Yosua 24:8 - AHYERƐLƐ KRONGRON

⁸ Afei Amorifoɛ bɔ né bɛte Yɔɔdan si dɔ ne, mvale ɛmɔ male b’aseɛ so. Bɛ ne ɛmɔ hone, na mvale bɛ nwurale ɛmɔ sa. Ɛmɔfale b’aseɛ ne, na ngukuni bɛ mvili ɛmɔ nyunu.

Yosua 24:8 Iomraidhean Croise

Nehemia 9:22

Ɛfale ahennie ne maen maen mɔ mane bɛ, na ɛmane wɔ mmenia tenane aseɛ ne aso nekaa biala, maa ɔnate so bɛho bɛfale Hesebon hene Sihon aseɛ ne, yeɛ Basan hene Ogo aseɛ ne.

Ɛksadɔso 23:23

Na sɛ m’abɔfo ne di wɔ nyunu fa wɔ kodwu Amorifoɛ, Hitifoɛ, Perisifoɛ, Kanaanfoɛ, Hiwifoɛ ne Yebusifoɛ berɛ a, ngokyikyi bɛ boso bɔkɔɔ.

Amose 2:10

Afei koso, nyele ɛmɔ mvili Misraim aseɛ so, na nnili ɛmɔ nyunu mvale ɛmɔ mvale ɛserɛ so afoɛ aburanna, kyɛ ɛmɔɔfa Amoriniɛ n’aseɛ ne bɛyɛ ɛmɔ deɛ.

Amose 2:9

Nakoso Amoriniɛ bɔ ye tendenn te kyɛ sida bakaa ne, bɔ ye nwo yɛ se kyɛ eluii ne, nguni ye wɔ bɛ nyunu. Nzɛkyele ye mmakaammaa wɔ anwuro, yeɛ nzɛkyele ye ndii wɔ ye bo.

Deuteronomi 2:32

Afei Sihon wale yɛ so, ɔne ye lɔen amukoraati, kyɛ bɛ ne yɛ baaho koɛ wɔ Yahase.

Yosua 13:10

ɔne Amorifoɛ hene Sihon bɔ olili hene wɔ Hesebon ne, ye nguro amukoraati, toonn bɔ ɔkwaadwu Amonfoɛ ɛwɛen so ne.