Yosua 3:17 - AHYERƐLƐ KRONGRON

¹⁷ Mmerɛ bɔ né Yisraelfoɛ amukoraati bɛnate aseɛ wosee so bɛ́pɛ nu bɛ́kɔ nen, né asɔfo mɔ bɔ bɛsõ AWURADE apam alaka ne gyigyi aseɛ wosee so pindinn wɔ asue Yɔɔdan afia, kɔpem kyɛ maen ne amukoraati pɛle asue Yɔɔdan yiele ɔ.

Yosua 3:17 Iomraidhean Croise

2 Ahemvo 2:8

Yeɛ Elia yele ye ataadeɛ aguasoɛ ne, ɔbobɔle fa fini asue ne anye, na asue ne anu pakyele nyɔ guale bɛen ne famaa, kɔpem kyɛ bɛ munyɔ bɛnatele bɛpɛle wɔ aseɛ wosee so ɔ.

Edwein 66:6

Ɔmane ɛpo kakyili aseɛ wosee maa bɛnatele bɛ gya kunu bɛpɛle nzue ne. Berɛ yeɛ yɛlili ahurusi wɔ ye nu ɔ,

Ɛksadɔso 14:21

Afei Mose tengyɛle ye sa ɛpo ne aso. Na AWURADE mane eyia afiteleɛ mvrama piri bie tuli, na oopiane ɛpo ne sale nziɛ kɔngɔen ne. Ɔmane ɛpo ne kakyili aseɛ wosee, na nzue ne anu hyɛle.

Ɛksadɔso 14:22

Na Yisraelfoɛ fale aseɛ wosee so pɛle ɛpo ne; na nzue ne yɛle ɛwaen mane bɛ wɔ bɛ famaa so ne bɛ bɛen so.

Ɛksadɔso 14:29

Nakoso Yisraelfoɛ de, bɛfale aseɛ wosee so bɛpɛle ɛpo ne wɔ ye afia; na nzue ne yɛle ɛwaen mane bɛ wɔ bɛ famaa so ne bɛ bɛen so.

Yesaya 25:8

Okonunu ewue boso kofi berɛ afebɔɔ. AWURADE Nyameɛ kokyikyi ebiala nye moen, na ɔkɔye ye maen animguaseɛ kofi aseɛ so amukoraa; ofikyɛ AWURADE noa dwirɛ ɛne!

Numeri 33:51

“Kã kyire Yisraelfoɛ kyɛ, Sɛ ɛmɔpɛ asue Yɔɔdan bɛkɔ Kanaan aseɛ ne aso a,

Hebrifoɛ 11:29

Ɔnate gyidie so yeɛ Yisraelfoɛ pɛle Ɛpo Kɔkorɛ ne kyɛ bɛnate etii so ɔ, nakoso Misraimfoɛ yɛle kyɛ bɛpɛ ye bie nen, asue ne fale bɛ hɔle.

Yosua 4:1

Maen ne amukoraati pɛle asue Yɔɔdan yiele nen, AWURADE sele Yosua kyɛ,

Yosua 4:10

Asɔfo mɔ bɔ né bɛsõ alaka nen, begyinane Yɔɔdan afia toonn, kɔpem kyɛ edwirɛ bɔ AWURADE hyɛle Yosua kyɛ ɔha hyire mmenia nen, mmenia ne yɔle ye mukoraati yiele ɔ, kyɛbɔ Mose hyɛle kyɛ Yosua ɔyɔ ne amukoraa. Na mmenia ne hane bɛ nwo bɛpɛle asue ne.

Yosua 4:11

Mmenia ne amukoraati pɛle asue ne pɛ, yeɛ AWURADE alaka ne ne asɔfo nemɔ koso bɛpɛle ɔ, na beelili mmenia ne nyunu moa.

Yosua 4:22

ɛ́mɔma bɛ́te ye bo kyɛ, ‘Yisrael fale aseɛ wosee so yeɛ ɔpɛle asue Yɔɔdan ɔ.’

Yosua 4:3

ná ɛmɔhã behyire bɛ kyɛ, ‘Ɛ́mɔsesa nyɔboɛ buru ne nyɔ béfi asue Yɔɔdan afia, nekaa bɔ né asɔfo nemɔ gyigyi pindinn ne. Ɛmɔfa bɛbra, ná ɛmɔɔfa begua nekaa bɔ ɛnɛ kɔngɔen ye ɛmɔkɔkyekye asikyeleɛ ɔ.’ ”

Yosua 5:1

Amorifoɛ ahemvo amukoraati bɔ bɛwɔ asue Yɔɔdan si eyia atɔleɛ bue nu dɔ ne, bɛ ne Kanaanfoɛ ahemvo amukoraa bɔ bɛwɔ mboanoa ne, mmerɛ bɔ bɛtele kyɛ AWURADE ama Yɔɔdan nu nzue wawewe wama Yisraelfoɛ, kɔpem kyɛ bɛpɛle ye nen, ahunundetelɛ tɔle bɛ so, na ɔnate Yisraelfoɛ ti bɛ nwo ngaka nwatili.