Yosua 3:1 - AHYERƐLƐ KRONGRON

¹ Yosua ne Yisraelfoɛ amukoraati bedwɔsole ngyerɛmɔ tutututu, betuli bɛ bo befili Sitim, na beedwuli asue Yɔɔdan noa. Bɛkyekyele asikyeleɛ wɔ berɛ koraka yeɛ bɛpɛ asue ne ɔ.

Yosua 3:1 Iomraidhean Croise

Gyenesise 21:14

Yiti Abraham dwɔsole ngyerɛmɔ tutuutu, na ɔfale aleɛ ne kɔndoa bɔ nzue wɔ nu mane Hagar fa tole ye kɔme anwo, na oguale ye ne ɔwa ne ate. Hagar sili nu hɔle, na oohyinihyini Beɛ Hyeba ɛserɛ so.

Gyenesise 22:3

Yiti Abraham dwɔsole ngyerɛmɔ tutuutu, osiesiele ye afunum ne, na ɔfale ye somvoɛ nemɔ nu nyɔ, ɔne ɔwa Yisake bokale ye nwo so. Ɔpakyele eyein bɔ ɔkwaafa bɔ naen yeralɛ afɔleɛ ne, na osili nu hɔle nekaa bɔ Nyameɛ hyirele ye kyɛ ɔhɔ ne.

Edwein 119:60

Mema me nwo yɛ nyera, na menyɛ ngyɛkyerɛ kyɛ ngoli wɔ mmeraa dwirɛ so ɔ.

Yeremia 25:3

“Ofi Yuda hene Yosia bɔ ye baba ole Amon ne, ye ahennie afoɛ bɔ ɔtɔ so buru ne nza bɔ ɔbaadwu ɛnɛ, bɔ ɔte afoɛ aburanyɔ ne nza ɔ, AWURADE ala ye dwirɛ ali ahyire me, na mahɔ so mahã mahyire ɛmɔ, nakoso ɛmɔandie.

Yeremia 26:5

ná ɛmɔandie me somvoɛ ngɔmhyɛlɛfoɛ nemɔ bɔ ngɔle so nzomane bɛ ɛmɔ berɛ ne bɛ noa dwirɛ, bɔ yeɛ ɛmɔandie ne,

Yeremia 7:13

Na afei, AWURADE nwa nyoo, ɔnate kyɛ ɛmɔayɔ sɔ nningyein hemɔ amukoraa, bɔ ngɔle so ndwudwole ngyirele ɛmɔ dee bɔ ɛmɔandie ne, ná mvrɛle ɛmɔ ne, ɛmɔandɛ me so ne ati,

Mika 6:5

Ao me maen, kaye porɛ bɔ Moabo hene Balake bɔle ɔ, ɔne mmuayɛɛ bɔ Beɔ awa Balaam ɔfa mane ye, ofi Sitim bɔ ɔkwaadwu Gilgal ɔ, amaa ɔnate so anwu AWURADE tenenee ne.”

Numeri 25:1

Mmerɛ bɔ Yisraelfoɛ bɛɛkyekyele asikyeleɛ bɛtenane Sitim ne, Yisraelfoɛ hyɛle ye bo bɛ ne Moabo mmrasua nemɔ bɛlelale.

Marko 1:35

Na Yesu dwɔsole ngyerɛmɔ tutuutu ofitele, na oowurale nekaa bie konn ɔbɔle mbaeɛ.

Yosua 2:1

Afei Nun awa Yosua somane maentetɛlɛfoɛ nyɔ kudɛɛ fili Sitim, na osele bɛ kyɛ, “Ɛmɔhɔ bɛɛsra aseɛ ne besie, nganga Yeriko.” Yiti besili nu bɛhɔle, na bɛɛlale braa gyanderaniɛ bie bɔ oli Rahabo awuro.

Yosua 6:12

Ye alehyeleɛ nu ne, Yosua dwɔsole ngyerɛmɔ tutututu, na asɔfo nemɔ soale AWURADE alaka ne.

Yosua 6:15

Kyẽa bɔ ɔtɔ so nzoo ne, bɛpɛle aleɛ bedwɔsole, na bɛbɔle kuro ne anwo nzra bɛbra beyiale, kyɛbɔ bɛyɔle ye daa ne ala, sɔ alaa pɛen nzoo. Sɔ kyẽa ne angome de, bɛbɔle kuro ne anwo nzra bɛbra beyiale pɛen nzoo.

Yosua 7:16

Yiti Yosua dwɔsole ngyerɛmɔ tutuutu, ɔmane Yisraelfoɛ wale AWURADE nyunu abusua kure abusua kure, na serewagualɛ ne yele Yuda abusua kure ne.

Yosua 8:10

Yosua dwɔsole ngyerɛmɔ tutuutu boaboale mmenia ne noa, ɔne Yisrael mbanyi bɛfo belili mmenia ne nyunu, na bɛfale bɛ nye behyirele Aye.

Maenbulɛfoɛ 20:19

Yeɛ Yisraelfoɛ dwɔsole ngyerɛmɔ bɛɛkyekyele asikyeleɛ bepingyele Gibea.

1 Samuel 17:20

Dawide dwɔsole alebahyene, ɔfale mmoaen nemɔ wurale ebie sa kyɛ ɔnea bɛ so, na ɔfale aleɛ ne sili nu hɔle, kyɛbɔ Yese hyɛle ye ne. Mmerɛ bɔ oodwuli asikyeleɛ ne anu ne, né Yisrael koɛhonɛfoɛ nemɔ bétu bɛ bo bekogyina koɛ noa, bɔ né bɛteatea nu bɛ́to koɛ dwein ɔ.