Yosua 24:25 - AHYERƐLƐ KRONGRON

²⁵ Yiti Yosua ne Yisraelfoɛ yɛle apam sɔ kyẽa ne, na ɔmane bɛ ahyɛdeɛ ne nhyehyɛleɛ wɔ Sɛkem.

Yosua 24:25 Iomraidhean Croise

Gyenesise 35:4

Yiti bɛsesale Amaenmaensofoɛ nyameɛ mukoraa bɔ ɔwɔ bɛ nwo ne, ɔne b’asomade bɔ owura bɛ ne bɛmane Yakob; na Yakob fu wurale eluii bɔ né opingye Sɛkem ne abo.

2 Ahemvo 11:17

Yehoada yɛle apam tole AWURADE, yeɛ Nana Yoase ne maen ne b’afia, kyɛ odi kyɛ bɛyɛ AWURADE maen. Afei koso ɔyɛle apam tole Nana Yoase ne maen ne b’afia.

2 Aberɛso Dwirɛ 15:12

Bɛyɛle apam kyɛ bɛkɔfa b’ahone amukoraa ne bɛ kra amukoraa bɛkɔpena AWURADE bɛ nana mɔ Nyameɛ ne, ye si atee.

2 Aberɛso Dwirɛ 15:15

Ɔnate ndaen ne ati, Yuda amukoraa belili ahurusi, ofikyɛ bɛfale b’ahone amukoraa yeɛ bɛfoale so ɔ. Bɛyele bɛ kunu amukoraati yeɛ bɛpenane AWURADE si ate ɔ, na benwuni ye. Na AWURADE mane bɛ asomdwee fili bɛ pɔfoɛ mɔ sa nu wɔ nekaa biala.

2 Aberɛso Dwirɛ 23:16

Yehoada yɛle apam tole ye ne maen ne amukoraa ne Nana Yoase b’afia, kyɛ odi kyɛ bɛyɛ AWURADE maen.

2 Aberɛso Dwirɛ 29:10

Afei mayɛ m’adwene kyɛ me ne AWURADE Yisrael Nyameɛ ne kɔyɛ apam, amaa ɔnate so wayakyi ye yaa piri bɔ wafɛ yɛ so ne.

Nehemia 9:38

“Ɔnate ɛhe amukoraa ti, yahyɛ bɔ kitii yahyerɛ yagua nwomaa so. Sɔ nwomaa ne, yɛ mbanyi mɔ, yɛ Lewifoɛ mɔ ne y’asɔfo mɔ yeɛ bafa bɛ nzɔanoɛ basɔ ye noa ɔ.

Ɛksadɔso 15:25

Yiti Mose sũ frɛle AWURADE, na AWURADE hyirele ye bakaa bie. Ogyili bakaa ne tole nzue ne anu, na nzue ne yɛle fɛ. AWURADE yɛle ahyɛdeɛ ne nhyehyɛleɛ mane bɛ wɔ berɛ, na osole bɛ neane wɔ berɛ.

Ɛksadɔso 24:3

Mose wale, na ɔɔfale AWURADE dwirɛ amukoraa ne ye nhyehyɛleɛ amukoraa bɔle mmenia ne amaneɛ, na mmenia ne amukoraa bɔle nu hane kyɛ, “Edwirɛ biala bɔ AWURADE aha ne, yɛkoli so.”

Deuteronomi 29:1

Apam bɔ AWURADE hyɛle Mose kyɛ ɔne Yisraelfoɛ bɛ́yɛ wɔ Moabo aseɛ so, ná ɔ́fa boka apam bɔ ɔne bɛ yɛle wɔ Horebo ne, nu dwirɛ ɛhe:

Yosua 24:1

Afei Yosua mane Yisrael mmusua kure ne amukoraati yiale wɔ Sɛkem. Ɔfrɛle Yisrael mbanyi, mmusua mbanyi, ndɛenbualɛfoɛ ne atitirefoɛ, na beegyinane Nyameɛ nyunu.

Yosua 24:26

Yosua hyerɛle sɔ dwirɛ ne wɔ Nyameɛ mmeraa nwomaa ne anu. Na ɔfale nyɔboɛ kandinga bie penane eluii bakaa bɔ ogyi AWURADE nekaa krongron berɛ ne abo.