Yosua 23:9 - AHYERƐLƐ KRONGRON

⁹ Ofikyɛ AWURADE afoa maen mbiri mbiri bɔ bɛ nwo yɛ se ɔ wafi ɛmɔ nyunu. Na ɛmɔ de, toonn bɔ ɔbaadwu ɛnɛ ye, ebiala nne berɛ bɔ wahora wagyina ɛmɔ nyunu ɔ.

Yosua 23:9 Iomraidhean Croise

1 Ahemvo 21:26

Olili mmosoen si yɔle akyiwadeɛ, kyɛ Amorifoɛ bɔ AWURADE foane bɛ fili Yisraelfoɛ nyunu nemɔ ala.)

2 Aberɛso Dwirɛ 20:7

Yɛ Nyameɛ, aso nna wɔ yeɛ ɛfoane mmenia bɔ né bɛte aseɛ ye aso fili wɔ maen Yisrael nyunu, ná ɛfa mane wɔ damvo Abraham ye boso ama afebɔɔ ɔ?

Ɛksadɔso 23:23

Na sɛ m’abɔfo ne di wɔ nyunu fa wɔ kodwu Amorifoɛ, Hitifoɛ, Perisifoɛ, Kanaanfoɛ, Hiwifoɛ ne Yebusifoɛ berɛ a, ngokyikyi bɛ boso bɔkɔɔ.

Ɛksadɔso 23:30

Ngɔfoa bɛ ngofi wɔ nyunu ngaka ngaka, kɔpem kyɛ wɔ boso kɔta, ná afa aseɛ ne ɔ.

Asomafoɛ 7:45

Na nziɛ ye, yɛ nana mɔ koso bɛ sa hane ɛtena sua ne fili bɛ baba mɔ berɛ, na bɛ ne Yosua fa wale maen maen bɔ Nyameɛ foane bɛ fili yɛ nana mɔ nyunu nemɔ aseɛ so. Na olili bɛ sa nu maa oodwuli Dawide aberɛ so.

Deuteronomi 11:23

ye de AWURADE kɔfoa maen maen hemɔ amukoraati kofi ɛmɔ nyunu, na ɛmɔkɔɔfa maen maen bɔ bɛ mbiri ne b’anwoserɛ tra ɛmɔ ɔ.

Deuteronomi 7:24

Ɔkɔfa bɛ hene mɔ kowura wɔ sa, na odi kyɛ ɛma bɛ dumaa mini fi aseɛ ye aso. Na sona biala ngɔhora wɔ nyunu gyina kɔpem kyɛ ekohũhũ bɛ ɔ.

Yosua 1:5

Sona biala ngɔhora ngogyina wɔ nyunu, mmerɛ biala bɔ ɛte ase ɔ. Na kyɛbɔ ngyinane Mose si nen, sɔ ala yeɛ ngogyina wɔ si ɔ. Mengoli wɔ ngasi, yeɛ mengɔyakyi wɔ nu.

Yosua 15:14

Kalebo foane Anake bosofoɛ nza nemɔ fili berɛ. Bɛ ole Sesayi, Ahiman ne Talmae.

Yosua 23:5

AWURADE ɛmɔ Nyameɛ ne, ɔkɔmaa bɛkɔho bekosa, ɔkɔfoa bɛ kofi ɛmɔ nyunu; b’aseɛ ne kɔyɛ ɛmɔ deɛ, kyɛbɔ AWURADE ɛmɔ Nyameɛ hyɛle ɛmɔ bɔ ne.

Yosua 23:8

Na mmom odi kyɛ ɛmɔfa ɛmɔ nwo bɛbɔ AWURADE ɛmɔ Nyameɛ, kyɛbɔ ɛmɔayɔ alaa maa waadwu ɛnɛ ye.

Yosua 24:18

Na AWURADE foane maen maen amukoraa, yeɛ Amorifoɛ bɔ né bɛte aseɛ ne aso ne fili yɛ nyunu. Yiti yɛ koso yɛkɔso AWURADE, ofikyɛ ye yeɛ ɔte yɛ Nyameɛ ɔ.”