Yosua 24:18 - AHYERƐLƐ KRONGRON

¹⁸ Na AWURADE foane maen maen amukoraa, yeɛ Amorifoɛ bɔ né bɛte aseɛ ne aso ne fili yɛ nyunu. Yiti yɛ koso yɛkɔso AWURADE, ofikyɛ ye yeɛ ɔte yɛ Nyameɛ ɔ.”

Yosua 24:18 Iomraidhean Croise

Edwein 116:16

Ao AWURADE, nde wɔ somvoɛ, nde wɔ somvoɛ, w’afaneɛ awa ole me. Asangye nyamaa bɔ wakyekye me ne.

Ɛksadɔso 10:2

Na ɔnate so ɛkɔha kyɛbɔ masi magoro Misraimfoɛ nwo, ɔne nzɛngyerɛnneɛ bɔ mayɔ ye bɛ berɛ kohyire ɛwa ne w’anomaa. Na ɛhe kɔmaa ekonwu ye kyɛ me ole AWURADE.”

Ɛksadɔso 15:2

AWURADE te m’anwoserɛ ne me dwein, na wayɛ me ngoadefoɛ. Ɔte me Nyameɛ, na ngɔye ye ayɛ, me baba Nyameɛ ɛne, na ngɔma ye so.

Ɛksadɔso 23:31

Ngɔto wɔ wɛen ngofi Ɛpo Kɔkorɛ noa maa okoodwu Filistifoɛ mboanoa, fi ɛserɛ so kodwu asue Yufreti noa. Ofikyɛ ngɔmaa ɛmɔkoli aseɛ ne asofoɛ so ngonim, ná afoa bɛ afi wɔ nyunu.

Mika 4:2

na maen maen pee kɔwa bɛkɔɔhã kyɛ, “Ɛmɔbra maa yɛfo yɛhɔ AWURADE bokaa ne aso, yɛhɔ Yakob Nyameɛ n’awuro berɛ, amaa ɔnate so wahyirehyire yɛ ye atee, ná yanate ye atimbire so.” Ofikyɛ Sion yeɛ mmeraa ne kofi kɔwa ɔ, na AWURADE dwirɛ ne kofi Yerusalem yeɛ ɔkɔwa ɔ.

Sakaria 8:23

Asafo AWURADE nwa nyoo: sɔ mmerɛ ne, edwudwolɛ biala nu mmenia buru bɔ befi maen maen mɔ nu ɔ bɛkɔsosɔ Yudaniɛ ko ataadeɛ noa, na bekose kyɛ, ‘Yɛne ɛmɔ kɔhɔ, ofikyɛ yate kyɛ Nyameɛ gyi ɛmɔ si.’ ”

Asomafoɛ 7:45

Na nziɛ ye, yɛ nana mɔ koso bɛ sa hane ɛtena sua ne fili bɛ baba mɔ berɛ, na bɛ ne Yosua fa wale maen maen bɔ Nyameɛ foane bɛ fili yɛ nana mɔ nyunu nemɔ aseɛ so. Na olili bɛ sa nu maa oodwuli Dawide aberɛ so.

Deuteronomi 10:21

Ye yeɛ ɔfata w’ayɛyelɛ ɔ; ye yeɛ ɔte wɔ Nyameɛ bɔ wayɔ nningyein mbiri mbiri ne anwanwadeɛ nningyein hemɔ wama wɔ ɔ, nningyein bɔ wɔ nye tua ye.

Deuteronomi 33:27

Ɛdangama Nyameɛ te w’afealeɛ, ɛfea ye sa afebɔɔ ne abo, Ɔfoane pɔfoɛ ne fili wɔ nyunu, na ɔhane kyɛ, ‘Kuku bɛ!’

Yosua 23:9

Ofikyɛ AWURADE afoa maen mbiri mbiri bɔ bɛ nwo yɛ se ɔ wafi ɛmɔ nyunu. Na ɛmɔ de, toonn bɔ ɔbaadwu ɛnɛ ye, ebiala nne berɛ bɔ wahora wagyina ɛmɔ nyunu ɔ.

Yosua 24:17

Ofikyɛ AWURADE yɛ Nyameɛ yeɛ ɔyele yɛ ne yɛ nana mɔ fili Misraim aseɛ so ngoaasolɛ nu wale ɔ. Na nzɛngyerɛnneɛ mbiri mbiri bɔ yɛnwuni ye ne, ye yeɛ ɔyɔle ɔ. Atee bɔ yɛfale so ne amukoraa, yeɛ maen maen mukoraa bɔ yɛɛfale so ne, ɔbɔle yɛ nwo waen fili nu.

Yosua 24:19

Nakoso Yosua sele maen ne kyɛ, “Ɛmɔngɔhora ngɔso AWURADE, ofikyɛ ɔte Nyameɛ bɔ ɔte krongron ɔ. Ɔte nungunɛ Nyameɛ; na ɔngɔfa ɛmɔ mmeraatolɛ ne ɛmɔ bɔne ngɔhyɛ ɛmɔ.