Yosua 24:7 - AHYERƐLƐ KRONGRON

⁷ Yisraelfoɛ sũ frɛle AWURADE, na ɔfale awosii kabii tole ɛmɔ ne Misraimfoɛ b’afia. Ɔmane ɛpo oobu fale bɛ so katale bɛ so; na ɛmɔ nye nwuni nikyee bɔ mva nyɔle Misraim ɔ. Na ɛhe asi ne, ɛmɔtenane ɛserɛ so bɛhyɛle.

Yosua 24:7 Iomraidhean Croise

Ɛksadɔso 14:10

Na mmerɛ bɔ Faro pingyele bɛ ne, Yisraelfoɛ mane bɛ nye so, na benwuni kyɛ Misraimfoɛ bɛ́po bɛ so; yiti ɛserɛ piri hane Yisraelfoɛ nemɔ, na besu bɛfrɛle AWURADE.

Ɛksadɔso 14:20

na oogyinane Misraim ɛlɔen ne Yisrael ɛlɔen b’afia. Na kɔngɔen ne amukoraa, munungum ne yɛle awosii mane bue ko, yeɛ ɔtale mane bue ko; yiti bue ko ne angora ambingye obiɛngo kɔngɔen ne.

Ɛksadɔso 14:31

Yisraelfoɛ nwuni tumi piri bɔ AWURADE fa ho tiale Misraimfoɛ ne. Yiti Yisraelfoɛ surole AWURADE, na belele AWURADE ne ye somvoɛ Mose belili.

Deuteronomi 1:46

Ye sɔ ne ati, ngyẽa pee bɔ ɛmɔlili ye berɛ nen, Kadese yeɛ ɛmɔtenane ɔ.

Deuteronomi 2:14

Afoɛ aburasa ne mmɔtwɛ mumua yeɛ yɛfa yɛnatele toonn yɛfili Kadese Banea yɛɛpɛle Serede bɔnza ne ɔ; kɔpem kyɛ sɔ koɛhonɛfoɛ aworɛ ndoatoasoɛ ne amukoraati wuwuli fili asikyeleɛ ne anu ɔ, kyɛbɔ AWURADE tale bɛ nwo ndaen hane ne.

Deuteronomi 29:2

Mose mane Yisraelfoɛ amukoraati beyiale, na osele bɛ kyɛ, “Nikyee biala bɔ AWURADE fa yɔle Faro, ye mbanyi mukoraati, ɔne ye aseɛ amukoraati wɔ Misraim aseɛ so ne, ɛmɔ nye tua;

Deuteronomi 4:34

Anaakyɛ nyameɛ bie wɔ berɛ bɔ wasi ye ahone le kyɛ ɔkwaaye maen bie fi maen foforɛ so ɔfa yɛ ye deɛ, bɔ nzɔhwɛ, nzɛngyerɛnneɛ ne anwanwadeɛ, koɛ, tumi nnwumaa, ɔne tumi asaa, yeɛ ɔfa yɔle sɔ ɔ, kyɛbɔ AWURADE ɛmɔ Nyameɛ yɔ mane ɛmɔ wɔ Misraim maa enwuni ye ne?

Hebrifoɛ 3:17

Nwa mɔ yeɛ Nyameɛ fɛle bɛ so yaa afoɛ aburanna ne? Aso nna bɛ bɔ bɛyɔle bɔne na bɛtotɔle amono nu wɔ ɛserɛ ne aso ne ɔ?

Yosua 5:6

Afoɛ aburanna yeɛ Yisraelfoɛ tuli atee fale ɛserɛ ne aso ɔ, kɔpem kyɛ maen ne amukoraa ne bɛ koɛhonɛfoɛ amukoraa bɔ befi Misraim bɛwale ne bewuwuli ɔ, ofikyɛ bandie AWURADE dwirɛ. Na AWURADE tale ndaen hyirele bɛ kyɛ, ɔngɔma bengonwu aseɛ bɔ ɔtale ndaen hyirele bɛ nana mɔ kyɛ ɔkɔfa kɔma yɛ ne, aseɛ bɔ nyɔfonesue ne woɛ tengyɛ wɔ so ne.