ne wɔ ye bati nyɔ ne aso wɔ AWURADE nyunu kɔfa kɔyɛ ngayeɛ.

Ɛksadɔso 30:16

Dide mbata sikaa ne fi Yisraelfoɛ berɛ, ná fa yɔ ɛtena sua atenaleɛ nu berɛ ɛsɔnenɛ nwo adwuma. Na ɔkɔyɛ Yisraelfoɛ nwo ngayeɛ wɔ AWURADE nyunu, ɔnate ɛmɔ ti nyɔboɛ tualɛ ne ati.”

Yesaya 66:3

“Sona bɔ oku nandwie ne, ɔte kyɛ bɔ oku mmenia ɔ ala, bɔ ɔfa boaen bɔ afɔleɛ ne, ɔte kyɛ bɔ obu kyea kɔme anu ɔ, bɔ ɔbɔ aburoo afɔleɛ ne, ɔte kyɛ bɔ ɔfa prako mogya bɔ afɔleɛ ɔ, bɔ ɔyera ɛyɛɛ ne, ɔte kyɛ sona bɔ ɔsɔ amoen ɔ. Bɛ de, bali bɛ bɔbɔ bɛ ti piri, na b’akyiwadeɛ nemɔ yeɛ bɛ kra nye gye ye nwo ɔ.

Numeri 16:40

Ɛhe te ngayeɛ ma Yisraelfoɛ kyɛ, kyɛbɔ AWURADE nate Mose so ha hyirele Eleasa ne, nnɛma eboosiniɛ biala bɔ nna Aarɔn bosoniɛ ahɔ ɔ, ɔba afɔleɛ bokyea ne anwo kyɛ ɔbaayera ɛyɛɛ wɔ AWURADE nyunu, amaa bɔ ɔtole Kora ne ye lɔen ne bie wando ye.

Numeri 17:5

Na sona bɔ ngɔneanea nu ngɔye ye ne, ye pɔmaa deɛ kɔfefɛ. Na ɔnate so ngɔma Yisraelfoɛ bɛ komvi bɔ bɛpenepene begua ɛmɔ so daa biala ne, ye bo kɔpɛ.”

1 Korintofoɛ 11:24

ɔlale ase, na obubuli nu, na ɔhane kyɛ, “[Ɛmɔle beli.] Ɛhe te me nipadua bɔ bébubu bɛ́ma ɛmɔ ɔ; ɛ́mɔyɔ he bɛ́fa bɛ́kaye me.”

Deuteronomi 16:3

Nnɛfa paanoo harewaa bɔ naen ne aso di. Fa paanoo kabrɛdi bɔ naen ne aso di ye ɛlɛsoo. Ɔte amaneɛnwunɛ paanoo, ofikyɛ ndɛndɛ so yeɛ etu fili Misraim aseɛ so ɔ; amaa ɔnate so mmerɛ biala bɔ ɛte ngoa nu ne, akaye kyẽa bɔ etu fili Misraim aseɛ so ɔ.

Yosua 4:6

amaa ɔnate so wayɛ ngayeɛ wama ɛmɔ. Na sɛ kyẽa bie ɛmɔ mma mɔ bisa ɛmɔ kyɛ, ‘Sɔ nyɔboɛ hemɔ, bɛ bo kyire sɛɛ?’ a,