Yosua 3:7 - AHYERƐLƐ KRONGRON

⁷ AWURADE sele Yosua kyɛ, “Ɛnɛ kyẽa ye, ngɔhyɛ ye bo ngɔyɛ wɔ sona bɔ odi mu wɔ Yisraelfoɛ mukoraati bɛ nyunu, amaa ɔnate so banwu ye kyɛ, kyɛbɔ ngyinane Mose si nen, sɔ ala yeɛ ngogyina wɔ si ɔ.

Yosua 3:7 Iomraidhean Croise

1 Aberɛso Dwirɛ 29:25

AWURADE mane Solomon nyane animnyam wɔ Yisrael maen amukoraati bɛ nyunu, na ɔmane ye ahennie nu animnyam bɔ ɛhene biala onnyane bie le wɔ Yisrael ɔ.

2 Aberɛso Dwirɛ 1:1

Dawide awa Solomon mane ye ahennie tindimuni, na AWURADE ye Nyameɛ gyinane ye si maa onyane tumi piri paa.

YOB NWOMAA NE 7:17

Dasaniɛ te nzu koraa, bɔ ebu ye titire sɔa ye, bɔ w’adwene wɔ ye so sɔa ye,

Edwein 18:35

Afa wɔ ngoalelɛ akokyɛm ne ama me, na wɔ mmokalɛ amaa mayɛ sona titire.

Yohane 17:1

Na Yesu dwudwole yiele nen, ɔmane ye nye so hyirele nyameɛso, na ɔhane kyɛ, “Baba, dɔnhwere ne adwu. Hyɛ Ɛwa ne animnyam, ná Baa ne koso ɔhyɛ wɔ animnyam;

Filipifoɛ 1:20

kyɛbɔ m’anyelasoɛ paa ne nikyee bɔ menea ye ate ne ɔte ne, kyɛ me nyunu ngogua ase wɔ nikyee biala nu, na mmom ngonya ahoneserɛ, kyɛbɔ daa ɔte ne, kekesaala ye koso, na sɛ nde ase oo, sɛ mewu oo, bɛkɔkamvo Kristo wɔ me nipadua nu.

Yosua 1:17

Na kyɛbɔ yɛtiele Mose dwirɛ fale nikyee biala nwo nen, sɔ ala yeɛ yɛkotie wɔ dwirɛ ɔ. Yɛsrɛ kyɛ, AWURADE wɔ Nyameɛ oli wɔ si, kyɛbɔ olili Mose si nen.

Yosua 1:5

Sona biala ngɔhora ngogyina wɔ nyunu, mmerɛ biala bɔ ɛte ase ɔ. Na kyɛbɔ ngyinane Mose si nen, sɔ ala yeɛ ngogyina wɔ si ɔ. Mengoli wɔ ngasi, yeɛ mengɔyakyi wɔ nu.

Yosua 1:9

Yiti méhyɛ wɔ kyɛ, gyina pindinn ná ma w’ahone yɛ se; nnɛsuro, yeɛ nnɛma wɔ kunu tete wɔ, ofikyɛ AWURADE wɔ Nyameɛ gyi wɔ si wɔ nekaa biala bɔ ɛkɔhɔ ɔ.”

Yosua 3:6

Na Yosua sele asɔfo nemɔ kyɛ, “Ɛ́mɔsoa apam alaka ne, ná ɛmɔse beli mmenia ne anyunu.” Yiti bɛsoale apam alaka ne, na belili mmenia ne nyunu moa.

Yosua 3:8

Wɔ de, ka kyire asɔfo mɔ bɔ bɛsõ apam alaka ne kyɛ, ‘Sɛ ɛmɔdwu Yɔɔdan asue ne noa a, ɛmɔɔgyina asue ne anu dinn.’ ”

Yosua 4:14

Sɔ kyẽa ne, AWURADE yɛle Yosua sona bɔ odi mu wɔ Yisraelfoɛ amukoraa bɛ nyunu, na bebuli ye wɔ mmerɛ amukoraa bɔ né ɔte ngoa nu ɔ, kyɛbɔ bebuli Mose nen.