Yosua 24:20 - AHYERƐLƐ KRONGRON

²⁰ Sɛ ɛmɔyakyi AWURADE si lilɛ bɛkɔɔso Amaenmaensofoɛ nyameɛ mɔ a, ye de ɔmva ye nwo kyɛ AWURADE ayɛ ɛmɔ paa ɔ, ɔkɔpɛ ye nwo kɔprapra amaneɛ kogua ɛmɔ so kɔmaa ɛmɔkowuwu.”

Yosua 24:20 Iomraidhean Croise

1 Aberɛso Dwirɛ 28:8

Yiti AWURADE maen Yisrael amukoraa ɛmɔ nyunu, ɔne yɛ Nyameɛ so anu, mekã mekyire ɛmɔ kyɛ, AWURADE ɛmɔ Nyameɛ mmeraa dwirɛ ne, ɛmɔli ye mukoraati so, amaa ɔnate so ɛmɔafa aseɛ paa he batena so, ná ɛmɔ wue asi wayɛ ɛmɔ boso ama b’agyapadeɛ afebɔɔ.

1 Aberɛso Dwirɛ 28:9

“Na afei, mma Solomon, AWURADE wɔ baba ye Nyameɛ ne, odi kyɛ enwu ye yé, ná ɛfa ahone bɔ nu te, ɔne sotie ɛso ye. Ofikyɛ AWURADE neanea ahone amukoraa nu, na ɔse nzusuleɛ ne adwene biala. Sɛ ɛpena ye si ate a, ekonwu ye, nakoso sɛ ɛpo ye a, ɔkɔye ye sa kofi wɔ bo afebɔɔ.

2 Aberɛso Dwirɛ 15:2

Ɔhɔ ooyiale Asa, na osele ye kyɛ, “Asa ne Yuda maen amukoraa ne Benyamin maen amukoraa, ɛ́mɔtie! Ɛmɔso AWURADE ye de, AWURADE gyi ɛmɔ si. Sɛ ɛmɔpena ye si atee a, ɛmɔkonwu ye. Nakoso sɛ ɛmɔpo ye a, ye koso ɔkɔpo ɛmɔ.

Ɛsra 8:22

Na ɔyɛle me nya kyɛ ngɔsrɛ Nana Atasɛsɛse kyɛ ɔma yɛ koɛhonɛfoɛ ne pɔngɔhanɛfoɛ bɔ bɛkɔbɔ yɛ nwo waen bekofi yɛ pɔfoɛ mɔ sa nu wɔ atunu ɔ, ofikyɛ né yali moa yahã yahyire ye kyɛ, “Sona biala bɔ ɔpena yɛ Nyameɛ si atee ne, Nyameɛ do ye ɔbɔ ye nwo waen. Nakoso ebiala bɔ ɔpo Nyameɛ nen, Nyameɛ tumi ne ye yaafɛlɛ ko tia ye.”

Edwein 89:31

sɛ betwi bɛfa m’ahyɛdeɛ so, ná bandie me mmeraa dwirɛ a,

Yesaya 1:28

Nakoso mmeraatolɛfoɛ ne bɔnefoɛ de, ngohũ bɛ ngɔbɔ nu, na bɛ bɔ bɛpo AWURADE ne wora, ngohũhũ bɛ.

Yesaya 63:10

Nakoso bɛ de, bɛyɛle lɔen bɛmane ye Sunzum krongron ne wora bɔle; yiti ɔpɛle ye nwo yɛle bɛ pɔfoɛ, na ye bɔbɔ ɔho tiale bɛ.

Yeremia 17:13

Ao AWURADE, Yisrael anyelasoɛ! Ebiala bɔ ɔpo wɔ ne, ye nyunu kogua ase; bɛ bɔ bɛkakyi bɛ si bɛma me ne, bɛkɔhyerɛ bɛ dumaa wɔ aseɛ so, ofikyɛ bapo AWURADE bɔ ɔte ngoa asue ti ne.

Hesekiel 18:24

Nakoso sɛ teneneeniɛ twe ye nwo fi ye tenenee nwo, ná ɔkɔbɔ amumuyɛɛ bra, ná ɔbɔ akyiwadeɛ bra mukoraa bɔ bɔnefoɛ bɛbɔ ne a, yiti okonya ngoa anaa? Ye tenenee bra bɔ wabɔ amukoraa, mengɔkaye. Na ɔnate ye nahorɛ bɔ wanni bɔ odi ye nwo foɛ, ɔne bɔne bɔ wayɔ ne ati, okowu.

Asomafoɛ 7:42

Yiti Nyameɛ yele ye nye, na ɔyele bɛ mane kyɛ bɛsɔne nyameɛso nzramaa, kyɛbɔ bahyerɛ ye wɔ ngɔmhyɛlɛfoɛ nwomaa ne anu kyɛ, ‘O Yisrael awuro ama! Afoɛ aburanna bɔ ɛmɔlili ye wɔ ɛserɛ so ne, aso ɛmɔfale ngaka ne aleɛ bɛbɔle afɔleɛ bɛmane me?

Deuteronomi 4:25

“Sɛ ɛwo mmaa ná enya nnomaa, ná ɛhyɛ ye bo edi wɔ ti piri wɔ aseɛ ne aso, ná sɛ ɛyɔ amoen biala sɛso ɛfa gua wɔ nwo fiɛ, maa ɔnate so ɛyɔ bɔne wɔ AWURADE wɔ Nyameɛ nyunu ma ye ahone hu a,

Deuteronomi 4:26

ye de méfrɛ anwuro ne aseɛ maa bedi adanzeɛ betia ɛmɔ ɛnɛ kyẽa ye, kyɛ ɔngɔhyɛ biala ɛmɔ boso konua bɔkɔɔ wɔ aseɛ bɔ ɛmɔkwaapɛ asue Yɔɔdan bɛkɔfa ne aso. Ɛmɔngɔtena so bɛngɔhyɛ, na ɛmɔ boso konua bɔkɔɔ.

Hebrifoɛ 10:38

Na teneneeniɛ de, ɔnate ye gyidie so yeɛ okonya ngoa ɔ; nakoso sɛ osa ye si de a, me kra nye ngɔgye ye nwo.”

Yosua 24:21

Na maen ne buale Yosua kyɛ, “Daabi! AWURADE yeɛ yɛkɔso ye ɔ.”

1 Samuel 12:15

Nakoso sɛ ɛmɔandie AWURADE dwirɛ, ná sɛ ɛmɔtwi bɛfa AWURADE mmeraa dwirɛ so de a, ye de AWURADE tumi kotua ɛmɔ so kerɛ, kyɛbɔ otuale ɛmɔ nana mɔ so kerɛ ne.

1 Samuel 12:25

Nakoso sɛ ɛmɔtoa so bɛyɔ bɔne a, ye de, ɛmɔ ne ɛmɔ hene ne, ɛmɔ boso konua.”