Yosua 24:15 - AHYERƐLƐ KRONGRON

¹⁵ Na sɛ ɛmɔ kunu ndwo kyɛ ɛmɔkɔso AWURADE de a, nzaade ɛnɛ kyẽa ye ɛ́mɔhyire bɔ ɛmɔkɔso ye ɔ: sɛ mmosoen bɔ ɛmɔ nana mɔ sole bɛ wɔ asue ne asi dɔ ne ahɔ oo, anaakyɛ Amorifoɛ bɔ ɛmɔte b’aseɛ so ye bɛ mmosoen nemɔ ahɔ oo. Nakoso me ne m’awuro ama de, yɛ de yɛkɔso AWURADE.”

Yosua 24:15 Iomraidhean Croise

Gyenesise 18:19

Mapa nu maye ye, kyɛ ɔ́hyɛ ye mma ne ye boso ama bɔ bɛkɔwa nziɛ ye ma bɛnate AWURADE atee so, ma bɛyɔ bɔ ɔtengyɛ, ɔne bɔ ɔte pɛpɛɛpɛ ɔ; amaa ɔnate so AWURADE ama ɛbɔ bɔ wahyɛ Abraham ne awa nu.”

Gyenesise 35:2

Yiti Yakob sele ye awuro ama ne bɛ bɔ bɛboka ye so amu kyɛ, “Ɛ́mɔgyi Amaenmaensofoɛ nyameɛ mɔ bɔ bɛwɔ ɛmɔ nwo ne begua, ɛ́mɔpete ɛmɔ nwo, na ɛ́mɔsesã ɛmɔ ndaadeɛ.

1 Ahemvo 18:21

Yeɛ Elia wale mmenia ne amukoraa nwo berɛ, na obisale kyɛ, “Ɛmɔ adwene kɔyɛ ndaa ndaa maa okoodwu kyinzu? Sɛ AWURADE yeɛ ɔte Nyameɛ a, ye de ɛmɔso ye. Nakoso sɛ Baal ahɔ de a, ye de ye yeɛ ɛmɔso ye ɔ.” Na maen ne amma ye mmuayɛɛ.

1 Aberɛso Dwirɛ 1:14

na Kanaan boso ama ole Yebusifoɛ, Amorifoɛ, Gɛgasifoɛ,

Edwein 101:2

Atee bɔ ɔte pɛpɛɛpɛ ne, so yeɛ ngɔfa ɔ. Ao, kyinzu yeɛ ɛkɔwa me nwo wa ɔ? Ngɔfa ahone bɔ nu te ɔ ngɔnate m’awuro berɛ.

Edwein 119:106

Mata ndaen, na ngoli so, kyɛ ngoli wɔ tenenee nhyehyɛleɛ ne aso.

Ɛksadɔso 23:2

Nnɛdi mmeni soma si ɛkɔyɔ bɔne. Sɛ édi dwirɛ bie nwo adanzeɛ a, nnɛdi mmeni soma noa dwirɛ si, ná angyea nahorɛ ne;

Ɛksadɔso 23:24

Nnɛbɔ wɔ ti ase ma bɛ mmosoen nemɔ, nnɛsɔne bɛ, yeɛ nnɛyɔ bɛ yɔleɛ ne bie. Na mmom sɛkyesɛkye bɛ bosoen nemɔ bɔkɔɔ, ná bubu bɛ bonima nemɔ nu gɔsɔgɔsɔ.

Ɛksadɔso 34:15

Nnɛne aseɛ ne aso ama yɛ apam, amaa sɛ bɛbɔ adwaman bekodi bɛ mmosoen nemɔ asi, ná bɛbɔ afɔleɛ bɛma bɛ mmosoen nemɔ, ná bɛ nu bie to ye sa frɛ wɔ a, angɔanni ye afɔleɛ ne bie.

Hesekiel 20:39

“Na ɛmɔ, Yisrael awuro ama, AWURADE Nyameɛ nwa nyoo: Sɛ ɛmɔngotie me dwirɛ de a, nzaade afei ɛmɔ nu biala ɔhɔ ɔɔso ye mmosoen. Nakoso ye si ye, nnɛma ɛmɔfa ɛmɔ akyɛdeɛ ne ɛmɔ mmosoen ne begua me dumaa krongron ne nwo fiɛ ko.

Daniel 3:18

Nakoso Nana, sɛ wanne yɛ po a, yɛ́maa enwu ye kyɛ yɛngɔso wɔ nyameɛ nemɔ, yeɛ yɛngɔsɔne sikaa kɔkorɛ amoen bɔ agyina ne.”

Lewitikɔso 14:42

Odi kyɛ bɛsesa nyɔboɛ foforɛ bewura nyɔboɛ ɛhene mɔ boso, ná bɛ́fa ɛfaa foforɛ bɛma awuro ne anwo.

Mika 4:5

Ofikyɛ amaen maen amukoraa, bɛ nu biala nate wɔ ye nyameɛ dumaa nu, nakoso yɛ de, yɛkɔnate AWURADE yɛ Nyameɛ dumaa nu afebɔɔ.

Asomafoɛ 11:23

Banaba hɔle oodwuli berɛ na onwuni kyɛbɔ Nyameɛ asi ayira asɔre nen, ye nye gyele, na ɔhyɛle bɛ nguraen kyɛ bɛfa b’ahone mukoraa bɛsɔ gyidie ne anu paa, na beli nahorɛ bɛma Awurade.

Deuteronomi 13:7

mmenia bɔ bapɛ ɛmɔ nwo bayia ne bɛ mmosoen nemɔ nu biala, sɛ mmenia nemɔ pingye ɛmɔ oo, sɛ bembingye ɛmɔ oo, fite aseɛ ti kɔka ye ti,

Deuteronomi 29:18

Ɛ́mɔnea yé ná ɛmɔ nu biala, bienzua oo, brasua oo, abusua oo, anaa abusua kure oo, wandwe ye nwo ɛnɛ kyẽa ye wamvi AWURADE yɛ Nyameɛ nwo, kyɛ ɔkwaaso sɔ maen maen nemɔ bɛ mmosoen nemɔ. Nnɛma ɛmɔ nu bie yɛ ye nwo bakaa weewee bɔ ye noa le ɛborɔ ɔ.

Yosua 24:16

Na Yisraelfoɛ buale kyɛ, “Ɔngɔwa ye sɔ le kyɛ yɛkɔyakyi AWURADE berɛ yɛkɔɔso nyameɛ foforɛ biemɔ ɔ.

Maenbulɛfoɛ 6:10

Na nga ngyirele ɛmɔ kyɛ, ‘Me ole AWURADE ɛmɔ Nyameɛ; Amorifoɛ bɔ ɛmɔte b’aseɛ so ne, nnɛma ɛmɔsɔne bɛ nyameɛ mɔ.’ Nakoso ɛmɔandie me dwirɛ.”