Yosua 4:5 - AHYERƐLƐ KRONGRON

⁵ Na Yosua sele bɛ kyɛ, “Ɛ́mɔli AWURADE ɛmɔ Nyameɛ alaka ne nyunu moa bɛ́hɔ asue Yɔɔdan afia, ná ɛmɔ nu biala ɔ́fa nyɔboɛ ko ɔto ye kɔme anwo. Nyɔboɛ ko biala gyi berɛ ma Yisrael abusua kure ko,

Yosua 4:5 Iomraidhean Croise

Gyenesise 31:46

Yakob sele ye mmenia ne kyɛ, “Ɛ́mɔboaboa nyɔboɛ noa.” Yiti bɛboale nyɔboɛ noa maa ɔyɛle kure, ne bɛtenane nyɔboɛ kure ne anwo berɛ bedidili.

Ɛksadɔso 24:4

Na Mose hyerɛle AWURADE dwirɛ ne amukoraati. Na ɔpɛle aleɛ dwɔsole ngyerɛmɔ sili afɔleɛ bokyea wɔ bokaa ne nye abo, na ɔfale nyɔboɛ buru ne nyɔ penapenane berɛ, ɔfa gyinane berɛ mane Yisrael abusua kure buru ne nyɔ ne.

Deuteronomi 27:2

Kyẽa bɔ ɛmɔkɔpɛ asue Yɔɔdan bɛkɔhɔ aseɛ bɔ AWURADE wɔ Nyameɛ ɔ́fa ma wɔ ne aso ne, fa nyɔboɛ mbirikua penapena berɛ, ná fa ɛfaa ka bɛ nwo amu.

Deuteronomi 9:1

“Yisrael, tie! Ɛnɛ kyẽa ye, maen maen bɔ bɛ mbiri ne b’anwoserɛ tra wɔ ɔ, ɛkwaapɛ asue Yɔɔdan ekode b’aseɛ, ɔne bɛ nguro mbiri bɔ bato bɛ nwo fasue bahɔ ewienu ɔ;

Yosua 22:10

Mmerɛ bɔ Rubenfoɛ, Gadefoɛ ne Manase abusua kure ne bue beedwuli asue Yɔɔdan porɛ ne anu berɛ wɔ Kanaan aseɛ so nen, besili afɔleɛ bokyea kandinga bie wɔ asue Yɔɔdan noa.

Yosua 4:4

Afei Yosua tole ye sa frɛle Yisraelfoɛ nu mmenia buru ne nyɔ bɔ waye bɛ ne, abusua kure biala nu sona ko.

Yosua 4:6

amaa ɔnate so wayɛ ngayeɛ wama ɛmɔ. Na sɛ kyẽa bie ɛmɔ mma mɔ bisa ɛmɔ kyɛ, ‘Sɔ nyɔboɛ hemɔ, bɛ bo kyire sɛɛ?’ a,