Yosua 4:24 - AHYERƐLƐ KRONGRON

²⁴ AWURADE yɔle sɔ, kyɛbɔ aseɛ so mmenia mukoraati konwu ye kyɛ AWURADE le tumi ɔ, amaa ɔnate so ɛmɔasuro AWURADE ɛmɔ Nyameɛ mmerɛ biala.”

Yosua 4:24 Iomraidhean Croise

1 Ahemvo 8:40

amaa ɔnate so ngyẽa amukoraa bɔ bekoli ye aseɛ bɔ ɛfa mane yɛ nana mɔ ne aso ne, basuro wɔ.

1 Ahemvo 8:60

amaa aseɛ ye aso mmenia amukoraa banwu kyɛ AWURADE, wɔ yeɛ ɛte Nyameɛ ɔ; na nyameɛ foforɛ biala nne berɛ ko.

2 Ahemvo 19:19

Yiti afei, ao AWURADE yɛ Nyameɛ, mesrɛ wɔ, pepɛ de yɛ fi ye sa nu, amaa ɔnate so aseɛ ye aso ahennie amukoraa banwu ye kyɛ AWURADE, wɔ ngome yeɛ ɛte Nyameɛ ɔ.”

2 Ahemvo 5:15

Yeɛ Naaman, ɔne ye lɔen bɔ bɛboka ye so amukoraa, besa bɛhɔle Nyameɛ sona ne berɛ. Naaman oogyinane ye nyunu berɛ, na ɔhane kyɛ, “Afei de manwu kyɛ aseɛ ye aso amukoraa, Nyameɛ biala ɔnne neka fee sana Yisrael angome. Mesrɛ wɔ, de w’akoaa sa nu akyɛdeɛ ye.”

1 Aberɛso Dwirɛ 29:12

Anwonya ne animnyam fi wɔ berɛ, na edi hene wɔ ebiala so. Wɔ yeɛ etira tumi ne anwoserɛ ɔ, na wɔ sa nu yeɛ sona biala ye tumi ne ye anwoserɛ wɔ ɔ.

YOB NWOMAA NE 40:9

Aso ele tumi kyɛ Nyameɛ deɛ, wɔ komvi kɔhora kɔbɔ nu kurudududu kyɛbɔ ye deɛ ɔbɔ nu ne?

Edwein 106:8

Nakoso ɔnate ye dumaa ti, ɔpepɛ lele bɛ, amaa ɔnate so wala ye tumi kandinga ne ali.

Edwein 89:13

Ele tumi asaa; wɔ sa ne, anwoserɛ wɔ nu, apagya wɔ sa famaa ne aso.

Edwein 89:7

Ɔte Nyameɛ bɔ besuro ye wɔ krongronfoɛ badwa nu ɔ, ɔte piri, na ye nwo yɛ suro tra bɛ bɔ bapɛ ye nwo bayia amukoraa.

Ɛksadɔso 14:31

Yisraelfoɛ nwuni tumi piri bɔ AWURADE fa ho tiale Misraimfoɛ ne. Yiti Yisraelfoɛ surole AWURADE, na belele AWURADE ne ye somvoɛ Mose belili.

Ɛksadɔso 15:16

Ahunundetelɛ ne ɛserɛ atɔ bɛ so; ɔnate wɔ tumi asaa ne ati, bayɛ dinn kyɛ nyɔboɛ, kɔpem kyɛ, O AWURADE, wɔ mmenia kɔpɛ nu kɔhɔ ɔ, kɔpem kyɛ mmenia bɔ ale bɛ ne kɔpɛ nu kɔhɔ ɔ.

Ɛksadɔso 20:20

Na Mose buale mmenia ne kyɛ, “Nnɛma ɛmɔsuro, ofikyɛ Nyameɛ awa kyɛ ɔbaaso ɛmɔ nea, amaa ɔnate so ye nwo suronyi atena ɛmɔ nu, ná ɛmɔanyɔ bɔne.”

Ɛksadɔso 9:16

Nakoso mamaa anya wɔ ti adidi nu, kyɛ ngɔye me tumi ali ngohyire wɔ ɔ, amaa ɔnate so me dumaa atrɛ ahɔ aseɛ ye aso amukoraa.

Yesaya 52:10

AWURADE ala ye tumi krongron ne ali, wama maen maen mukoraa banwu ye, na aseɛ so nekaa biala konwu yɛ Nyameɛ ngoalelɛ ne.

Yeremia 32:40

Me ne bɛ yɛkɔyɛ apam afebɔɔ, na mengɔyakyi kyɛ ngɔyɛ bɛ paa ɔ; na mmom ngɔfa me nwo suronyi ngowura b’ahone nu, amaa bangakyi bɛ si bamma me.

Deuteronomi 28:10

Na aseɛ so mmenia mukoraati konwu ye kyɛ AWURADE dumaa la wɔ so, na bekosuro wɔ.

Deuteronomi 6:2

amaa ɔnate so ɛne wɔ mma ne wɔ nnomaa ɛmɔasuro AWURADE wɔ Nyameɛ, wɔ w’asetena mukoraati nu, ná ali ye ahyɛdeɛ ne ye mmeraa dwirɛ mukoraati bɔ méhyɛ wɔ ne aso, ná anya ngoa tendenn.

1 Samuel 17:46

Ɛnɛ kyẽa ye, AWURADE kɔfa wɔ kowura me sa. Ngohũ wɔ ngɔpɛ wɔ ti. Ɛnɛ kyẽa ye, ngɔfa Filisti koɛhonɛfoɛ nemɔ bɛ fuin ngɔma ewienu nnomaa ne aseɛ so ngaka. Na ɔnate so ewiase amukoraa konwu ye kyɛ Nyameɛ bie wɔ Yisrael.