Yosua 4:6 - AHYERƐLƐ KRONGRON

⁶ amaa ɔnate so wayɛ ngayeɛ wama ɛmɔ. Na sɛ kyẽa bie ɛmɔ mma mɔ bisa ɛmɔ kyɛ, ‘Sɔ nyɔboɛ hemɔ, bɛ bo kyire sɛɛ?’ a,

Yosua 4:6 Iomraidhean Croise

Edwein 44:1

Ao Nyameɛ, anwanwadeɛ bɔ ɛyɔle ye daa tete ne, wɔ yɛ nana mɔ b’aberɛ so ne, yɛ nana mɔ bahã bahyire yɛ; yɛ bɔbɔ yate ye wɔ yɛ so anu.

Edwein 71:18

Yiti menyi meyɛ aworowaa ma me ti anu yɛ gyein a, ao Nyameɛ, nnɛpo me, kɔpem kyɛ ngɔbɔ w’anwoserɛ nwo dawure ngohyire aworɛ ndoatoasoɛ he, ɔne wɔ tumi nwo dawure ngohyire ebiala bɔ ɔbaawa ɔ.

Ɛksadɔso 12:14

Kyẽa sɔ ne kɔyɛ ngayeɛ kyẽa kɔma ɛmɔ, na ɛ́mɔli ye aluolue bɛma AWURADE; na odi kyɛ ɛmɔdi sɔ aluolue ne afebɔɔ wɔ ɛmɔ aworɛ ndoatoasoɛ mukoraa nu.

Ɛksadɔso 13:14

Na sɛ kyẽa bie ɛwa bisa wɔ kyɛ, “Ɛhe bo kyire sɛɛ’ a, wɔ koso abua ye kyɛ, ‘AWURADE nate ye tumi piri so yeɛ ɔyele yɛ fili Misraim ngoaasolɛ nu ɔ.

Ɛksadɔso 13:9

Na ɛhe kɔyɛ kyɛ sɛngyerɛnneɛ bɔ ɔwɔ wɔ sa nwo, ná wayɛ ngayeɛ wɔ wɔ nwoma so wama wɔ, amaa ɔnate so AWURADE mmeraa ne ala wɔ noa; ofikyɛ AWURADE nate tumi piri so yeɛ ɔyele wɔ fili Misraim ɔ.

Ɛksadɔso 31:13

“Ka kyire Yisraelfoɛ kyɛ, “Ɛ́mɔli m’afofingyẽa ne aso, ofikyɛ ɛhe yeɛ ɔte me ne ɛmɔ y’afia sɛngyerɛnneɛ, wɔ ɛmɔ aworɛ ndoatoasoɛ amukoraati nu ɔ, amaa ɔnate so ɛmɔanwu ye kyɛ me, AWURADE, me yeɛ mete ɛmɔ nwo ɔ.

Yesaya 38:19

Ateasefoɛ, ateasefoɛ yeɛ bɛda wɔ ase ɔ, kyɛbɔ ɛnɛ meda wɔ ase ye; baba yeɛ okyire mmaa wɔ nahorɛlilɛ ne ɔ.

Yesaya 55:13

Nekaa bɔ ɛfone wɔ ne, ɛframmire kofifi berɛ kosi ye gya nu, sesea kofifi kosi agurɛ gya nu, na ɛhe kɔma AWURADE dumaa so, ɔkɔyɛ nzɛngyerɛnneɛ afebɔɔ bɔ ye bo ngɔpɛ ɔ.”

Hesekiel 20:12

Asa koso, mvale m’afofingyẽa nemɔ mane bɛ, kyɛ ɔte sɛngyerɛnneɛ bɔ ɔla me ne bɛ y’afia ɔ, amaa ɔnate so banwu kyɛ me, AWURADE, me yeɛ mete bɛ nwo ɔ.

Hesekiel 20:20

ɛ́mɔyɛ m’afofingyẽa nemɔ krongron ma bɛyɛ sɛngyerɛnneɛ bɔ ɔla me ne ɛmɔ y’afia ɔ, amaa ɔnate so ɛmɔanwu kyɛ me ole AWURADE ɛmɔ Nyameɛ ne.

Numeri 16:38

Amumuyɛɛfoɛ hemɔ bɛ see kulie nemɔ ayɛ krongron, ofikyɛ bafa bɛ ngoa bapɛ so. Yiti maa bɛboro bɛ ma bɛyɛ taataa ná bɛ́fa bɛ́yɛ afɔleɛ bokyea ne ngatasoɛ, ofikyɛ bafa bawa AWURADE nyunu maa bayɛ krongron. Na ngatasoɛ nemɔ kɔyɛ sɛngyerɛnneɛ kɔma Yisraelfoɛ.

Asomafoɛ 2:39

Ofikyɛ Nyameɛ anohoba ne wɔ berɛ ma ɛmɔ ne ɛmɔ mma ne bɛ bɔ bɛwɔ dedeede, ɔne ebiala bɔ Awurade, yɛ Nyameɛ, kɔfrɛ ye kɔwa ye berɛ ɔ.”

Deuteronomi 11:19

Ɛ́mɔfa béhyirehyire ɛmɔ mma mɔ. Na sɛ ɛte w’awuro oo, ɛnate atee so oo, ɛkɔ nnaa nu oo, anaakyɛ edwɔso oo, di ye nwo ngɔmɔ.

Yosua 22:27

Nakoso ɔkɔyɛ yɛ ne ɛmɔ afia adanzeɛ, ɔne yɛ bosofoɛ bɔ nziɛ ye bɛkɔwa ɔ adanzeɛ, kyɛ yɛfa yɛ naen yeralɛ afɔleɛ ne y’afɔleɛ ne y’asomdwee afɔleɛ yɛso AWURADE wɔ ye nyunu. Na ɔnate so kyẽa bie ɛmɔ mma mɔ ngɔhã ngohyire yɛ mma mɔ kyɛ, “Ɛmɔlle kyɛfa biala wɔ AWURADE nu.” ’

Yosua 4:21

Na osele Yisraelfoɛ kyɛ, “Kyẽa bie sɛ ɛmɔ mma mɔ bisa bɛ baba mɔ kyɛ, ‘Sɔ nyɔboɛ hemɔ, bɛ bo kyire sɛɛ?’ a,

Yosua 4:5

Na Yosua sele bɛ kyɛ, “Ɛ́mɔli AWURADE ɛmɔ Nyameɛ alaka ne nyunu moa bɛ́hɔ asue Yɔɔdan afia, ná ɛmɔ nu biala ɔ́fa nyɔboɛ ko ɔto ye kɔme anwo. Nyɔboɛ ko biala gyi berɛ ma Yisrael abusua kure ko,