Yosua 24:14 - AHYERƐLƐ KRONGRON

¹⁴ “Yiti ɛ́mɔsuro AWURADE ná ɛ́mɔso ye ferengyemm ne nahorɛ nu. Na mmosoen bɔ ɛmɔ nana mɔ sole bɛ wɔ asue Yufreti asi dɔ, ɔne Misraim nen, ɛ́mɔgyi bégua ná ɛ́mɔso AWURADE.

Yosua 24:14 Iomraidhean Croise

Gyenesise 17:1

Mmerɛ bɔ Abram lili afoɛ aburahona ne ngona ne, AWURADE yele ye nwo ali hyirele ye, na osele ye kyɛ, “Me ole Tuminiɛ Nyameɛ, di me dwirɛ so, ná ma wɔ bra yɛ sannwuu.

Gyenesise 35:2

Yiti Yakob sele ye awuro ama ne bɛ bɔ bɛboka ye so amu kyɛ, “Ɛ́mɔgyi Amaenmaensofoɛ nyameɛ mɔ bɔ bɛwɔ ɛmɔ nwo ne begua, ɛ́mɔpete ɛmɔ nwo, na ɛ́mɔsesã ɛmɔ ndaadeɛ.

2 Ahemvo 20:3

“Ao AWURADE, kyɛbɔ mafa m’ahone amukoraa mali wɔ dwirɛ so nahorɛ nu, ɔne kyɛbɔ mayɔ bɔ ɔtengyɛ wɔ wɔ nyunu ne, mesrɛ wɔ, fa wɔ nye to.” Na Hesekia suni hahii.

Ɛsra 9:11

bɔ ɛnate wɔ somvoɛ mɔ so ɛhyɛle kyɛ, ‘Aseɛ bɔ ɛmɔkwaafa bɛtena so ne, ɔte aseɛ bɔ so ama nemɔ bafa bɛ bra fiɛ ne b’akyiwadeɛ yɔleɛ bahã ye ɔ. Bafa bɛ yɔleɛ fiɛ bayi ye tɛkyɛ fi ye ti kɔka ye ti.

YOB NWOMAA NE 1:1

Né biaa bie te Yuse aseɛ so. Ye dumaa li Yob. Sɔ biaa ne, né ye bra te sannwuu, na ɔtengyɛ. Ɔte sona bɔ né osuro Nyameɛ ɔ, na ɔhwene ye nwo fili bɔne nwo.

YOB NWOMAA NE 28:28

Na osele kuro sona kyɛ, ‘Tie, nworɛ ole kyɛ ekosuro AWURADE ɔ, yeɛ nimdeɛ ole kyɛ ɛkɔhwe wɔ nwo kofi bɔne nwo ɔ.’ ”

Edwein 111:10

AWURADE surolɛ te nworɛnwunɛ ye bohyɛlɛ; bɛ bɔ bɛyɔ sɔ ne, benya nimdeɛ paa. Odi kyɛ bɛye ye ayɛ afebɔɔ.

Edwein 119:1

Bɛ bɔ bɛ bra te sannwuu, ná bedi AWURADE mmeraa so ne, benya saleɛ.

Edwein 119:80

Maa m’ahone nu ɔyɛ sannwuu wɔ w’ahyɛdeɛ so lilɛ nwo, amaa ɔnate so me nyunu wangua ase.

Edwein 130:4

Nakoso wɔ de bɔnefakyɛ wɔ wɔ nu, amaa ɔnate so yasuro wɔ.

Edwein 81:10

Me ole AWURADE wɔ Nyameɛ, bɔ ɔyele wɔ fili Misraim aseɛ so wale ne. Bukye wɔ noa nu hambonnwu, na ngɔfa nningyein ngowura ye tɛkyɛ.

Hesekiel 20:18

“Na nzele bɛ mma mɔ wɔ ɛserɛ ne aso kyɛ, ‘Ɛmɔ nana mɔ yɔleɛ ne, nnɛma ɛmɔyɔ bie, nnɛma ɛmɔtu b’agyirɛ bɔ betuli ne bie, yeɛ nnɛma ɛmɔsɔne bɛ mmosoen nemɔ begua ɛmɔ nwo fiɛ.

Hesekiel 23:3

Bɛbɔle gyandera wɔ Misraim; bɛbɔle gyandera wɔ bɛ mmaayaa nu’. Berɛ yeɛ bɛmaa bemiamiane bɛ nyɔfone ná bɛsosɔle bɛ nyɔfone mbokua nu ɔ.

Hosea 3:5

na ye si, Yisraelfoɛ kosa kɔwa bɛkɔɔpena AWURADE bɛ Nyameɛ ne bɛ hene Dawide si atee, na bekosuro AWURADE ne ye anwumvoinnwunɛ wɔ ngyẽa bɔ oli nziɛ nemɔ anu.

Lewitikɔso 17:7

Ɔnate ɛhe aso bɛngɔhɔ so bɛngɔbɔ b’afɔleɛ mɔ bɛngɔma mmosoen mɔ bɔ besoma mbɔngye ne, mekyire mmosoen bɔ bafa bɛ nwo bawura bɛ sa ne. Ɛhe kɔyɛ ahyɛdeɛ afebɔɔ kɔma bɛ wɔ b’aworɛ ndoatoasoɛ mukoraati nu.’

Mika 6:8

Ao kuro sona, wala bɔ ɔte paa ɔ ali wahyire wɔ, nzikyɛ yeɛ AWURADE pena fi wɔ berɛ ɔ? Bɔ ɔpena ala ole kyɛ ɛkɔyɔ bɔ ɔtengyɛ, ekonwu anwumvoin, ɔne kyɛ ɛne wɔ Nyameɛ bɛkɔnate anwobrɛaseɛ nu ɔ.

Luka 8:15

Na bɔ beguale aseɛ paa so ne, bɛ ole mmenia bɔ bɛte dwirɛ ne a, bɛfa ahone paa ɔne bɔ nu te ɔ bɛsɔ nu bum, na begyina pindinn besu mmaa.

Asomafoɛ 9:31

Yiti asɔre nemɔ bɔ bɛwɔ Yudea ne Galilea ne Samaria mukoraa benyane asomdwee, na benyini nyamesom nu. Na bɛnate Awurade surolɛ ne Sunzum Krongron aworakyekyerɛ nu bɛsone pee.

2 Korintofoɛ 1:12

Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

Ɛfesofoɛ 6:24

Bɛ bɔ befi b’ahone nu bekuro y’Awurade Yesu Kristo dwirɛ amukoraa ne, adom ɔyɛ bɛ deɛ.

Deuteronomi 10:12

“Yiti afei, Yisrael, nzikyɛ yeɛ AWURADE wɔ Nyameɛ pena fi wɔ berɛ ɔ? Bɔ ɔpena ole kyɛ ekosuro AWURADE wɔ Nyameɛ, ná ɛkɔfa ye atee mukoraa so, ná ekohuro ye dwirɛ, ná ɛkɔfa w’ahone mukoraati ne wɔ kra mukoraati ɛkɔso AWURADE wɔ Nyameɛ ɔ,

Deuteronomi 18:13

Di nahorɛ turoloo ma AWURADE wɔ Nyameɛ.

Deuteronomi 6:13

Suro AWURADE wɔ Nyameɛ, ye yeɛ ɔsɛ kyɛ ɛso ye ɔ, na ye dumaa ngome yeɛ fa ta ndaen ɔ.

Filipifoɛ 1:10

amaa ɛmɔahora banwu nningyein bɔ ɔte paa, ná ɛmɔayɛ mmenia bɔ ɛmɔ bra te sannwuu bɔ ngekalewa biala nne ɛmɔ nwo ɔ, maa waadwu Kristo kyẽa ne,

Yosua 24:2

Na Yosua sele maen ne amukoraati kyɛ, “AWURADE Yisrael Nyameɛ nwa nyoo, ‘Daa tete ne, ɛmɔ nana mɔ Tera ne ye mma Abraham ne Nahɔ bɛtenane asue Yufreti si, na bɛsole nyameɛ foforɛ biemɔ.

Yosua 24:23

Na osele kyɛ, “Nzaade ɛ́mɔgyi Amaenmaensofoɛ nyameɛ mɔ bɔ ɛmɔle ye ne begua, ná ɛ́mɔfa ɛmɔ nwo bɛ́ma AWURADE Yisrael Nyameɛ.”

1 Samuel 12:14

Sɛ ɛmɔkosuro AWURADE, ɛmɔkɔso ye, ɛmɔkotie ye dwirɛ, ná mmom ɛmɔandwi bamva AWURADE mmeraa dwirɛ so, ná ɛmɔ ne ɛhene bɔ odi ɛmɔ so ne bedi AWURADE ɛmɔ Nyameɛ si a, ye de okoyie ɛmɔ yé.

1 Samuel 12:24

Ɛ́mɔnea nningyein mbiri mbiri bɔ wayɔ wama ɛmɔ ɔ. Esurolɛ mmom yeɛ ɔsɛ kyɛ ɛmɔsuro AWURADE, ná ɛmɔfa ɛmɔ ahone amukoraa bɛso ye nahorɛ nu ɔ.

1 Samuel 7:3

Afei Samuel sele Yisrael awuro ama amukoraati kyɛ, “Sɛ ɛmɔ ahone nu paa yeɛ ɛmɔsa bɛba AWURADE berɛ a, nzaade ɔsɛ kyɛ ɛmɔye Amaenmaensofoɛ nyameɛ mɔ ne mmosoen Astarote befi ɛmɔ nu begyi begua. Ɔsɛ kyɛ ɛmɔtu ɛmɔ nwo besie berɛ bɔkɔɔ bɛma AWURADE, ná ɛmɔso ye ngome, na okole ɛmɔ kofi Filistifoɛ sa nu.”