Yosua 3:3 - AHYERƐLƐ KRONGRON

³ na bɛhyɛle mmeraa bɛmane mmenia ne kyɛ, “Sɛ ɛmɔnwu AWURADE ɛmɔ Nyameɛ apam alaka ne kyɛ Lewifoɛ bɔ bɛte asɔfo ne basoa a, ye de ɔsɛ kyɛ ɛmɔtu ɛmɔ bo befi asikyeleɛ ne anu. Ɛ́mɔli ye si,

Yosua 3:3 Iomraidhean Croise

2 Samuel 6:13

Na bɛ bɔ bɛsõ AWURADE alaka ne, betuli bɛ gya nzia ne, Dawide fale nandwie ne nandwie sayɛɛ bɔle afɔleɛ.

2 Samuel 6:3

Bɛfale Nyameɛ alaka ne besiele teaseɛnam monɛ kamee so, na bɛye befili Abinadabo awuro bɔ ogyi pambaa so ne anu. Teaseɛnam monɛ kamee bɔ Nyameɛ apam alaka ne gyi so ne, Abinadabo mma Yusa ne Ahio yeɛ bɛfa bɛhɔle ɔ.

1 Ahemvo 8:3

Yisrael mbanyi amukoraa bɛwale, na né asɔfo nemɔ bɛso apam alaka ne.

Yeremia 33:18

na sona bɔ ogyina me nyunu ɔbɔ naen yeralɛ afɔleɛ, aburoo afɔleɛ ne afɔleɛ mɔ afebɔɔ ne, ɔngɔbɔ Lewifoɛ bɔ bɛte asɔfo ne le.”

Numeri 10:33

Yiti besili nu befili AWURADE bokaa ne aso bɛpɛle atee bɔ bɛfa ɛlɛsa yeɛ bɛpɛ ɔ. Né AWURADE apam alaka ne li bɛ nyunu wɔ sɔ ɛlɛsa ateetulɛ ne anu kyɛ ɔkwaapena nekaa maa bɛkyekye asikyeleɛ.

Numeri 4:15

Sɛ Aarɔn ne ye mma mɔ bɛkata nekaa krongron ne ɔne nekaa krongron ne anu nningyein anwo beyie, ná sɛ mmenia ne betu bɛ bo befi asikyeleɛ berɛ a, odi kyɛ Kohatefoɛ basoa sɔ nningyein nemɔ. Nakoso onni kyɛ bɛ nwo ka nningyein krongron ne, ná banwu. Ɛhemɔ ole ɛtena sua atenaleɛ ne anu nningyein mɔ bɔ ɔsɛ kyɛ Kohatefoɛ mɔ bɛsoa ɔ.

Mateo 16:24

Na Yesu sele ye asuafoɛ nemɔ kyɛ, “Sɛ ebie kuro kyɛ odi me si a, maa ɔpa ye nwo si, ná ɔfa ye mmeamudua, ná oli me si.

Mateo 8:19

Na ahyerɛlɛniɛ bie wale oosele Yesu kyɛ, “Kyerɛkyerɛniɛ, nekaa biala bɔ ɛkɔhɔ ne, me ne wɔ yɛkɔhɔ.”

Deuteronomi 31:25

Mose hyɛle Lewifoɛ bɔ bɛsoa AWURADE apam alaka ne kyɛ,

Deuteronomi 31:9

Afei Mose hyerɛle sɔ mmeraa he, na ɔfa mane asɔfo nemɔ, bɔ bɛte Lewi bosofoɛ bɔ bɛsoa AWURADE apam alaka ne, yeɛ afei Yisrael mbanyi amukoraati koso.

Yosua 3:4

kyɛbɔ ɔkɔyɛ ná ɛmɔanwu atee bɔ odi kyɛ ɛmɔfa so ɔ, ofikyɛ ɛmɔffale atee ye aso le. Nakoso odi kyɛ ɛmɔyakyi atee kɔyɛ agyirɛ apee nyɔ bɛto ɛmɔ ne apam alaka ne afia; nnɛma ɛmɔpingye ye.”

Yosua 3:6

Na Yosua sele asɔfo nemɔ kyɛ, “Ɛ́mɔsoa apam alaka ne, ná ɛmɔse beli mmenia ne anyunu.” Yiti bɛsoale apam alaka ne, na belili mmenia ne nyunu moa.

Yosua 3:8

Wɔ de, ka kyire asɔfo mɔ bɔ bɛsõ apam alaka ne kyɛ, ‘Sɛ ɛmɔdwu Yɔɔdan asue ne noa a, ɛmɔɔgyina asue ne anu dinn.’ ”

Yosua 4:10

Asɔfo mɔ bɔ né bɛsõ alaka nen, begyinane Yɔɔdan afia toonn, kɔpem kyɛ edwirɛ bɔ AWURADE hyɛle Yosua kyɛ ɔha hyire mmenia nen, mmenia ne yɔle ye mukoraati yiele ɔ, kyɛbɔ Mose hyɛle kyɛ Yosua ɔyɔ ne amukoraa. Na mmenia ne hane bɛ nwo bɛpɛle asue ne.

Yosua 6:6

Yiti Nun awa Yosua frɛfrɛle asɔfo nemɔ, na osele bɛ kyɛ, “Ɛ́mɔsoa apam alaka ne, ná ɛ́mɔma asɔfo nzoo bétiratira boaen mmɛen totorobɛndo nzoo beli AWURADE alaka ne nyunu moa.”

Nyekyire 14:4

Ɛhemɔ ole bɛ bɔ bamva mmrasua bangua bɛ nwo fiɛ, ofikyɛ basie bɛ nwo krongron. Bɛ yeɛ bedi Boaen Ba ne si bɛkɔ nekaa biala bɔ ɔkɔ ɔ. Bɛ yeɛ bale bɛ ngoa bafi adasa mmaa nu, ná bayɛ bɛ fieso aleɛ bɔ oli moa bama Nyameɛ ne Boaen Ba ne ɔ.

1 Samuel 6:15

Na AWURADE alaka ne, yeɛ alaka bie bɔ ogyi ye nwo berɛ bɔ sikaa kɔkorɛ nningyein wɔ nu ne, Lewifoɛ ye siele nyɔbotaen ne aso. Na sɔ kyẽa ne, Bete Semesefoɛ bobɔle naen yeralɛ afɔleɛ ne afɔleɛ bɛmane AWURADE.