Yosua 3:16 - AHYERƐLƐ KRONGRON

¹⁶ nzue bɔ ɔtengyɛ fi ye sorɔ dɔ ne gyinane. Ye noa boale ko wɔ nziɛ nziɛ, wɔ Adam, kuro bɔ opingye Saretan ne. Na nzue bɔ ɔtengyɛ kogua Araba ɛpo, bɔ bɛfrɛ ye Ngyee Po ne anu ne, ye koso ɔpɛle koraa. Yiti mmenia ne pɛle nu Yeriko ndendeneɛ so.

Yosua 3:16 Iomraidhean Croise

Gyenesise 14:3

Sɔ ahemvo nnu hemɔ boaboale b’ɛlɔen noa bɛbɔle nu wɔ Sidim bɔnza (bɔ besa bɛfrɛ ye Ngyee Po) ne anu.

1 Ahemvo 4:12

Ahilude awa Baana bɔ ɔnea aseɛ hemɔ aso: Taanake, Megido, Bete Sean amukoraa bɔ opingye Saretan bɔ ɔwɔ Yesreel ngwaen ne, ɔne ofi Bete Sean bɔ ɔkwaadwu Abel Mehola alaa kɔ Yokemeam bue nu dɔ ne;

1 Ahemvo 7:46

Asue Yɔɔdan nwo aseɛ frɛtɛɛ ne aso, ɛfaa aseɛ bɔ ɔla Sukote ne Saretan b’afia ne, berɛ yeɛ Nana Solomon maa ohurole kɔɔbere yɔle bɛ mukoraa ɔ.

Edwein 114:3

Ɛpo nwuni ye, na ɔnwatili; asue Yɔɔdan sale ye si.

Edwein 114:5

Ao ɛpo, nzikyɛ yeɛ wayɔ wɔ maa anwati ye? Ao asue Yɔɔdan, nzikyɛ yeɛ wamaa asa wɔ si ye?

Edwein 29:10

AWURADE te ye ahennie bia so wɔ asue mɔ bɔ bayi ɔ so, na AWURADE te ye ahennie bia so odi hene afebɔɔ.

Edwein 33:7

Ɔboaboa ɛpo nu nzue noa kyɛ esire, na ɔboa buma mɔ noa gua sua nu.

Edwein 66:6

Ɔmane ɛpo kakyili aseɛ wosee maa bɛnatele bɛ gya kunu bɛpɛle nzue ne. Berɛ yeɛ yɛlili ahurusi wɔ ye nu ɔ,

Edwein 74:15

Ebukyele asue mɔ ne asue ba mɔ maa bɛtengyɛle, nakoso ɛmane asue mbiri mɔ bɛwewele.

Edwein 77:19

W’atimbire la ɛpo nu, w’atee la asue mbiri mɔ nu, nakoso bennwu wɔ gya boso.

Edwein 78:13

Ɔpakyele ɛpo nu maa bɛfale nu, na ɔmane nzue ne boale ye noa gyinane berɛ kyɛ fasue.

Ɛksadɔso 14:21

Afei Mose tengyɛle ye sa ɛpo ne aso. Na AWURADE mane eyia afiteleɛ mvrama piri bie tuli, na oopiane ɛpo ne sale nziɛ kɔngɔen ne. Ɔmane ɛpo ne kakyili aseɛ wosee, na nzue ne anu hyɛle.

Ɛksadɔso 14:22

Na Yisraelfoɛ fale aseɛ wosee so pɛle ɛpo ne; na nzue ne yɛle ɛwaen mane bɛ wɔ bɛ famaa so ne bɛ bɛen so.

Ɛksadɔso 14:29

Nakoso Yisraelfoɛ de, bɛfale aseɛ wosee so bɛpɛle ɛpo ne wɔ ye afia; na nzue ne yɛle ɛwaen mane bɛ wɔ bɛ famaa so ne bɛ bɛen so.

Ɛksadɔso 15:8

Wɔ bonyi anu nwomeɛ mane nzue ne boaboale ye noa, asorɔkye ne gyinane berɛ kyɛ ɛwaen; na buma ne bɔle kunguma wɔ ɛpo afia.

Yesaya 50:2

Mmale ne, nzu ati yeɛ né sona biala nne berɛ ɔ? Mvrɛle ne, aso né sona biala nne berɛ bɔ okosuro ɔ? Aso me sa te tikaape bɔ ɔngɔhora ngɔpepɛ ngole ɛmɔ ɔ? Anaakyɛ, nnne tumi bɔ mefa mepepɛ mede ɛmɔ anaa? Ɛ́mɔtie, metwi ɛpo nyunu maa ɔwewe, mema asue mɔ bɛkakyi aseɛ pralaa, na ɔnate kyɛ bɛ nu naen bennya nzue ti, nzuhɔen ku bɛ maa bewu bɛporɔ.

Hesekiel 47:8

Na osele me kyɛ, “Asue he, ɔtengyɛ kɔ eyia afiteleɛ bue nu dɔ okogua Araba ne anu, na ɔtengyɛ kogua ɛpo nu a, ɔsa nzue ne anwonyerɛ.

Nahum 1:4

Ɔkã ɛpo nyunu, na ɔmaa ɔwewe, ɔwewe asue amukoraa; Basan ne Kamɛl kese, na Lebanon nyerɛen twindwam.

Habakuku 3:8

Ao AWURADE, aso asue mɔ yeɛ w’ahone huli bɛ so ne anaa? Asue mɔ yeɛ ɛfɛle bɛ so yaa ne anaa? Ɛpo yeɛ wɔ nye borole ye so ne anaa, mmerɛ bɔ né ɛte wɔ mbɔngɔ so, ne wɔ ngoalelɛ teaseɛnam mɔ nu ne?

Numeri 34:3

ɛmɔ aseɛ ne, ye ngwaen dɔ wɛen ne, ɔkɔtrɛ kofi Sen ɛserɛ so ná ɔne Edom babɔ wɛen. Ɛmɔ ngwaen dɔ wɛen ne, ɔkɔtrɛ kofi Ngyee Ɛpo ne anoa wɔ eyia afiteleɛ.

Deuteronomi 1:1

Edwirɛ bɔ Mose hã hyirele Yisraelfoɛ amukoraati wɔ asue Yɔɔdan si, wɔ ɛserɛ ne aso ɛhe. Né bɛ nye kyire Sufe aseɛ frɛtɛɛ, bɔ ɔwɔ Paran, Tofel, Laban, Haserote ne Disahabo b’afia ne.

Deuteronomi 3:17

Aseɛ ne, asue Yɔɔdan wɔ ye eyia atɔleɛ, wɔ Araba ne anu dɔ, fite Kinerete kɔpem Araba po bɔ besa bɛfrɛ ye Ngyee po ne, wɔ Pisiga bokaa ne aseɛnwo dɔ, wɔ eyia afiteleɛ.

Yosua 12:3

ɔne Araba ne bɔ ɔkwaadwu Kinerote ɛpo eyia afiteleɛ, bɔ ɔkwaadwu Araba ɛpo ne, bɔ ɔte Ngyee po ne, wɔ Bete Yesimote atee so dɔ, bɔ ɔwɔ Pisiga bokaa ne aseɛnwo, wɔ ngwaen dɔ ne;

Yosua 15:2

Bɛ ngwaen dɔ ɛwɛen ne, ɔhyɛ ye bo fi Ngyee Po noa dɔ, ɔne mboanoa bɔ ye nye nea ngwaen dɔ ne.

Yosua 16:7

Afei ɛwɛen ne fi Yanoa torotoro kɔ Atarote ne Naara, odwu Yeriko, na ɔkɔpem Yɔɔdan noa.

Yosua 3:13

Asɔfo mɔ bɔ bɛsõ AWURADE bɔ ɔte aseɛ mukoraa Mene ye alaka nen, sɛ bɛ gya tia Yɔɔdan nzue ne anu pɛ a, Yɔɔdan nu nzue bɔ ɔtengyɛ fi ye sorɔ dɔ ne kɔpɛ, na ye noa kɔboa wɔ neka horɛ.”

Yosua 4:22

ɛ́mɔma bɛ́te ye bo kyɛ, ‘Yisrael fale aseɛ wosee so yeɛ ɔpɛle asue Yɔɔdan ɔ.’

Yosua 5:1

Amorifoɛ ahemvo amukoraati bɔ bɛwɔ asue Yɔɔdan si eyia atɔleɛ bue nu dɔ ne, bɛ ne Kanaanfoɛ ahemvo amukoraa bɔ bɛwɔ mboanoa ne, mmerɛ bɔ bɛtele kyɛ AWURADE ama Yɔɔdan nu nzue wawewe wama Yisraelfoɛ, kɔpem kyɛ bɛpɛle ye nen, ahunundetelɛ tɔle bɛ so, na ɔnate Yisraelfoɛ ti bɛ nwo ngaka nwatili.

Maenbulɛfoɛ 7:22

Behuli totorobɛndo ɛyaa nza nemɔ nen, AWURADE mane Midian koɛhonɛfoɛ nemɔ bɔbɔ bɛpɛle bɛ nwo bɛfale ngrandɛ behuhuni bɛ nwo. Na bɛnwatili toonn beedwuli Bete Sita. Bɛfale bɛ nye behyirele Serera beedwuli Abel Melola wɛen so, bɔ opingye Tabate ne.