Yosua 3:8 - AHYERƐLƐ KRONGRON

⁸ Wɔ de, ka kyire asɔfo mɔ bɔ bɛsõ apam alaka ne kyɛ, ‘Sɛ ɛmɔdwu Yɔɔdan asue ne noa a, ɛmɔɔgyina asue ne anu dinn.’ ”

Yosua 3:8 Iomraidhean Croise

2 Ahemvo 2:6

Yeɛ Elia sele Elisa kyɛ, “Mesrɛ wɔ tena wa ofikyɛ AWURADE asoma me asue Yɔɔdan noa.” Nakoso obuale kyɛ, “Kyɛ AWURADE te ase ye, ɔne kyɛ wɔ koso ɛte ase ye, mengɔte me nwo mengofi wɔ nwo.” Yiti bɛ munyɔ bɛtoale so bɛhɔle.

2 Aberɛso Dwirɛ 29:15

Bɛboaboale b’eliɛma nemɔ anoa, bɛpetene bɛ nwo, na kyɛbɔ Nana Hesekia gyinane AWURADE dwirɛ so fale ahyɛdeɛ mane bɛ ne, bewurale AWURADE awuro berɛ kyɛ bɛkwaapete berɛ.

2 Aberɛso Dwirɛ 29:27

Na Nana Hesekia fale ahyɛdeɛ mane bɛ kyɛ bɛbɔ naen yeralɛ afɔleɛ ne wɔ afɔleɛ bokyea ne aso. Bɛhyɛle naen yeralɛ afɔleɛ ne bɔlɛ ne abo nen, bɛhyɛle ye bo behuli totorobɛndo bɛbɔle Yisrael hene Dawide edweintolɛ nningyein ne bɛtole dwein bɛfa bɛyele AWURADE ayɛ.

2 Aberɛso Dwirɛ 29:30

Nana Hesekia ne ye mbanyi nemɔ, bɛfale ahyɛdeɛ mane Lewifoɛ ne kyɛ, edwein bɔ Dawide ne Asafe bɔ ɔse ase ne bahyehyɛ bato berɛ ne, bɛ́to bɛ́ye AWURADE ayɛ’.” Bele anigye bɛtole ayɛyelɛ dwein, na bɛbɔle bɛ nu ase bɛsɔnene Nyameɛ.

2 Aberɛso Dwirɛ 30:12

Yeɛ Nyameɛ tumi kanyane Yudafoɛ maa b’adwene yɛle ko kyɛ bɛkɔyɔ bɔ Nana Hesekia ne ye mbanyi bagyina AWURADE dwirɛ so bahyɛ ne.

Nehemia 13:22

Na mvale ahyɛdeɛ mmane Lewifoɛ nemɔ kyɛ bɛpete bɛ nwo ná bɛbra bɛɛwɛne pambim nemɔ, amaa ɔnate so bama afofikyẽa ne wayɛ krongron. Ao me Nyameɛ, kaye me wɔ sɔ nikyee he anwo koso, na nwu me anwumvoin, kyɛbɔ wɔ ɔdɔ bɔ onni ngasi ne ye piri te ɔ.

Nehemia 13:28

Ɔsɔfo panyi paa Eliasibo, ɔwa Yehoada, ye mma mmienzua nemɔ anu ko bɔ né ogya Horonniɛ Sanbalate ɔwa brasua ne, mvoane ye mvili me nyunu maa ɔhɔle.

Ɛksadɔso 14:13

Na Mose sele mmenia ne kyɛ, “Nnɛma ɛmɔsuro, ɛ́mɔgyina pindinn, ná ɛ́mɔnea ngoalelɛ bɔ AWURADE kole ɛmɔ ɛnɛ ɔ; ofikyɛ Misraimfoɛ bɔ ɛmɔnwu bɛ ɛnɛ ye, ɛmɔngonwu bɛ ko le.

Awuye 3:26

Ɔte paa kyɛ ɛkɔyɛ konn anyelasoɛ nu kɔnwondɛ AWURADE ngoalelɛ ne ɔ.

Yosua 3:17

Mmerɛ bɔ né Yisraelfoɛ amukoraati bɛnate aseɛ wosee so bɛ́pɛ nu bɛ́kɔ nen, né asɔfo mɔ bɔ bɛsõ AWURADE apam alaka ne gyigyi aseɛ wosee so pindinn wɔ asue Yɔɔdan afia, kɔpem kyɛ maen ne amukoraati pɛle asue Yɔɔdan yiele ɔ.

Yosua 3:3

na bɛhyɛle mmeraa bɛmane mmenia ne kyɛ, “Sɛ ɛmɔnwu AWURADE ɛmɔ Nyameɛ apam alaka ne kyɛ Lewifoɛ bɔ bɛte asɔfo ne basoa a, ye de ɔsɛ kyɛ ɛmɔtu ɛmɔ bo befi asikyeleɛ ne anu. Ɛ́mɔli ye si,

Yosua 3:7

AWURADE sele Yosua kyɛ, “Ɛnɛ kyẽa ye, ngɔhyɛ ye bo ngɔyɛ wɔ sona bɔ odi mu wɔ Yisraelfoɛ mukoraati bɛ nyunu, amaa ɔnate so banwu ye kyɛ, kyɛbɔ ngyinane Mose si nen, sɔ ala yeɛ ngogyina wɔ si ɔ.

Yosua 3:9

Afei Yosua sele Yisraelfoɛ kyɛ, “Ɛ́mɔpingye wa beetie AWURADE ɛmɔ Nyameɛ noa dwirɛ.”

Yosua 4:11

Mmenia ne amukoraati pɛle asue ne pɛ, yeɛ AWURADE alaka ne ne asɔfo nemɔ koso bɛpɛle ɔ, na beelili mmenia ne nyunu moa.