Yosua 4:13 - AHYERƐLƐ KRONGRON

¹³ Mmenia kɔyɛ apee aburanna, bɔ basiesie bɛ nwo bɛkɔ koɛ yeɛ bɛpɛle asue ne ɔ, na bɛhɔle koɛ wɔ Yeriko aseɛ frɛtɛɛ ne aso wɔ AWURADE nyunu.

Yosua 4:13 Iomraidhean Croise

2 Ahemvo 25:5

Nakoso Babilɔn koɛhonɛfoɛ ne, bɛpole Nana Sedekia so bɛɛtole ye wɔ Yeriko aseɛ frɛtɛɛ ne aso, na ye koɛhonɛfoɛ nemɔ amukoraa bɛbɔle aya bɛyakyili ye nu.

Ɛksadɔso 13:18

Yiti ɛserɛ so atee bɔ ɔkɔ Ɛpo Kɔkorɛ nwo ne, Nyameɛ mane mmenia ne makye fale so. Na Yisraelfoɛ tu fili Misraim aseɛ so bɛhɔle kyɛ mmenia bɔ bɛ́kɔ koɛ ɔ.

Yeremia 39:5

Nakoso Kaldea koɛhonɛfoɛ nemɔ pole bɛ so, na bɛɛtole Sedekia wɔ Yeriko aseɛ frɛtɛɛ ne aso. Na bɛhyele ye nen, bɛfale ye bɛbrɛle Babilɔn hene Nebukadenesa wɔ Ribla bɔ ɔwɔ Hamate aseɛ so ne, na obuale ye ndɛen wɔ berɛ.

Yeremia 52:8

Nakoso Kaldeafoɛ koɛhonɛfoɛ nemɔ, bɛpole Nana Sedekia so bɛɛtole ye wɔ Yeriko aseɛ frɛtɛɛ ne aso, na ye koɛhonɛfoɛ nemɔ amukoraa bɛbɔ bɛsandene bɛyakyili ye nu.

Numeri 32:17

Nakoso yɛkɔfa akodeɛ yɛkoli Yisrael ama anyunu yɛkɔɔho, kɔpem kyɛ yɛkɔfa bɛ yɛkodwu b’aseɛ so ɔ. Sɔ mmerɛ ne, ɔnate porɛ ye anu mmenia ne ati, yɛ ngwadaa mɔ kɔtena nguro bɔ yabɔ bɛ nwo waen nemɔ anu.

Ɛfesofoɛ 6:11

Ɛ́mɔfa Nyameɛ akodeɛ ne amukoraa bewura, amaa ɛmɔahora bagyina baho batia abɔnzam nnakannaka.

Deuteronomi 3:18

“Sɔ mmerɛ ne, nhyɛle ɛmɔ kyɛ, ‘Ɔwɔ nu kyɛ AWURADE ɛmɔ Nyameɛ afa aseɛ he wama ɛmɔ kyɛ ɛmɔfa bɛtena so de, nakoso ɔsɛ kyɛ ɛmɔ koɛhonɛfoɛ ne amukoraa bɛfa akodeɛ bɛse bedi ɛmɔ aliɛma mɔ Yisraelfoɛ nyunu.

Yosua 4:12

Rubenfoɛ ne Gadefoɛ ne Manase abusua kure ne bue pɛle asue ne. Né betiratira akodeɛ beli Yisraelfoɛ nyunu moa, kyɛbɔ Mose hyɛle bɛ ne.

Yosua 4:14

Sɔ kyẽa ne, AWURADE yɛle Yosua sona bɔ odi mu wɔ Yisraelfoɛ amukoraa bɛ nyunu, na bebuli ye wɔ mmerɛ amukoraa bɔ né ɔte ngoa nu ɔ, kyɛbɔ bebuli Mose nen.

Yosua 5:10

Mmerɛ bɔ né Yisraelfoɛ wɔ asikyeleɛ berɛ wɔ Gilgal nen, bosome ne anu kyẽa bɔ ɔtɔ so buru ne nna ne, ye nɔsoa ne, belili Abɔtra ne wɔ Yeriko aseɛ frɛtɛɛ ne aso.

Maenbulɛfoɛ 20:1

Afei Yisraelfoɛ ngaa amukoraa, ofi Dan bɔ ɔkwaadwu Beɛ Hyeba, bɔ Gileade mbɔtam boka so ɔ, bɛbɔle nu bɛwale AWURADE nyunu wɔ Misepa.