Yosua 24:11 - AHYERƐLƐ KRONGRON

¹¹ Na ɛmɔpɛle asue Yɔɔdan bɛwale Yeriko nen, Yerikofoɛ ne ɛmɔ hone. Sɔ ala yeɛ Amorifoɛ, Perisifoɛ, Kanaanfoɛ, Hitifoɛ, Gɛgasifoɛ, Hiwifoɛ ne Yebusifoɛ bɛ ne ɛmɔ hone ɔ. Na mvale bɛ nwurale ɛmɔ sa.

Yosua 24:11 Iomraidhean Croise

Gyenesise 15:19

Kenifoɛ, Kenisifoɛ, Kademonifoɛ,

Edwein 105:44

Ɔfale maen maen mɔ b’aseɛ mane Yisraelfoɛ, ɔmane Yisraelfoɛ bɛ sa hane bɔ maen maen nemɔ bafɛ banya ɔ,

Edwein 114:3

Ɛpo nwuni ye, na ɔnwatili; asue Yɔɔdan sale ye si.

Edwein 114:5

Ao ɛpo, nzikyɛ yeɛ wayɔ wɔ maa anwati ye? Ao asue Yɔɔdan, nzikyɛ yeɛ wamaa asa wɔ si ye?

Ɛksadɔso 13:5

Na sɛ AWURADE fa wɔ kodwu Kanaanfoɛ, Hitifoɛ, Amorifoɛ, Hiwifoɛ ne Yebusifoɛ aseɛ bɔ ɔtale ndaen hyirele wɔ nana mɔ kyɛ ɔkɔfa kɔma wɔ ne aso, aseɛ bɔ nyɔfonesue ne woɛ tengyɛ wɔ so ne aso a, di aluolue he wɔ ɛsraen he anu.

Ɛksadɔso 23:23

Na sɛ m’abɔfo ne di wɔ nyunu fa wɔ kodwu Amorifoɛ, Hitifoɛ, Perisifoɛ, Kanaanfoɛ, Hiwifoɛ ne Yebusifoɛ berɛ a, ngokyikyi bɛ boso bɔkɔɔ.

Ɛksadɔso 23:28

Ngɔsoma kotokuradu mɔ maa bekoli wɔ nyunu, na bɛkɔfoa Hiwifoɛ, Kanaanfoɛ ne Hitifoɛ bekofi wɔ nyunu.

Ɛksadɔso 23:31

Ngɔto wɔ wɛen ngofi Ɛpo Kɔkorɛ noa maa okoodwu Filistifoɛ mboanoa, fi ɛserɛ so kodwu asue Yufreti noa. Ofikyɛ ngɔmaa ɛmɔkoli aseɛ ne asofoɛ so ngonim, ná afoa bɛ afi wɔ nyunu.

Ɛksadɔso 3:17

Na mayɛ m’adwene kyɛ ngɔye ɛmɔ ngofi Misraim amaneɛnwunɛ nu, ná mafa ɛmɔ mahɔ Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ aseɛ ne aso, aseɛ bɔ nyɔfonesue ne woɛ tengyɛ wɔ so ne.

Ɛksadɔso 3:8

Na madwu mawa ase kyɛ mebaale bɛ mefi Misraimfoɛ sa nu, ná meye bɛ mefi sɔ aseɛ ne aso mekɔ aseɛ paa bɔ ɔtrɛ ɔ so, aseɛ bɔ nyɔfonesue ne woɛ tengyɛ wɔ so ne: Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ maen ne.

Ɛksadɔso 33:2

Ngɔsoma m’abɔfo maa okoli wɔ nyunu, na ngɔfoa Kanaanfoɛ, Amorifoɛ, Hitifoɛ, Perisifoɛ, Hiwifoɛ ne Yebusifoɛ mɔ ngofi so.

Asomafoɛ 13:19

Nyameɛ sɛkyele maen nzoo wɔ Kanaan aseɛ so, na ɔhyɛle b’aseɛ ne mane yɛ nana mɔ kyɛkyɛ.

Asomafoɛ 7:45

Na nziɛ ye, yɛ nana mɔ koso bɛ sa hane ɛtena sua ne fili bɛ baba mɔ berɛ, na bɛ ne Yosua fa wale maen maen bɔ Nyameɛ foane bɛ fili yɛ nana mɔ nyunu nemɔ aseɛ so. Na olili bɛ sa nu maa oodwuli Dawide aberɛ so.

Deuteronomi 7:1

“Na sɛ AWURADE wɔ Nyameɛ fa wɔ kodwu aseɛ bɔ ɛkwaafa tena so ne aso, ná ɔfoa maen maen pee fi wɔ nyunu a, mekyire Hitifoɛ, Gɛgasifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ: maen nzoo bɔ bɛ somaa ne b’anwoserɛ tra wɔ ɔ,

Yosua 3:10

Na Yosua sele kyɛ, “Ɛhe yeɛ ɔkɔmaa ɛmɔkonwu ye kyɛ Nyameɛ teasefoɛ ne ogyi ɛmɔ si ɔ, na ɔkɔfoa Kanaanfoɛ, Hitifoɛ, Hiwifoɛ, Perisifoɛ, Gɛgasifoɛ, Amorifoɛ, ne Yebusifoɛ kofi ɛmɔ nyunu amba:

Yosua 4:1

Maen ne amukoraati pɛle asue Yɔɔdan yiele nen, AWURADE sele Yosua kyɛ,

Yosua 4:19

Bosome bɔ oli moa ne anu, ye eleburu ne aso yeɛ mmenia ne fili asue Yɔɔdan nu befite bɛwale ɔ, na bɛkyekyele asikyeleɛ wɔ Gilgal, wɔ Yeriko eyia afiteleɛ.

Yosua 4:23

Ofikyɛ AWURADE ɛmɔ Nyameɛ mane Yɔɔdan nu nzue wewele mane ɛmɔ, kɔpem kyɛ ɛmɔpɛle asue ne ɔ, kyɛbɔ AWURADE ɛmɔ Nyameɛ yɛle Ɛpo Kɔkorɛ ne ala, bɔ ɔmaa ɔwewele mane yɛ kɔpem kyɛ yɛpɛle asue ne ɔ.

Yosua 9:2

Beyiale bɛbɔle porɛ kyɛ bɛ ne Yosua ne Yisrael bɛkwaaho.