Yosua 4:3 - AHYERƐLƐ KRONGRON

³ ná ɛmɔhã behyire bɛ kyɛ, ‘Ɛ́mɔsesa nyɔboɛ buru ne nyɔ béfi asue Yɔɔdan afia, nekaa bɔ né asɔfo nemɔ gyigyi pindinn ne. Ɛmɔfa bɛbra, ná ɛmɔɔfa begua nekaa bɔ ɛnɛ kɔngɔen ye ɛmɔkɔkyekye asikyeleɛ ɔ.’ ”

Yosua 4:3 Iomraidhean Croise

Gyenesise 28:22

Na nyɔboɛ he bɔ mafa mapena berɛ mayɛ ngayeɛ nyɔboɛ ye kɔyɛ Nyameɛ awuro, na nikyee biala bɔ ɛkɔma me ne, ngɔma wɔ so buru nu ngyɛmuɛ ko.”

Edwein 103:2

Ao me kra, ye AWURADE ayɛ, na nnɛma wɔ wora fi ye nningyein paa nemɔ anu biala.

Edwein 11:4

AWURADE wɔ ye asɔneyɛɛ sua krongron ne anu; AWURADE ahennie bia ne wɔ nyameɛso. Ye nye tua ebiala, na ɔkari adasa mmaa bɛ yɔleɛ nea.

Luka 19:40

Na obuale bɛ kyɛ, “Mekã mekyire ɛmɔ kyɛ, sɛ bemua bɛ noa a, nyɔboɛ mɔ po bɛkɔteatea nu.”

Yosua 24:27

Na Yosua sele maen ne amukoraati kyɛ, “Ɛ́mɔtie, nyɔboɛ he yeɛ ɔte adanzeɛ ɔ, ofikyɛ wate AWURADE dwirɛ amukoraa bɔ waha wahyire yɛ ne. Na sɛ ɛmɔanni nahorɛ bamma ɛmɔ Nyameɛ a, nyɔboɛ ne kɔyɛ adanzeɛ kotia ɛmɔ.”

Yosua 3:13

Asɔfo mɔ bɔ bɛsõ AWURADE bɔ ɔte aseɛ mukoraa Mene ye alaka nen, sɛ bɛ gya tia Yɔɔdan nzue ne anu pɛ a, Yɔɔdan nu nzue bɔ ɔtengyɛ fi ye sorɔ dɔ ne kɔpɛ, na ye noa kɔboa wɔ neka horɛ.”

Yosua 4:4

Afei Yosua tole ye sa frɛle Yisraelfoɛ nu mmenia buru ne nyɔ bɔ waye bɛ ne, abusua kure biala nu sona ko.

Yosua 4:8

Yisraelfoɛ lili Yosua dwirɛ ne aso. Bɛsesale nyɔboɛ buru ne nyɔ wɔ asue Yɔɔdan afia. Nyɔboɛ ko biala gyi berɛ ma abusua kure ko, kyɛbɔ AWURADE ha hyirele Yosua nen. Bɛfa bɛpɛle nu bɛwale b’asikyeleɛ berɛ, na bɛfa beguale berɛ.

1 Samuel 7:12

Afei Samuel fale nyɔboɛ penane Misepa ne Sɛn b’afia, ɔfrɛle nyɔboɛ ne Ebenesa, na ɔhane kyɛ, “Ɛwa yeɛ AWURADE waboka yɛ waadwu ɔ.”